Luka 8:35 - Tshwa Bible

³⁵ A vanhu va lo huma a ku ya wona lezi zi mahekileko; laha va nga chikela ka Jesu, va lo kuma a munhu loyi ma humileko ka yena a madimoni, na a tshamile mikonzweni ya Jesu, a ambele, a hi ni kupima kunene; va lo chava.

Luka 8:35 ပူးပေါင်းရင်းမြစ်များ

Tisimu 51:10

Nungungulu, nzi vangele a mbilu yi hlazekileko; Vuxa luswa a moya wa kutiya xikari ka mina.

Isaya 53:12

Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6

Mateu 4:24

A wudumo gakwe gi lo zwala Siria gontlhe. Va neha kakwe vontlhe va nga kari va babya, va nga hi ni tinghumbe ti tsalangeneko ni kubayisa, na va hi ni madimoni, ni zitsuri, ni zikhurubu, i lo va hanyisa.

Marku 5:15

Va lota ka Jesu, va wona loyi a nga hi ni madimoni, na a tshamile na a ambele, a hi ni kupima kakwe, yaloye a nga hi ni legioni; va lo chava.

Luka 10:39

I wa hi ni makabye a vitwako Maria, loyi a nga tshama mikonzweni ya Hosi, a ingisa magezu yakwe,

Luka 15:17

Kanilezi laha a nga ti alakanya, aku ngalo: Nweno a zitiri leʼzinyingi za dadani zi na ni kuga ku eneleko ni ku hunza, kasi mina nzofa laha hi ndlala!

Luka 2:46

Anzhako ka masiku manharu va lo mu kuma tempeleni, na a tshamile xikari ka vagonzisi, a vazwa ni ku va wutisa ziwutiso;

Luka 8:27

Laha Jesu na humele muhanzeni, i lo tlhangavetwa hi munhu wa le mutini, loyi a nga hi ni dimoni; xikhati xa hombe i wa nga ambalangi tinguwo, a nga tshami ndlwini, kanilezi a tshama zilahleni.

Luka 8:34

Laha a varisi va nga wonile lezi zi mahekileko, va lo tsutsuma va ya hlawutela mutini ni le tikweni.

Mitiro 22:3

Mina nzi muJuda; nzi pswalelwe Tarsusi wa le Kilikia, kanilezi nzi wundlelwe mutini lowu milengeni ya Gamalieli, nzi gonziswa ku tiva khwatsanyana a nayo wa vakoko va hina, na nzi pangamela Nungungulu, kota lezi nwina nwentlhe mu mahako inyamutlha. Xip. 5:34; 2 Kor. 11:22; Fil. 3:5; Lu. 10:39; Gal. 1:14; Rom. 10:2

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14