Maheberu 10:22 - Tshwa Bible

²² ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Maheberu 10:22 ပူးပေါင်းရင်းမြစ်များ

1 Tihosi 15:3

I lo maha zontlhe zionho lezi zi mahilweko hi raru wakwe na a nga se fuma. A mbilu yakwe yi wa nga mbhelelangi ka Jehova Nungungulu wakwe, khwatsi hi mbilu ya dadani wakwe Davida.

1 Kronekele 12:33

A va ka Zebuloni, lava va nga wa zi tiva ku hloma tontlhe tixaka ta matlhari, vaya yimpini, vontlhe va wa hi 50,000: i vanhu va ngaya kulweni hi timbilu ti tiyileko.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

Tisimu 111:1

Dumisani Jehova! Nzi ta bonga Jehova hi mbilu ya mina yontlhe Lomu tlhanganweni wa valulamileko ni le hlengeletanweni.

Tisimu 119:10

Nza ku hlota hi mbilu ya mina yontlhe, U nga nzi tsiki nzi hambuka zileletelweni za wena.

Tisimu 119:145

Nzi khongeta hi mbilu ya mina yontlhe, nzi hlamule, Jehova, Nzi ta hlayisa milayo ya wena.

Tisimu 119:2

Va katekile lava va hlayisako wumboni gakwe, Lava va mu lavako hi mbilu yabye yontlhe. Joh. 14:21, 23; 1 Joh. 3:23

Tisimu 119:34

Nzihe kupima, nzi ta hlayisa a nayo wa wena, Futsi, nzi ta wu hlayisa hi mbilu ya mina yontlhe.

Tisimu 119:58

Nzi ku khongeta hi mbilu ya mina yontlhe, Nzi zwele wuxinji kukotisa gezu ga wena.

Tisimu 119:69

A vamatshanza va nzi hembele wunwa, Nzi ta hlayisa zileletelo za wena hi mbilu ya mina yontlhe.

Tisimu 119:7

Nzi ta ku bonga hi mbilu yi basileko, Laha na nzi gonza a zilayelo za wena zi lulamileko.

Tisimu 119:80

A mbilu ya mina a yi mbhelele ziyimisweni za wena; Kasi nzi nga wiswi tingana.

Tisimu 32:11

Tsakeleni Jehova, mu nengela nwina va kululama, Mu hlalela hi litsako nwina nwentlhe mu longamileko mbilwini. Fil. 4:4

Tisimu 51:10

Nungungulu, nzi vangele a mbilu yi hlazekileko; Vuxa luswa a moya wa kutiya xikari ka mina.

Tisimu 73:28

Kanilezi zi nzi sasekele a ku tshama kusuhi ni Nungungulu; Nzi mahile Hosi Jehova a kuva wuchavelo ga mina, Kasi nza fela ku tlhatlhambutela a mitiro ya wena yontlhe.

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Tisimu 9:1

Nzi ta bonga Jehova hi mbilu ya mina yontlhe; Nzi ta hlawutela a zirewukiso za wena zontlhe.

Tisimu 94:15

A kulamula ku ta tlhela ku mahiwa hi nongameto, Ni lava va kubasa timbilu va ta ku lanzela.

Eksodusi 29:4

Zonake u ta tshineta Aroni ni vana vakwe laha nyangweni ya tendeni ga mutlhangano, u va hlaza hi mati.

Mavingu 23:26

Nwananga, nzihe mbilu ya wena; i mahlo ya wena ngha ma tsakiswa hi tindlela ta mina.

Isaya 29:13

Hilezo Hosi yi te ngalo: Kota lezi a vanhu lava va tshinelako ka mina hi milomu yabye, Va nzi khesa hi milomu ntsena, A timbilu tabye na ti hi kule na mina, Lezaku a xichavo xabye ha mina hi zileletelo ntsena lezi va zi gonzileko; Mat. 15:8; Mar. 7:6

Isaya 52:15

Hilezo i ta dzukisa a matiko manyingi; A tihosi ti ta su kaye mahlweni kakwe, Hakuva ti ta wona lezi ti kalako ti nga se ku byeliwa, Ti gonza lezi ti kalako ti nga se ku zizwa.

