Luka 6:28 - Tshwa Bible

²⁸ Katekisani lava va mu rukatelako, ni ku khongelela lava va mu xanisako. Xip. 23:34; Miti. 7:60

Luka 6:28 ပူးပေါင်းရင်းမြစ်များ

1 Tihosi 13:6

Zonake a hosi yi te ngalo ka munhu wa Nungungulu: Kombela ka Jehova Nungungulu wa wena, u nzi khongelela kasi a canja ga mina gi fela ku tlhelela wutshanwini ga gona! Zonake a munhu wa Nungungulu i lo khongela ka Jehova, ni canja gakwe gi lo tlhelela wutshanwini ga gona kota kusanguleni. Ekso. 8:8; 9:28; Mitse. 21:7

Ezekieli 25:15

Hosi Jehova i ngalo: Kota lezi a maFilistia ma ti photeleko, va ti photela hi kutikisa hi kota ya wulala leʼgi nga timbilwini tabye, va xuva ku gi lovisa hi livengo leli li nga gumelwiko; 2 Kro. 28:18; Am. 1:6; Zak. 9:5

Ezekieli 36:5

Hikwalaho Hosi Jehova i ngalo: Hakunene nzi wulawulile hi kuhisa ka kupangama ka mina nzi vukela a matiko manwani ni gontlhe tiko ga Edome, lava va ti nyikileko a tiko ga mina a kuva va gi fumela hi migiyo ya timbilu tabye, ni xikanya xa mihefemulo, va gi maha muphango wabye.

Mateu 5:44

Kanilezi mina nziku ka nwina: Ranzani valala va nwina, mu kombelela lava va mu xanisako; Lu. 6:27, 35; 23:34; Miti. 7:60

Luka 23:34

Jesu aku ngalo: Dada, va tsetselele, hakuva a va zi tivi lezi va zi mahako. Zonake va lo avelana tinguwo takwe xikari kabye hi ku hlahluva. Mat. 5:44; Miti. 7:60; Mar. 15:24

Luka 6:27

Kanilezi nziku ka nwina lava mu nzi zwako; Ranzani a valala va nwina, mu maha kusaseka ka vona lava va mu vengako. Ekso. 23:4; Mav. 25:21; Mat. 5:44

Luka 6:35

Kanilezi ranzani valala va nwina, mu va mahela kusaseka, ni ku va pemba na mu nga tsumbi ku tlheliselwa; zonake a nchachazelo wa nwina wu ta maha wa hombe, mu ta maha vana va Loyi a nga Hehla-hehla; hakuva yena i na ni tipswalo ka lava va nga bongiko ni ka lava va bihileko. Tis. 37:26; Mat. 5:45

Mitiro 14:5

Laha na ku mahilwe a gujeguje hi vamatiko ni vaJuda zinwe ni varangeli vabye, go va khoma hi kubiha ni ku va gandla hi maribye, 2 Tim. 3:11; 1 Tes. 2:14-16

Mitiro 7:60

Zonake i lo khizama, aba huwa hi gezu ga hombe, aku: Hosi, u nga va hlayeli a xionho lexi. Laha na a wulile lezo i lo etlela. Lu. 23:34

Va le Roma 12:14

Va katekiseni lava va mu xanisako; katekisani, mu nga rukateli. 1 Ped. 3:9

1 Va le Korinte 4:12

ha ti karata hi ku tira hi mandla ya hina; loku hi rukatelwa hi tlhela hi katekisa; loku hi xaniswa, hina ha timisela; Mat. 5:44; Miti. 18:3; 1 Tim. 4:10; 1 Ped. 2:23

Jakobe 3:10

Ku huma hi ka nomu walowo wa munwe a kukhesa ni kurukatela. Vamakabye va mina, a zi faneli a kuva lezi zilo zi hi nghaho.

1 Pedro 3:9

Mu nga tlheliseli a kubiha hi kubiha, hambu ku tlhelisela a nzhukano hi nzhukano; kanilezi katekisani vanhu, hakuva mu vitanelwe lezo, lezaku mu taga a tshomba ya kukateka. Mat. 5:39