Maheberu 11:36 - Tshwa Bible

³⁶ Vanwani va lo ringwa hi kutseketselwa ni kubiwa; ina, va bohiwa ni ku valelwa paxweni. Jer. 20:2

Maheberu 11:36 ပူးပေါင်းရင်းမြစ်များ

Genesisi 39:20

A nwinyi wa Josefa i lo mu khoma a mu hoxa paxweni, lego ku khotselwako kona a tiperesu ta hosi; zinghaho i lo tshama paxweni.

1 Tihosi 22:24

Zonake Zedekia nʼwana Kenaana i lo tshinela kusuhi ka Mikaia a mu phakata laha hlayeni, aku: Wu humisile kuyini a Moya wa Jehova ka mina wu ta wulawula ka wena ke?

1 Tihosi 22:27

A hosi yi ngalo: Enghenisani inaloyi lomu paxweni, mu mu nyika zibaba ni mati ya tiperesu, kala nzi ya wuya hi kurula.

2 Tihosi 2:23

Yena i lo suka laho aya Beteli; na a ha kanziha a famba hi ndlela, ku lota vafanyana na va huma hi lomu mutini, va ta mu hleka, vaku: Kanziha nyapandla nziwena, kanziha nyapandla nziwena!

2 Kronekele 16:10

Zonake Asa i lo zangarela a muwoni a mu hoxa paxweni. I wa mu zangarele nguvu hi kota ya mhaka leyo. I lo xanisa a vanwani vo kari ka xwalexo xikhati.

2 Kronekele 18:26

mu ya ku ngalo ka vona: A hosi yi ngalo: Enghenisani inaloyi paxweni, mu mu phamela zakuga za tsheku ni mati ya tsheku, kala nzi wuya hi kurula.

2 Kronekele 30:10

Zinghaho a mitsukano yi lo famba ka muti ni muti lomu tikweni ga ka Efraime ni ga ka Manasa kala va chikela le Zebuloni; kanilezi va lo va hleka va va tseketsela.

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Jeremia 20:2

i loba Jeremia muprofeti, a mu khotsela makhotsweni ma nga hi le nyangweni ya le hehla ya Benjamini, lomu ndlwini ya Jehova. Jer. 29:26; 37:15

Jeremia 20:7

O Jehova, u nzi vumelisile, nzi vumele a ku kholwiswa; Wena u ni ntamu a ku nzi hunza, u nzi hlulile. Nzi mahile xihlekiso gontlhe siku, Vontlhe va nzi tseketsela.

Jeremia 29:26

Jehova i ku yimisile a kuva mupristi a wutshanwini ga Jehoyada a mupristi, kasi kuva kona varangeli ndlwini ya Jehova, lezaku u boha hi makhotso ni tisinga lava va hlanyako, va ti maha vaprofeti.

Jeremia 32:8

Zonake Hanameli, a raru tsongwani wa mina, i lota ka mina lomu hubyeni ga vanyakasani kota lezi Jehova a wulileko, aku ka mina: Xava a simu ga mina gi nga le Anatote, le tikweni ga Benjamini, hakuva u na ni fanelo yoga tshomba, ni yo gi tirula, ti xavele gona. Zonake nzi lo pima lezaku i gezu ga Jehova.

Jeremia 36:6

Hikwalaho enghena wena lomu ndlwini ya Jehova hi siku ga kuyila, u ya gonza a bhuku legi u gi tsalileko hi nomu wa mina, ma nga magezu ya Jehova, u ma gonza tindleveni ta vanhu ni ta vontlhe vaJuda lava va humeleko hi mitini yabye.

Jeremia 38:28

Na Jeremia i lo tshama lomu hubyeni ya vanyakasani kala a siku legi Jerusalema a nga khoziswa ha gona.

Jeremia 39:15

A mhaka ya ka Jehova yi lota ka Jeremia na a ba khotselwe hubyeni ya vanyakasani, yiku:

Danieli 11:33

Lava va tlharihileko xikari ka tiko va ta gonzisa vanyingi; kanilezi va ta dawa hi supado, ni nzilo, ni wukhumbi ni kuphangiwa a masiku yo kari.

