Luka 7:14 - Tshwa Bible

¹⁴ Jesu i lo tshinela, a khumba lihlaka, ni lava va nga mu rwala va lo yima. Aku ngalo: Jaha, nziku ka wena, Vuka! Joh. 11:43; Miti. 9:40; Rom. 4:17

Luka 7:14 ပူးပေါင်းရင်းမြစ်များ

1 Tihosi 17:21

I lo barama makhati manharu hehla ka nwanana, a kombela ka Jehova, aku: Jehova Nungungulu wa mina, tlhelisa a muhefemulo wa loyi nwanana lomu mirini wakwe! 2 Tih. 4:34; Miti. 20:10

1 Tihosi 17:22

Jehova i lo ingisa a gezu ga Elija, ni muhefemulo wa nwanana wu lo tlhelela mirini wakwe, a hanya.

Joba 14:12

Zinghaho ni munhu, wa etlela a nga ha vuki: Kala matilo ma nga have kona, cima a nga ta vuka; Ge hambu ku khindlimuswa wurongweni gakwe.

Joba 14:14

Loku ku wo khwatsi a munhu a fileko wa tlhela a hanya kambe, Xikhatini xa mina xontlhe xi yimisilweko nzi wa ta rinzela, Kala kuta a kutlhatlhiswa ka mina.

Tisimu 33:9

Hakuva i lo wula ntsena, yi maheka; A lelela, a misava yiva kona.

Isaya 26:19

A vafileko va wena va ta tlhela va hanya, A zirumbi za vafi va mina a zi vuke! Vukani mu giya, nwina lava mu etleleko tshurini, Hakuva a nzhokati ya wena i nzhokati ya wuronga, Zonake a misava yi ta tlhela yi humesa a vafileko. Ezek. 37:3

Marku 5:41

Zonake i lo khoma a canja ga nwanana, aku kakwe: Talita Kumi; zi tlhamuseleko ku ngalo, Nhanyana, nziku ka wena, Vuka!

Luka 7:13

Laha Hosi yi nga mu wona, yi lo mu zwela wusiwana, yiku ngalo ka yena: U nga rili!

Luka 7:15

Ni loyi a nga wa file i lo vuka, a sangula ku wulawula. Jesu i lo mu nyikela ka nyine wakwe.

Luka 7:17

Ni mhaka leyi yi lo zwakala le Judia gontlhe ni matikweni wontihe ya leyo. Johani Mubapatizi a ruma vapizani ka Jesu.

Johani 11:25

Jesu aku kakwe: Mina nzi kuvuka ni wutomi; loyi a kholwako ka mina, hambu loku a file, i ta hanya; Xip. 1:4; 3:36; 5:21; Kol. 3:4

Johani 5:21

Hakuva khwatsi hilezi Dadani a vuxako a vafileko a va hanyisa, hizalezo kambe a Nʼwana wa va hanyisa lava a zi ranzako. Lu. 7:14; Xip. 11:25, 43

Johani 5:25

Hizinene, nziku ka nwina: A xikhati xa hata, xi kona ni lezi, laha a vafileko va ta ngazwa a gezu ga Nʼwana wa Nungungulu; lava va ta nga gizwa va ta hanya. Efe. 2:1, 5; 5:14; Kol. 2:13

Va le Roma 4:17

Kota lezi ku tsalilweko ku ngalo: Nzi ku mahile a raru wa tixaka tinyingi. I maha lezo mahlweni ka Nungungulu loyi a nga kholwa kakwe, loyi a hanyisako lava va fileko, a wulawulako hi zilo zi nga hiko kona, a ku khwatsi hi loku zi hi kona. 1 Kor. 1:28; Efe. 2:1; 1 Ped. 2:10

Va le Efesusi 5:12

hakuva tingana ku wulawula hi lezi va zi mahako kufihlaleni.