Luka 4:34 - Tshwa Bible

³⁴ Hiye! I mhaka muni hi nga nayo na wena, wena Jesu wa le Nazareta ke? U tele ku ta hi lovisa ke? Nza ku tiva lezaku hi wena mani, u Loyi wa ku Basa wa Nungungulu. Xip. 1:35

Luka 4:34 ပူးပေါင်းရင်းမြစ်များ

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

1 Tihosi 17:18

Zonake loyi wasati i te ngalo ka Elija! I mhaka muni nzi nga nayo na wena munhu wa Nungungulu? Kasi u tile laha a ku ta nzi alakanyisa zionho za mina ni ku ta daya nwananga ke? Lu. 5:8

Tisimu 16:10

Hakuva u nga ta tsika a muhefemulo wa mina le Xeole; Ge hambu ku tsika a wakubasa wa wena a wona kubola. Miti. 2:27; 13:35

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Mateu 8:29

Va lo kanyuluka, vaku: I mhaka muni hi nga nayo na wena, Nʼwana wa Nungungulu? U tile laha ku ta hi xanisa na xi nga se ku chikela xikhati ke?

Marku 1:24

aku: I mhaka muni hi nga nayo na wena, wena Jesu wa le Nazareta; u tele ku ta hi lovisa ke? Nza ku tiva lezaku hi wena mani, u Loyi wa kubasa wa Nungungulu. Mat. 8:29

Marku 1:34

I lo hanyisa vanyingi va nga hi ni tinghumbe ti hambeneko, a humesa madimoni yo tala; kanilezi i wa nga vumeli a madimoni ku wulawula, hakuva ma wa mu tiva. Xip. 3:12; Lu. 4:41

Marku 5:7

na aba huwa hi gezu ga hombe, aku: Xana i mhaka muni u nga nayo na mina, wena Jesu, Nʼwana wa Nungungulu loyi a nga Hehla-hehla? Nza ku hlambanyisa hi Nungungulu, u nga nzi xanisi.

Luka 1:35

A ngelosi yi lo hlamula yiku ka yena: A Moya wa ku Basa wu tata hehla ka wena, ni ntamu wa loyi a nga Hehla-Hehla wu ta ku fenengeta; hikwalaho a nʼwana wo basa loyi a ta nga belekiwa i ta vitanwa a Nʼwana wa Nungungulu. Mat. 1:20; Joh. 1:34; Rom. 1:4

Luka 4:33

Lomo sinagogeni ku wa hi kona a munhu, loyi a nga hi ni moya wa dimoni go biha; yena i lo kanyuluka hi gezu ga hombe, aku: Mar. 1:23

Luka 4:41

Ni madimoni ma lo huma ka vanyingi, na ma kanyuluka, maku: Wena u Nʼwana wa Nungungulu. Kanilezi i lo ma kawuka, a nga ma vumeli ku wulawula, hakuva ma wa zi tiva lezaku hi Kristu. Mar. 1:25, 34; 3:11

Luka 8:28

Laha a nga wona Jesu, i loba huwa, awa lahasi mahlweni ka yena, aku ngalo hi gezu ga hombe: I mhaka muni nzi nga nayo na wena Jesu, Nʼwana wa Nungungulu loyi a nga Hehla-Hehla? Nza ku khongotela, u nga nzi xanisi.

Luka 8:37

A vanhu vontlhe va le Gerasa va lo mu kombela a kuva a suka ka vona; hakuva va wa khomilwe hi kuchava ka hombe; zonake Jesu i lo enghena ngalaveni, a tlhela. Mat. 8:34; Miti. 16:39

Mitiro 16:39

ti lota ti ta va khongotela; na ti va humesile, ti lo va kombela a kuva va suka mutini wabye. Mat. 8:34

Mitiro 2:27

Hakuva u nga ta tsika a muhefemulo wa mina le Hayidesi, Ge hambu ku tsika a Wakubasa wa wena a wona kubola. Lu. 1:35

Mitiro 3:14

Mu lo kaneta loyi wa Kubasa ni wa Kululama, mu kombela lezaku mu tlheliselwa a mudayi, Tis. 16:10; Mar. 1:24; Xip. 7:52

Mitiro 4:27

Hakuva kunene vaHerodi na Pontiu Pilatu, zinwe ni vamatiko ni vanhu va ka Israeli, va wa tsombene a mutini lowu, kasi ku vukela Jesu, a Nanza ga wena gi basileko, loyi wena u mu totileko, Maheb. 7:26; Isa. 61:1; Joh. 10:36

Maheberu 2:14

Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15

Jakobe 2:19

Wa kholwa lezaku Nungungulu munwe, hizona lezo; a madimoni na wonawu ma kholwa ma rurumela. Mat. 8:29; Miti. 19:15

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14

Kuvululelwa 20:2

Yi lo khoma drako, a nyoka leyi ya kale, yi nga Muhlevi na Satani, yi mu boha a 1,000 wa malembe. Juda 6; Xip. 12:9

Kuvululelwa 3:7

Tsalela a ngelosi ya bandla ga le Filadelfia, uku: Loyi a basileko, A wa zinene, Loyi a nga ni pfhungulo ya Davida, Loyi a vululako, ku nga vali munhu, Loyi a valako, ku nga vululi munhu, i ngalo: Joba 12:14; Isa. 22:22; Miti. 3:14