Maheberu 11:34 - Tshwa Bible

³⁴ va lo tima a ntamu wa nzilo, va pona a wutlha ga supado, na va hi ni gome va lo nyikwa ntamu, va maha tinhenha kulweni, va panzanya a tiyimpi ta valala. 1 Sam. 14:13; 2 Tih. 6:16; Dan. 3:25

Maheberu 11:34 ပူးပေါင်းရင်းမြစ်များ

1 Tihosi 19:1

Ahabi i lo ya hlawutela Jezebeli zontlhe lezi zi mahilweko hi Elija, ni lezi a dayisileko zona vontlhe vaprofeti hi supado.

1 Tihosi 19:3

Makunu laha yena a nga wa zi wonile, i lo suka a famba kasi ku ponisa wutomi gakwe, a ya chikela le Berexeba ga ka Juda; leyo i lo ya siya a nanza gakwe;

2 Tihosi 6:1

A vapizani va vaprofeti va te ngalo ka Elixa: A yindlu leyi hi tshamako ka yona mahlweni ka wena, a yi eneli.

2 Tihosi 6:32

Elixa i wa tshamile lomu ndlwini yakwe zinwe ni masingalakati. A hosi yi lo mu rumela a munwe wa malanza ya yona. Na wu nga se chikela a ntsumi, Elixa i te ngalo ka masingalakati: Langutani a nʼwana wa mudayi, loyi a rumelako a munhu a ku ta nzi tsema a hloko! Langutani! Loku a ntsumi wu chikela, valani livati, mu mu susumeta ha lona. Ma zizwa a zigingi za hosi yakwe yi mu lanzako ke?

Joba 42:10

Zonake Jehova i lo tlhatlhisa Joba wukhumbini gakwe anzhako na a kombelele vanghana vakwe; na Jehova i lo anzisa ha kumbiri lezi Joba a nga wa hi nazo.

Joba 5:20

Xikhatini xa ndlala yena i ta ku tlhatlhisa kufeni; Ni lomu yimpini i ta ku tlhatlhisa ntanweni wa supado.

Tisimu 124:7

A muhefemulo wa hina wu ponile, Khwatsi hi xinyanyani xi ponileko ntlhanwini wa mudembeli; A ntlhamu wu tshovekile, hina hi ponile.

Tisimu 144:10

Wena loyi u nyikako kuhlula ka tihosi, U hlangutako nanza ga wena Davida supadweni leyi yi dayako.

Tisimu 6:8

Sukani ka mina, nwina nwentlhe vamahi va kubiha; Hakuva Jehova i zwile a kurila ka mina.

Tisimu 66:12

U kanzihisile vanhu tihlokweni ta hina, Hi lo hunza xikari ka nzilo, ni xikari ka mati, Kanilezi wena u hi humesile kasi ku hi nyika kutlhatlheka.

Eksodusi 18:4

a vito ga munwani i wa hi Eliezere, hakuva i waku: Nungungulu wa dadani wa mina i nzi vunile, a nzi tlhatlhisa ka matlhari ya Faro.

Isaya 43:2

Hambu loku u tsemakanya matini, nzi tava na wena, Loku U tsemakanya micongo, cima u nga ta mhemba, Loku u famba lomu nzilweni u nga taswa, Ge hambu ku hiswa hi malangavi. Tis. 23:4; Mar. 16:18

Jeremia 26:24

Kanilezi a woko ga Ahikamu, a nʼwana Xafani, gi wa hi zinwe na Jeremia, lezaku a nga nyikelwi mandleni ya vanhu a dawa. 2 Tih. 22:12, 14

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

1 Pedro 4:12

Varanzekako, mu nga dzukiswi hi nzilo lowu wu nga xikari ka nwina lowu wu tako ku ta mu ringa, aku khwatsi xilo xiswa xi mu humeleleko. 1 Kor. 3:13

Valamuli 15:8

I lo va lamata nenge ni nyonga hi kuhlasela ka hombe. I lo suka laho a ya tshama ka hlohlolo ya ribye ga Etame.

1 Samueli 18:11

Saule i lo tlakusa a tlhari na aku mbilwini yakwe: Nzi ta gwaza Davida nzi mu patsa ni khurisi. Kanilezi Davida i lo vika zikhati zimbiri mahlweni kakwe.

1 Samueli 19:10

Saule i wa lava ku tlhava Davida a mu patsanyeta ni khurisi hi tlhari gakwe. Kanilezi Davida i lo vika mahlweni ka Saule, ni tlhari gi lo ya gwe-lela khurisi. Davida i lo tsutsuma, a pona gona wusiku lego.

1 Samueli 20:1

Davida i lo tsutsuma le Naiote wa Rama aya ka Jonatani a ya ku kakwe: Xini nzi mahileko? I nanzu muni nzi nga nawo, na xi hi xionho muni nzi onheleko raru wa wena lezi a hlotako wutomi ga mina?