Maheberu 1:9 - Tshwa Bible

⁹ Wena u ranzile kululama, u venga kubiha; Hikwalaho Nungungulu, a Nungungulu wa wena I ku totile hi mafura ya litsako ku hunza vanakuloni. Isa. 61:1; Miti. 4:27; 16:38

Maheberu 1:9 ပူးပေါင်းရင်းမြစ်များ

Tisimu 11:5

Jehova wa kamba loyi a lulamileko; Kanilezi wa venga a wakubiha ni loyi a ranzako kuleva.

Tisimu 119:104

A zileletelo za wena za nziha kupimisisa, Hikwalaho nza venga tontlhe tindlela ta mawunwa.

Tisimu 119:128

Nza wona lezaku a zileletelo za wena zontlhe zi lulamile, Nzi venga a tindlela tontlhe ta mawunwa.

Tisimu 2:2

A tihosi ta misava ti vuka, Ni tihosana ti tsema xikungo, Ti vukela Jehova ni a totilweko wakwe, Isa. 61:1; Kuv. 19:19

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Tisimu 23:5

Wena wa nzi longisela a meza mahlweni ka valala va mina, U totile a hloko ya mina hi mafura, A gombe ga mina ga pupuma.

Tisimu 33:5

Wa ranza kululama ni nongameto; A misava yi tele hi wuxinji ga Jehova.

Tisimu 37:28

Hakuva Jehova wa ranza kululama, A nga tsiki a vobasa vakwe; Va hlayiseka kala kupinzuka, Kanilezi a pswalo wa vakubiha wu ta lobyiswa.

Tisimu 40:8

Nungungulu wa mina, nza nengela ku maha kuranza ka wena; A nawo wa wena wu lomu mbilwini ya mina.

Tisimu 45:6

Nungungulu, a xitshamu xa wena xa wuhosi xa kala kupinzuka; A nhonga ya wena ya wuhosi i nhonga ya nongameto. 2 Sam. 7:13, 16; Maheb. 1:8

Tisimu 45:7

Wena u ranza kululama, u venga kubiha; Hikwalaho Nungungulu, a Nungungulu wa wena, I ku totile hi mafura ya litsako ku hunza vanakuloni.

Tisimu 89:20

Nzi kumile Davida a nanza ga mina, Nzi mu totile hi mafura ya mina ya kubasa. 1 Sam. 16:13; Miti. 13:22

Tisimu 89:26

I ta nzi vitana, aku: Wena u dadani wa mina, Nungungulu wa mina, a ribye ga kuhanyiswa ka mina. 2 Sam. 7:14; 1 Kro. 17:13; Maheb. 1:5

Mavingu 8:13

A ku chava Jehova ku venga kubiha; ina nza venga matshanza, kutikulisa, ni mahanyela yo biha, i nomu wu khohlakalisako.

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Amosi 5:15

Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9

Zakaria 8:17

ngha munwe ni munwani a nga hi na xikungo xo vukela muakelane wakwe, mu nga ranzi ku hlambanyela mawunwa, hakuva zontlhe lezo zilo nza zi venga, ku wula Jehova.

Mitsengo 7:43

Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, mukhelo wa siliva wa 70 wa maxekeli, hi xekeli ga wutshamu ga kubasa, ni mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga.

Luka 4:18

A Moya wa Hosi wu le hehla ka mina, Hakuva yi nzi totile a kuva nzi kanela a mahungu yo saseka ka lava va vumalako; Yi nzi rumile a kuba hungu hi kutlhatlhiswa ka laʼva bohilweko, Ni kutlheliselwa kuwona ka zikhumu, Ku tlhatlhisa lava va giswako mbhukutsa, Isa. 61:1

Johani 1:41

A kusangula i lo kuma nakulobye Simoni, aku kakwe: Hi mu kumile Messia, (hi kutlhamusela ku ngalo, Kristu).

Johani 10:17

Dadani wa nzi ranza, hakuva nzi nyikela a kuhanya ka mina, kasi nza fela ku ku teka kambe. Isa. 53:7, 8, 12; Maheb. 2:9

Johani 20:17

Jesu aku ngalo kakwe: U nga nzi khumbi; hakuva a nzi se ku kanziha a kuya ka Dadani; kanilezi famba ka vanakulori, u yaku ka vona: Nza kanziha ka Dadani wa mina ni Dadani wa nwina, a Nungungulu wa mina ni Nungungulu wa nwina. Tis. 22:22; Mat. 28:10; Rom. 8:29; Maheb. 2:11; Xip. 16:28

Johani 3:34

Hakuva loyi Nungungulu a mu rumileko, i wulawula timhaka ta Nungungulu; hakuva Nungungulu a nga nyiki Moya hi lipimo. Lu. 7:16; 24:19; Xip. 1:16

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Mitiro 4:26

A tihosi ta misava ti vukile, Ni tihosana ti wa tsombene khatiginwe, Ti vukela Hosi ni ku vukela a Totilweko wakwe.

Mitiro 4:27

Hakuva kunene vaHerodi na Pontiu Pilatu, zinwe ni vamatiko ni vanhu va ka Israeli, va wa tsombene a mutini lowu, kasi ku vukela Jesu, a Nanza ga wena gi basileko, loyi wena u mu totileko, Maheb. 7:26; Isa. 61:1; Joh. 10:36

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

1 Va le Korinte 1:9

Nungungulu i tsumbekile, loyi a mu vitanileko a ku ta hlengela ni Nʼwana wakwe Jesu Kristu a Hosi ya hina. Isa. 49:7; Joh. 15:4; Maheb. 10:23; 1 Joh. 4:13

2 Va le Korinte 11:31

Nungungulu tlhelo Dadani wa Hosi Jesu, loyi a bongiwako kala kupinzuka, wa zi tiva lezaku a nzi hembi wunwa. Rom. 9:5

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Efesusi 1:3

A ku khesiwe Nungungulu tlhelo Dadani wa Hosi ya hina Jesu Kristu, loyi a hi katekisileko ka Kristu hi zikatekiso zontlhe za ka moya za le tilweni, Tis. 72:17

Va le Filipi 2:9

Hi kota ya lezo Nungungulu i lo mu tlakusa nguvu, a mu nyika vito gi nga hehla ka mavito wontihe; Isa. 52:13; Joh. 17:1; Maheb. 1:4

Maheberu 2:11

Hakuva yena loyi a basisako, ni lava va basiswako, vontlhe va na ni Dadani munwe; hi kota ya lezo a nga na tingana a ku va vitana aku vamakabye, Mat. 28:10; Joh. 20:17; Rom. 8:9

Maheberu 2:9

Kanilezi Jesu loyi a mahilweko ava lahasi ka tingelosi ka xikhatanyana, ha mu wona na a tlhatekilwe a xidlodlo xa kungangamela ni wudzunzo, hi kota ya kuxaniseka hi kufa, lezaku hi tipswalo ta Nungungulu a fela kuzwa kufa hi kota ya vanhu vontlhe. Joh. 3:16; Miti. 2:33; Rom. 5:18

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

1 Pedro 1:3

A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18

1 Johani 1:3

lexi hi xi wonileko ni ku xizwa, hi lexo hi bako hungu ka nwina ha xona, kasi na nwinawu mu fela ku hlengela zinwe na hina; ina, a kuhlengela ka hina ku zinwe na Dadani ni Nʼwana wakwe Jesu Kristu. Miti. 4:20; 1 Kor. 1:9

Kuvululelwa 2:15

Hizalezo u navo vanwani lava va namarelako kugonziseni ka vaNikolatani.