Maheberu 11:29 - Tshwa Bible

²⁹ Hi kukholwa va lo tsemakanya a Bimbi go Pswhuka kota lomu misaveni yi womileko; kanilezi laha a vaGipite va nga ringa ku maha lezo va lo mhemba. Ekso. 14:22

Maheberu 11:29 ပူးပေါင်းရင်းမြစ်များ

Nehemia 9:11

U lo va avanyisela a bimbi, kasi va fela ku famba muhanzeni wa lomu xikari ka gona, kanilezi lava va nga wa va hlongolisa u va hoxa lomu kueteni ka gona, khwatsi i ribye gi hoxilweko matini ya ntamu.

Tisimu 66:6

I hunzulusile bimbi a gi maha muhanza wu womileko, Va lo famba hi milenge va tlatuka congo; Hi lo mu tsakela laho. Ekso. 14:21; Jox. 3:18

Tisimu 78:13

I lo avanyisa bimbi, a va tlhatukisa, A maha mati ma yima khwatsi i nhulu.

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Eksodusi 14:22

A vanana va ka Israeli va lo famba hi laha xikari ka bimbi misaveni yi womileko; ni mati ma lo yima hi matlhelo mambiri. 1 Kor. 10:1; Maheb. 11:29

Eksodusi 14:27

Zinghaho Mosi i lo tlakusa a canja gakwe hehla ka bimbi, zonake laha gi ngaya kuceni, a bimbi gi lo tlhelela wutshanwini ga gona, ni laha a vaGipite va nga wa tsutsuma va lo tlhangana nawo; hilezo Jehova i lo mbembisa a vaGipite xikari ka bimbi.

Joxua 2:10

Hakuva hi zwile hi lezi Jehova a omisileko zotia a mati ya Bimbi go Pswhuka mahlweni ka nwina: xikhati lexo mu nga wa huma hi le Gipite, ni lezi mu mahisileko zona ka tihosi timbiri ta maAmori le tlhatuko wa Jordani, yena Sihoni na Ogi, lava mu va lovisileko.