Luka 6:45 - Tshwa Bible

⁴⁵ A munhu nene wa humesa a zilo zi nene tshombeni yinene ya mbilu yakwe; ni munhu wa kubiha wa humesa zilo za kubiha, tshombeni yakwe ya kubiha; hakuva a nomu wakwe wu wulawula hi lezi mbilu yi teleko ha zona. Mat. 12:34, 35

Luka 6:45 ပူးပေါင်းရင်းမြစ်များ

Tisimu 140:5

A vamatshanza va nzi fihlele mi nzhiyo ni tingoti; Va dembile ziyo tlhelweni ga ndlela, Va nzi dembele hi marinzi. (Sela.)

Tisimu 59:12

Loku ku huma gezu milonwini yabye, ku huma xionho; Ngha va phasiwa hi matshanza yabye, Hi kota ya tihlamba ni mawunwa lawa va ma wulako.

Tisimu 59:7

A milomu yabye yi humesa manyala, A tisupado ti lomu milonwini yabye; Vaku: Himani loyi a zi zwako?

Mavingu 12:18

Va kona lava va wulawulako timhaka ti tlhavako khwatsi i supado; anilezi a lirimi la a tlharihileko mbutomi.

Mavingu 15:23

A munhu i kuma kutsaka hi hlamulo wa nomu wakwe; i nanzihisa kuyini a mhaka yi wuliwako hi xikhati xa yona!

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Johani 7:38

Loyi a kholwako ka mina, hi lomo xifuveni kakwe ku ta khulunga a micongo ya mati ya wutomi, kota lezi yi wulako mitsalo. Deut. 18:15

Mitiro 5:3

Kanilezi Pedro aku ngalo: Ananiasi, hikuyini Satani a tatisileko a mbilu ya wena, lezaku u hemba wunwa ka Moya wa ku Basa, ni ku khweketa a xipanze xa mali ya simu ke? Mitse. 30:2; Deut. 23:21; Lu. 22:3; Joh. 8:44

Va le Efesusi 3:8

Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27

Va le Efesusi 4:29

A kuwulawula ko nyenyeza ngha ku nga humi milonwini ya nwina, sine timhaka ta zinene ta ku vunetela laha ku lavekako, lezaku tiva xikatekiso ka lava va ingisako.

Va le Efesusi 5:19

mu wulawula munwe ni munwani hi tixangu ni tisimu ni zizimba za moya, mu yimbelela ni ku ketsela hi timbilu ta nwina ka Hosi; Jak. 5:13

Va le Kolosi 3:16

A mhaka ya Kristu a yi tshame yi anza ka nwina; gonzisanani hi wutlhari gontlhe, mu khongotelana hi tixangu ni tisimu ni zizimba za moya, na mu bonga Nungungulu hi tisimu timbilwini ta nwina. Jer. 15:16; Efe. 5:19; Xip. 4:6

Va le Kolosi 4:6

Ngha kuwulawula ka nwina ku hi ni tipswalo xontlhe xikhati, na ku lungilwe hi munyu, lezaku mu fela ku tiva lezi mu ta nga hlamulisa zona ka munwe ni munwani. Mutsa. 10:12; Mar. 9:50; 1 Ped. 3:15

Maheberu 8:10

Hakuva lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Hosi: Nzi ta veka milayo ya mina kupimeni kabye, Nzi yi tsala timbilwini tabye; Nzi tava Nungungulu wabye, Na vona va tava vanhu va mina. Zak. 8:8; Xip. 10:16

Juda 1:15

a ku ta lamula vontlhe, yi kona vontlhe lava va nga chaviko Nungungulu hi kota ya mitiro yabye ya kubiha leyi va yi mahileko, yi tlhelisela a vaonhi hi kota ya magezu wontihe ya matshanza va yi rukateleko ha wona.