Jeremia 24:7

Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Jeremia 3:10

Hambu ka zontlhe lezo, Juda, a makabye wakwe loyi a nga tsumbekangiko, a nga wuyangi ka mina hi mbilu yakwe yontlhe, kanilezi hi wukhohlisi, ku wula Jehova.

Jeremia 30:21

A hosana yabye yi ta huma ka vona venyi, Ni mufumeli wabye i ta huma xikari kabye wutsumbu, Nzi ta mu tshineta, i tata ka mina; Hakuva himani a nga tiyako a tshinela ka mina ke? Ku wula Jehova.

Ezekieli 16:9

Nzi lo ku hlambisa hi mati, nzi susa a nkhata mirini wa wena, nzi ku tota hi mafura.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Levi 14:7

Zonake i ta nwatsekela ha zona a ntlhanu wa zikhati ni zimbiri hehla ka munhu loye a faneleko ku basiswa a hlokonho, a mu byela lezaku u basisilwe, zonake a tsika a xinyanyani lexi xi hanyako xi puruma xi famba khwatini.

Levi 16:4

I ta ambala a hembe go basa ga wukene, a ambala ni bhuluku ga wukene kasi ku fihla wumbyiri gakwe, a ti boha a bhandi ga wukene, a vekela a xihuku xa wukene laha hlokweni. Leti tinguwo to basa; hikwalaho i ta ranga hi ku hlamba lomu matini, zonake a ambala.

Levi 8:6

Zinghaho Mosi i lo tshineta Aroni ni vana vakwe, a va hlaza hi mati.

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Mitsengo 8:7

Lezi u ta nga mahisa zona kasi ku va basisa; hi lezi: U ta va nwatsekela hi mati ya ku tshungula, zonake va ti halula hi likari wontihe miri wabye; va hlaza tinguwo tabye, va ti basisisa lezo.

Mateu 3:11

Mina nzi mu bapatiza hi mati kasi ma hunzuluka; kanilezi loyi a tako nzhako ka mina i na ni ntamu ku nzi hunza mina; a nzi faneli ni ku rwala zilato zakwe; yena i ta mu bapatiza hi Moya wa ku Basa ni nzilo. Mar. 1:8; Lu. 3:16; Isa. 4:4; 44:3; Miti. 1:5

Luka 1:1

Kota lezi a vanyingi va ringileko a ku hlawutela hi ku longoloxa a mahungu laya ma humeleleko xikari ka hina,

Johani 3:5

Jesu i lo hlamula, aku: Kunenenene nziku ka wena: Loku munhu a nga belekiwi hi mati ni Moya, a nga na ku enghena mufunweni wa Nungungulu. Mar. 16:16; Miti. 2:38

Johani 8:9

Laha vona na va zi zwile, va lo huma ha munwe-munwe, ku sangula hi lava va kale, ku kala Jesu a siyiwa yece ni wasati loyi a nga yimile xikari. Rom. 2:22

Mitiro 22:16

Makunu wa ha hlwelela yini wena ke? Suka u bapatizwa, u hlaziwa a zionho za wena, na u kari u khongela vitweni gakwe. Xip. 2:38; Maheb. 10:22; Rom. 10:13

Mitiro 8:21

Wena a ku na xipanze hambu ni xiavelo mhakeni leyi; hakuva a mbilu ya wena a yi lulamangi mahlweni ka Nungungulu. Mav. 11:20; Isa. 44:20

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

Va le Efesusi 3:12

loyi hi tiyako ha yena a ku tshinela ka Nungungulu hi kutsumba, hi kukholwa ka yena.