Mateu 20:19

Va ta mu nyikela mandleni ya vamatiko, kasi va mu tseketsela ni ku mu xupula, ni ku mu belela; kanilezi hi siku ga manharu i ta vuka kambe. Xip. 27:2; Lu. 23:1; Miti. 3:13

Mateu 21:35

Kanilezi a varimi va lo khoma a malanza yakwe, vaba ginwe, ginwani va gi daya, ni ginwani va gi gandla hi maribye. 2 Kro. 24:21; 1 Tes. 2:15

Mateu 23:34

Hikwalaho nzi ta mu rumela a vaprofeti, ni vanhu vo tlhariha, ni vatsali; a vanwani va vona mu ta va daya, mu va belela; ni vanwani mu ta va xupula masinagogeni ya nwina, mu va hlongolisa ka muti munwe ni munwani; Lu. 11:49; Miti. 5:40; 2 Kor. 11:24

Mateu 27:26

Zonake i lova tlhatlhisela Barabasi; kanilezi Jesu i lo mu xupula, a mu nyikela a kuva a belelwa. Isa. 53:5; Mar. 15:15

Marku 10:34

lava va ta nga mu tseketsela, va mu phelela, va mu xupula, ni ku mu daya; kanilezi anzhako ka masiku manharu i ta tlhela a vuka.

Luka 18:32

Hakuva i ta nyikelwa ka vamatiko, va ta mu tseketsela, a khomiwa hi tingana, ni ku phelelwa; Mat. 27:2; Joh. 18:28; Miti. 3:13

Luka 23:11

Zonake Herodi ni masochwa yakwe va lo mu kanyisa, va mu tseketsela, na va mu ambexile a nguwo ya makanyekanye va lo mu tlhelisela ka Pilatu, Isa. 53:3

Luka 23:36

Ni masochwa kambe va lo mu tseketsela, na vata kakwe, va mu nyika viniga,

Mitiro 21:33

A nduna ya hombe ya yimpi yi lo tshinela, yi mu khoma yi laya lezaku a bohiwe hi mangenje mambiri; zonake yi lo wutisa aku himani, niku i mahile yini. Xip. 20:23; 21:11

Mitiro 24:27

Kanilezi na ku hunzile malembe mambiri, Porkiu Festu i lo enghena xikhundleni xa Felisi; kanilezi Felisi na a lava ku khesiwa hi vaJuda i lo siya Paule makhotsweni. Xip. 12:3; 25:9, 14

Mitiro 4:3

Va lo va khoma, va va khotsela paxweni kala manziko, hakuva gi wa pelile.

Mitiro 5:18

va khoma a vapostoli, va va khotsela paxweni. Lu. 21:12

Mitiro 5:40

Vona va lo mu ingisa. Laha na va vitanile a vapostoli, va lo vaba, va va laya lezaku va nga ha kaneti hi vito ga Jesu, va va tsika va famba. Mar. 13:9; Lu. 20:10

Mitiro 8:3

Kanilezi Saule i lo hlasela a handla, a enghena tindlwini, a rorovisa a vavanuna ni vavasati, a va valela paxweni. 1 Kor. 15:9; Gal. 1:13

Va le Efesusi 3:1

Hikwalaho mina Paule, nzi nga peresu ya Jesu Kristu hi kota ya nwina vamatiko,— Miti. 21:33; 2 Tim. 2:10

Va le Efesusi 4:1

Hikwalaho mina loyi nzi nga peresu Hosini, nza mu khongotela a kuva ni mafambela lawa ma faneleko a kuvitanwa loku mu nga vitanwa ha kona; Kol. 1:10

2 Timote 1:16

Ngha na Hosi yiva ni wuxinji ka yindlu ya Oniseferusi; hakuva i nzi tangalisile zikhati zinyingi, i wa nga hi na tingana hi kota ya makhotso ya mina. Mat. 5:7; File. 7

2 Timote 2:9

Leyi nzi zwako zikarato ha yona kala nziva makhotsweni khwatsi hi xigohi; kanilezi a mhaka ya Nungungulu a yi na ku bohiwa.

Maheberu 10:34

Hakuva mu lo va zwela wusiwana lava va nga lomu makhotsweni, kambe mu lo vumela hi kutsaka laha mu nga wutlelwa a zibya za nwina, na mu tiva lezaku mu na ni za chukwana, lezi zi te ku tsoma. Lu. 12:33; Miti. 5:41; Fil. 1:7

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Valamuli 16:25

Laha a timbilu tabye ti nga wa tsaka, va te ngalo: A ku vitanwe Samsoni a ta hi hlekisela. Va lo ya teka Samsoni lomu paxweni a ta va hlekisela, na va mu yimisile laha xikari ka timhanze ta tempeli.