Luka 8:10 - Tshwa Bible

¹⁰ I te ngalo kabye: Nwina mu nyikilwe ku tiva mifihlakalo ya mufumo wa Nungungulu; kanilezi a ka vanwani ku nyikiwa hi mifananiso, kasi hi ku wona va nga woni, hambu vazwa, va nga zi pimi. Isa. 6:9; Mar. 4:12

Luka 8:10 ပူးပေါင်းရင်းမြစ်များ

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Isaya 29:14

Hikwalaho nza ha ta maha mahanjalati ka vanhu lava, A mitiro yi riwukisako, leʼyi hlamalisako; A wutlhari ga titlhari tabye gi ta fuva, Ni kupima ka vanhu vabye va tlharihileko ku ta gumelwa.

Isaya 44:18

A vakunghahi a va tivi nchumu, a va pimi nchumu, hakuva a mahlo yabye ma valilwe, a va zi koti ku wona, ni timbilu tabye laha kaku va nga pimi nchumu.

Isaya 6:9

Yena aku: Famba, u ya byela vanhu lava, uku: A kuzwa, zwanani, kanilezi mu nga zi pimi, Ni ku wona, wonani, kanilezi mu nga wonisisi. Mar. 4:12; Joh. 12:39; Miti. 28:25

Jeremia 5:21

Ingisani makunu, nwina vanhu va hungukileko, mu nga hiko ha kupima; mu nga ni mahlo ma nga woniko, na mu hi ni tindleve ti nga zwiko.

Ezekieli 12:2

Nʼwana wa munhu, u akile xikari ka lixaka, la va hluwukwa, lava va nga ni mahlo ya ku wona, kanilezi va nga woni, laʼva nga ni tindleve tozwa, kanilezi va ngazwi, hakuva mba yindlu ya mihluwukwa. Deut. 29:4; Isa. 6:9; Mat. 13:14

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Mateu 16:17

Jesu i lo hlamula aku ngalo ka yena: U katekile wena Simoni nʼwana Jona; hakuva a hi nyama ni nkhata zi nga ku vululela lezi, kanilezi hi Dadani wa mina wa le tilweni. 1 Kor. 2:10; Efe. 2:8; Gal. 1:16

Marku 4:11

I te ngalo kabye: A ka nwina ku nyikilwe ku tiva a mifihlakalo ya mufumo wa Nungungulu; kanilezi lava va nga lehandle va tivisiwa timhaka tontlhe hi mifananiso;

Marku 4:12

kasi hi ku wona, va ta wona, kanilezi va nga wonisisi; hi kuzwa va tazwa, kanilezi va nga zi pimi; ku nga taku va hunzuluka va tsetselelwa kuonha kabye Isa. 6:9; Mat. 13:14; Rom. 11:8

Johani 12:40

I phumisile mahlo yabye, a nonohisa timbilu tabye; Ku nga taku va wona hi mahlo yabye, va pima hi timbilu tabye; Va hunzuluka, nzi va hanyisa. Isa. 6:9, 10; Mat. 13:14

Va le Roma 16:25

A ka yena loyi a zi kotako a ku mu tiyisa ka ivangeli leyi nzi yi kanelako, ni kugonziseni ka Jesu Kristu, ni kuvululwa ka fihlakalo lowu wu nga thumbetilwe xikhatini xa kaleloko, Xip. 2:16; 1 Kor. 2:7; Efe. 3:3, 5; Kol. 1:27

1 Va le Korinte 12:11

Kanilezi zontlhe lezi zi tiriwa hi walowo Moya munwe, lowu wu avelako ka munwe ni munwani hi laha wu ranzako ha kona. Rom. 12:6-8; 2 Kor. 10:13; Maheb. 2:4

Deuteronome 29:4

Kanilezi kala lego siku Jehova a nga se mu nyika a mbilu ya ku pima ni mahlo ya ku wona, ni tindleve ta kuzwa. Isa. 6:10

Va le Kolosi 2:2

lezaku a timbilu tabye ti fela a ku tangaliswa, vona na va te gwa liranzweni, va amukela a kutala ka kupimisisa ku tiyileko, lezaku va fela ku tiva a fihlakalo wa Nungungulu, wu nga yena Kristu, 2 Kor. 1:6; 2 Ped. 3:18

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8