Maheberu 11:37 - Tshwa Bible

³⁷ Va lo gandliwa hi maribye, va sahiwa hi tisaruti, va ringwa, va dawa hi supado; va lo nzulanzula na va ambele a mabhebhe ya tiyivu ni timbuti; va lo pswhelekelwa, va xaniseka, ni ku khomiwa hi kubiha, 1 Tih. 21:13; 2 Tih. 1:8

Maheberu 11:37 ပူးပေါင်းရင်းမြစ်များ

2 Samueli 12:31

I lo humesa a vanhu lava va nga wa hi lomo a va veka masahweni, ni lomu mitirweni ya zihloka za ziketse, a va wumbisa zitini; i lo maha zalezo ka yontlhe miti ya vanana va ka Amoni. Zonake Davida i lo tlhelela Jerusalema ni vanhu vakwe vontlhe.

1 Tihosi 18:13

Kasi a hosi ya mina a yi byelwangi lezi nzi nga zi maha a xikhatini lexo Jezebeli a nga hlasela vaprofeti va Jehova ke? Lezaku nzi tekile a zana ga vaprofeti va Jehova nzi va avanyisa hi mitlawa mimbiri ya 50 a munwe, nzi va fihla lomu muhumeni, nzi va phamela ni ku vaha mati.

1 Tihosi 18:4

hakuva xikhatini lexo Jezebeli a nga hlasela a vaprofeti va Jehova, Obadia i wa tekile a zana ga vaprofeti, a va avanyisa hi mitlawa mimbiri ya 50 a munwe, a va fihla lomu muhumeni, a va phamela ni ku va nwisa.

1 Tihosi 19:1

Ahabi i lo ya hlawutela Jezebeli zontlhe lezi zi mahilweko hi Elija, ni lezi a dayisileko zona vontlhe vaprofeti hi supado.

1 Tihosi 19:10

I lo hlamula, aku: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele a vaprofeti va wena hi supado, hi mina nzoce nzi seleko, na vona va lava ku nzi daya! Rom. 11:2

1 Tihosi 19:13

Laha Elija a nga wa gi zwile, i lo fenengeta a nghohe yakwe hi bhaji gakwe, a huma a ya yima laha nyangweni ya mhako. Languta, a gezu gi lota gi taku kakwe: Elija, wo maha yini laha? Ekso. 3:6

1 Tihosi 19:14

Yena i te ngalo: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele vaprofeti va wena hi supado, hi mina nzoce nzi seleko, na vona va lava ku nzi daya.

1 Tihosi 19:19

Zinghaho Elija i lo suka hi laho, a ya kuma Elixa a nʼwana Xafate na a kari a rima hi 12 wa miyoko leyi yi nga wa famba mahlweni kakwe; yena i wa gula a muyoko wo gumesa. Elija i lo hunza hi laha kusuhani kakwe, zonake i lo mu hoxa a kumba wakwe.

1 Tihosi 21:10

mu yimisa a vavanuna vambiri va nyamijiri mahlweni kakwe, lava va ta ngava timboni ha yena, vaku ngalo: Wena u rukatele Nungungulu ni hosi. Zonake mu ta mu humesa lahandle mu mu gandla hi maribye, afa.

2 Tihosi 1:8

Vona va te ngalo kakwe: Munhu a ambeleko a kumba wa woya na bohile a bhandi ga bhebhe xiwunwini xakwe. Yena i te ngalo: Hi Elija a muTixebeti. Zak. 13:4; Mat. 3:4

2 Tihosi 2:13

Zonake i lo teka a nguwo ya Elija leyi a nga wa yi tsikile lahasi, a tlhela a ya yima laha mbhirini ya congo wa Jordani.

2 Tihosi 2:8

Zonake Elija i lo teka a nguwo yakwe a yi petsa, aba ha yona a mati ya congo, a mati ma avanyeka maya seno ni seno. Vona vambiri va lo tlhatuka muhanzeni wu womileko. Ekso. 14:21; Jox. 3:16

1 Kronekele 20:3

A vanhu lava va nga wa hi lomu mutini i lo va humesa a va tsema hi masaho ni mitlonga ya ziketse, ni zihloka. Davida i lo maha lezo ka yontlhe miti ya vana va ka Amoni, zonake a tlhela aya Jerusalema ni vanhu vontlhe.

2 Kronekele 24:21

Va lo boha xikungo xa ku mu lovisa; va mu gandla hi maribye lomu hubyeni ga yindlu ya Jehova, hi kuleletela ka hosi.

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Jeremia 26:23

Va lo humesa Uria le Gipite, va mu wuyisa ka hosi Jehoiakimu, loyi a nga ta mu daya hi supado, a hoxa xirumbi xakwe minkeleni ya cumbu hi vanhu.

Zakaria 13:4

Hi siku lego munwe ni munwani wa vaprofeti i tawa tingana hi miwoniso yakwe a xikhati a profetako; ge a nga ta ambala a nguwo ya woya kasi ku khohlisa. 2 Tih. 1:8; Mat. 3:4

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Mateu 21:35

Kanilezi a varimi va lo khoma a malanza yakwe, vaba ginwe, ginwani va gi daya, ni ginwani va gi gandla hi maribye. 2 Kro. 24:21; 1 Tes. 2:15

Mateu 3:4

Makunu Johani i wa hi ni tinguwo ta woya ga kameli, ni bhandi ga xikhumba xiwunwini xakwe; a kuga kakwe ku wa hi humbi ni wulombe ga khwati. Levi 11:22; Mar. 1:6; 2 Tih. 1:8

Mateu 8:20

Jesu aku ngalo kakwe: A vahlati va na ni timhako, ni tinyanyani ta tilo ti na ni zisaka; kanilezi a Nʼwana wa munhu a nga nako laha a nga vekako kona hloko yakwe.

Luka 13:34

Jerusalema, Jerusalema, wena loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga xuva ku wungeletela a vanana va wena, kota a pswele gi wungeletelako a zihukwana za gona lahasi ta tipapa ta gona, kanilezi a mu zi ranzangi! Mat. 23:37

Mitiro 14:19

Kanilezi ku lo chikela a vaJuda na vata hi le Antiokia ni le Ikoniume, va hlohlotela a zidlemo, va gandla Paule hi maribye, va mu rorovisela le handle ka muti, na va alakanya lezaku i file. Xip. 13:45; 2 Kor. 11:25

Mitiro 7:52

Hi wihi wa vaprofeti a vakoko va nwina va nga mu xanisangiko ke? Va dele lava va nga ranga va kanela hi kuta ka Loyi a Lulamileko; loyi nwina mu mu nyikeleko ni ku mu daya;

2 Va le Korinte 12:10

Hikwalaho nza xalala gomeni, ni kurukatelweni, ni kuvumaleni, ni le kuxanisweni, ni le kukaratekeni hi kota ya Kristu; hakuva loku nzi hi ni gome, hi kona nzi nga ni ntamu. Rom. 5:3; Xip. 7:4; 13:4

Maheberu 11:25

a ti hlawutela a kuva a xaniswa Zinwe ni vanhu va Nungungulu, ku hunza kuva ni litsako la kuonha ka xikhatanyana. Tis. 84:10

Maheberu 13:3

Alakanyani lava va nga makhotsweni, muku khwatsi mu bohilwe zinwe navo; alakanyani ni lava va xaniswako, kota lezi na nwinawu mu nga ni mimiri, Rom. 12:15

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4