Va le Efesusi 5:26

lezaku a gi basisa, loku a gi hlazile hi ku bapatiza hi mati zinwe ni mhaka, Joh. 3:5; 15:3; Maheb. 10:22; 1 Joh. 5:6

Va le Efesusi 6:5

Nwina malanza, ingisani a venyi va nwina va misava hi xichavo ni kururumela, hi kupangama ka timbilu ta nwina, aku khwatsi hi ka Kristu

1 Timote 4:2

hi kota ya wuxengeteli ga vanhu va kanelako mawunwa, lava a livalo labye li hisilweko khwatsi hi xiketse xo hisa. Efe. 4:19

Titusi 3:5

i lo hi hanyisa, na ku nga hi mitiro ya kululama, leyi hina wutsumbu hi yi mahileko, kanilezi hi wuxinji gakwe, ni kuhlaziwa ka kupswalwa luswa, ni ku mahiwa luswa hi Moya wa ku Basa, Joh. 3:3, 5; Rom. 3:20; Gal. 2:16; 1 Ped. 3:21

Maheberu 10:1

Kota lezi a nayo wu nga ni xiruti ntsena xa zilo zo saseka lezi zi tako, na wu nga fananisi hi kumbheleleko a xiyimo xa zona, cima a wu zi koti ku mbhelelisa vona lava va tshinelako hi miphahlelo leyi va nyikelako yona malembe ni malembe. Kol. 2:17

Maheberu 10:19

Hikwalaho, vamakabye, kota Iezi hi nga ni kutiya a ku enghena Wutshanwini go Basabasa hi nkhata wa Jesu, Rom. 5:2

Maheberu 11:28

Hi kukholwa i lo yimisa a pasika ni ku nwatsekelwa hi nkhata, lezaku kasi a mudayi wa matewula a nga henyi ya vaIsraeli. Ekso. 12:21

Maheberu 12:24

ni ka Jesu a mutlhanganyisi wa xivumelwano xiswa, ni ka nkhata wa kunwatsekela, lowu wu wulako a timhaka ti nene to hunza a wa Abeli. Ekso. 24:8

Maheberu 4:16

Hikwalaho a hi tshineleni hi kutiya xitshanwini xa wuhosi xa tipswalo, kasi hi fela ku mahelwa wuxinji, hi kuma tipswalo ta ku hi vuna xikhatini xa kuvumala.

Maheberu 6:11

Hina ha xuva lezaku munwe ni munwani wa nwina a simamisa ku pinyama kota lezi, lezaku ava ni kutsumba ku tiyileko kala kugumeseni; Kol. 2:2; Xip. 3:6, 14

Maheberu 7:19

(hakuva a nayo a wu mbhelelisangi nchumu), ku engheniswa a kutsumba ka chukwana, loku hi tshinelako ka Nungungulu ha kona. Miti. 13:39; Rom. 5:2; Xip. 6:18

Maheberu 9:10

hakuva zileletelo za mahanyela ntsena hi tlhelo ga mikhuwo ya zakuga ni kunwa ni mahlazela ma tsalangeneko, zi vekilweko kala xikhatini xa kuhunzuluswa luswa. Levi 11:2; Mitse. 19:7

Maheberu 9:19

Hakuva laha Mosi a nga hlawutele yontlhe milayo ka vanhu vontlhe, yena i lo teka a nkhata wa marole ni timbuti, zinwe ni mati ni woya go pswhuka ni hisope, a nwatsekela a bhuku ga kona ni vanhu vontlhe, aku: Ekso. 24:5, 6, 8; Levi 14:4, 6, 7, 49

Jakobe 1:6

Kanilezi ngha a kombela hi kukholwa, a nga kanakani; hakuva loyi a kanakanako i fanana ni mabyandlati ya bimbi ma kukuletwako hi mheho ma ndlengandlengiswa. Mar. 11:24

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22

1 Pedro 1:2

va hlawulilweko hi ku va tiva kakwe Nungungulu Dadani hi mahlweni, hi kubasiswa hi Moya, kasi va ingisa Jesu Kristu ni ku nwatsekelwa hi nkhata wakwe, nziku: A tipswalo ni kurula a zi anziswe ka nwina. Rom. 8:29; 2 Tes. 2:13; Maheb. 10:22

1 Pedro 3:21

a ku fanana ni mati lawa ma mu hanyisako makunu hi kubapatizwa, na ku nga hi ku susa a chaka ga miri, kanilezi hi ku kombela a livalo li nene ka Nungungulu, hi kuvuka ka Jesu Kristu; Rom. 10:10; Efe. 5:26

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20