Maheberu 10:1 - Tshwa Bible

¹ Kota lezi a nayo wu nga ni xiruti ntsena xa zilo zo saseka lezi zi tako, na wu nga fananisi hi kumbheleleko a xiyimo xa zona, cima a wu zi koti ku mbhelelisa vona lava va tshinelako hi miphahlelo leyi va nyikelako yona malembe ni malembe. Kol. 2:17

Maheberu 10:1 ပူးပေါင်းရင်းမြစ်များ

Levi 9:16

Zonake i lo nyikela a muphahlelo wa kuhiswa, a nyikela hi nayo wa kona.

Va le Roma 8:3

Hakuva lezi a nayo wu nga tsanzeka ha zona, hilezi wu nga hi ni gome hi kota ya nyama, Nungungulu i zi tirile hi ku rumela a Nʼwana wakwe hi xiyimo xa nyama ya kuonha, lezaku a kona a kuonha le nyameni. Maheb. 7:18

Va le Kolosi 2:17

lezi zi nga xiruti xa zilo lezi zi ta ngata; kanilezi a miri wa zona hi Kristu. Maheb. 8:5

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Maheberu 7:11

Makunu loku a kumbheleliswa ku kumeka hi wupristi ga va ka Levi (hakuva hi gona gi nga yimisa a milayo ya tiko), xana ku wa ha lavekela yini lezaku ku huma munwani mupristi hi tshamela ga Melkizedeki, loyi a ta nga kala a nga hlayelwi a tshamela ga Aroni ke? Gal. 2:21; Xip. 8:7

Maheberu 8:5

lava va khozelako wutshanwini legi go basa, legi gi nga xifananiso ni xiruti xa zilo za le tilweni. Hakuva Mosi i lo layiwa hi Nungungulu na a nga se ku sangula ku maha a tabernakeli, ku ngalo: Cuwuka lezaku u maha zilo zontlhe kota a lezi u nga kombisiwa zona le xitsungeni. Ekso. 25:40; Mitse. 8:4; Kol. 2:17

Maheberu 9:11

Kanilezi Kristu i lota na hi mupristi wa hombe wa zilo zo saseka lezi za ha tako; a tsemakanya a tabernakeli ga hombe legi gi mbheleleko, legi gi nga mahiwangiko hi mandla, lezo hi ku ngalo, a hi ga misava leyi.

Maheberu 9:23

Hikwalaho zi wa lavekile lezaku a zilo lezi zi fananisako a zilo za le tilweni zi basiswa hi miphahlo ya kunghaho; kanilezi a za le tilweni zona zi wa fanele ku basiswa hi miphahlo yi nene yo hunza leyi.

Maheberu 9:25

Tlhatakumbiri, a nga enghenangi kanyingi kasi ku maha nzhiho hi wutsumbu gakwe, khwatsi hilezi a mupristi wa hombe a enghenako Wutshanwini go Basabasa lembe ni lembe, na hi ni nkhata lowu wu nga hiko wakwe.