Luka 24:27 - Tshwa Bible

²⁷ Zonake i lo sangula hi ka Mosi, ni vaprofeti vontlhe, a va tlhamusela hi ka mitsalo yontlhe a timhaka leti ti kuengetilweko yena. Vesi 45; Gen. 3:16; Isa. 7:14

Luka 24:27 ပူးပေါင်းရင်းမြစ်များ

Genesisi 12:3

Nzi ta va katekisa lavo va ku katekisako, nzi mu ruka loye a ku rukatelako; hi ka wena wontihe matiko ma ta katekiswa. Miti. 3:25; Gal. 3:8

Genesisi 22:18

Ni lezaku hi pswalo wa wena a matiko wontihe ya misava ma ta katekiswa, hakuva wena u lo ingisa a gezu ga mina. Miti. 3:25; Gal. 3:8

Genesisi 26:4

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa;

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Tisimu 132:11

Jehova i mahile xihlambanyo xi nene ka Davida, Cima a nga ta hunzuluka ka xona; Ite: Nzi ta veka xitshanwini xa wuhosi xa wena a nʼwana wa nyimba ya wena. 2 Sam. 7:11; Miti. 2:30

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 50:6

Nzi lo nyikela hlana wa mina ka lava va nga nziba, Ni marama ya mina ka lava va nga nzi hlurulela malevu; A nzi fihlangi a nghohe ya mina laha na va nzi rukatela va nzi phelela. Mat. 26:67; 27:30; Mar. 14:65; 15:19

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 8:17

Nzi ta rinzela Jehova, loyi a fihlelako a yindlu ya Jakobe a nghohe yakwe, nzi ta mu langutela.

Isaya 9:1

Kanilezi ku nga ha tava na munyama a tikweni legi gi nga ni hlokiselelo. A xikhatini xa kaleloko Nungungulu i wisile tingana a tiko ga Zebuloni ni tiko ga Naftali, kanilezi a xikhatini xi tako i ta khesa a tiko legi gi komamako ni bimbi, le tlhatukweni ga Jordani, a Galilea ga vamatiko. Mat. 4:14

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Mika 5:6

Va ta kaputa a tiko ga Assiria hi supado, ni tiko ga Nimrode kala tinyangweni ta gona. I ta hi tlhatlhisa mandleni ya maAssiria laha a ta nga enghena tikweni ga hina, ni laha a ta nga tlula a mimbhingano ya hina.

Mika 7:20

U ta tsumbeka ka Jakobe, Abrahama u mu mahela Wuxinji legi u nga gi hlambanyela a vadadani va hina kaleloko.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mitsengo 21:14

Hi kwalaho ku wuliwako ha kona bhukwini ga Tiyimpi ta Jehova: “Vaheb le Sufa, Ni le mikoveni ya Amoni,

Marku 4:34

Ahandle ka mufananiso a nga kanetangi nchumu ka vanhu; kanilezi na Va hi voce i lo tlhamusela timhaka tontlhe ka vapizani vakwe.

Luka 24:25

Yena aku ngalo kabye: Maphuphulu nzi nwina ya vanhu va mbilu yi nonokako ku kholwa zontlhe lezi zi kanelweko hi vaprofeti!

Luka 24:44

Aku ngalo kabye: Hi tona timhaka leti nzi nga ti kanela ka nwina, laha nzi nga wa ha hi na nwina, nziku: Timhaka tontlhe leti ti tsalilweko ha mina nayweni wa Mosi, ni ka vaprofeti, ni lomu ka Tisimu, ti fanele ku tatiseka. Mat. 16:21; Mar. 8:31

Johani 1:45

Filipu i lo kuma Nataneli, aku kakwe: Hi mu kumile loyi Mosi a nga tsala ha yena nayweni, kambe ni vaprofeti, hi Jesu wa le Nazareta, a nʼwana Josefa. Gen. 3:15; Deut. 18:18; Isa. 4:2; Mika 5:2

Johani 12:41

Isaya i lo wula lezo, hakuva i wonile a kungangamela kakwe, a kanela ha yena, Isa. 6:1

Johani 5:37

Na yena Dadani, loyi a nzi rumileko, i mahile wukustumunyu hi mina. Nwina cima a mu zwangi gezu gakwe, hambu ni ku wona xiyimo xakwe; Deut. 4:12; Mat. 3:17; 1 Joh. 4:12

Johani 5:39

Mu kamba mitsalo, hakuva mu alakanya lezaku ka yona mu ta kuma a wutomi ga pinzukelwa; yona hi yona yi kustumunyako hi mina. Isa. 8:20; Lu. 16:29; 24:27

Mitiro 10:43

Hi yena loyi a vaprofeti vontlhe va mu mahelako wukustumunyu, lezaku munwe ni munwani a kholwako ka yena, i ta amukela a kurivalelwa ka zionho. Isa. 53:11; Jer. 31:34; Gal. 3:22

Mitiro 3:18

Kanilezi Nungungulu i zi tatisile lezo, lezi a nga zi tivisile kale hi milomu ya vaprofeti vontlhe, lezaku, Kristu wakwe i ta xaniseka. Tis. 22; Isa. 50:6; 53:5; Dan. 9:26; 1 Ped. 1:10

Mitiro 3:22

Mosi i te ngalo: Hosi Nungungulu i ta mu vuxela a muprofeti xikari ka vamakabye va nwina, wo kotisa mina; mu ta mu ingisa ka zontlhe lezi a ta nga mu byela zona. Deut. 18:15; Maheb. 3:2-5

Mitiro 3:24

Ina, ni vaprofeti vontlhe kusukela ka Samueli ni lava va mu tlhatamako, vontlhelele lava va nga wulawula va lo tivisa hi masiku lawa.

Mitiro 7:37

Hi yaloye Mosi a ngaku ngalo ka vanana va ka Israeli: Nungungulu i ta mu vuxela a muprofeti wo kota mina xikari ka vamakabye va nwina. Deut. 18:15

Mitiro 8:35

Filipu i lo vulula nomu wakwe, a sangula hi lowu mutsalo, a mu gonzisa ivangeli ya Jesu. Lu. 24:27

Deuteronome 1:45

Laha na mu wuyile mu lo ta rila mahlweni ka Jehova, kanilezi Jehova a nga ingisangi a gezu ga nwina, hambu ni ku kangatela a ndleve yakwe a muzwa.

Deuteronome 18:15

Jehova Nungungulu wa wena i ta ku vuxela muprofeti wo kota mina xikari ka vamakabye va wena, loyi mu ta mu ingisa. Joh. 1:45; Miti. 3:22; 7:37

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9