Luka 21:24 - Tshwa Bible

²⁴ Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Luka 21:24 ပူးပေါင်းရင်းမြစ်များ

Genesisi 34:26

Va lo daya Hamori na Xekemi a nʼwana wakwe hi supado, va lo teka Dina lomu ndlwini ya Xekemi va famba naye.

Eksodusi 17:13

Hilezo Joxua ni vanhu vakwe, va lo hlula vaAmaleki hi matlhari.

Isaya 5:5

Nzi ta mu byela lezi nzi ta nga maha ka xivina xa mina: Nzi ta susa libhingo la xona li hiswa, Nzi ta khungumula a tigingisi la xona, ti kanzihelelwa.

Isaya 63:18

A vanhu va wena va basileko va fumele tiko xikhatanyana ntsena; A valala va hina va kanzihele a yindlu ya wena yo basa.

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Isaya 66:19

Nzi ta yimisa a xikombiso xikari kabye; lava va ta nga pona nzi ta va rumela matikweni, vaya le Tarxixi, le Pule, ni le Ludi, lava va fulako hi mawura, le Tubale, ni le Javane, ni le matikweni ya le kule le bimbini, lawa ma kalako ma nga se kuzwa a wudumo ga mina; vona va ta tlhatlhambutela a wukulu ga mina xikari ka matiko.

Mikosi 1:15

A Hosi a yi khatalelangi a tinhenha ta mina tontlhe, I rambile a yimpi a ku ta hlasela a majaha ya mina. A Hosi yi kanzihelele a nhanyana wa ka Juda khwatsi hi loku yi vuva vinya.

Danieli 12:7

Nzi lozwa a munhu loyi a nga ambele a tinguwo ta wukene, a nga yimile hehla ka mati ya congo, laha a nga tlakusa canja gakwe ga xinene ni ga xibhabha, a hlambanya hi loyi a hanyako kala kupinzuka, aku: Ku tava a xikhati ni zikhati ni khihlanya ga xikhati, ni loku va mhhetile ku tshova a ntamu wa tiko ga kubasa, zonake ku tava magumo ya zontlhe lezi zilo. Deut. 32:40; Kuv. 10:5; 12:14

Danieli 8:13

Zonake nzi lozwa a ngelosi na yi wulawula, ni yinwani ngelosi yi lo wutisa leyi yi nga kari yi wulawula, yiku: Zi ta simama masiku mangani lezi hi zi wonako muwonisweni hi tlhelo ga munyikelo wa kuhiswa wa simasima ni xihambunyeto lexi xi hahlulako, ni lezaku a wutshamu ga kubasa ni butho zi nyikelwa ku kanzihelelwa hi mikonzo?

Danieli 9:27

Yi ta maha xivumelwano xi tiyileko ni vanyingi ka viki ginwe. Hi khihlanya ga viki yi ta maha a miphahlelo ni minyikelo ya tinzhoho yi yima. A muhahluli i tata hehla ka tipapa ta manyalataniso ya mbalakasa, kala a tsayiselelo lowu wu yimisilweko wu chululiwa hehla ka muhahluli. Isa. 28:22; Mat. 24:15; Mar. 13:14

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Luka 21:25

Ku tava kona a ziwoniso le gambyeni, ni le hwetini, ni le tinyeletini; ni laha misaveni a vamatiko va ta xaniseka, va kanganyiseka hi kota ya kudzinza ka bimbi ni mabyandlati. Mat. 24:29; Mar. 14:12

Va le Roma 11:25

Hakuva vamakabye, a nzi ranzi lezaku mu kohlwa hi fihlakalo lowu, mu nga dzuka mu alakanya lezaku mu tlharihile; lezaku a vaIsraeli va nonohisile a xipanze xa vona, va kala va enghena a vamatiko vontlhe; Lu. 21:24; Kuv. 7:9

Maheberu 11:34

va lo tima a ntamu wa nzilo, va pona a wutlha ga supado, na va hi ni gome va lo nyikwa ntamu, va maha tinhenha kulweni, va panzanya a tiyimpi ta valala. 1 Sam. 14:13; 2 Tih. 6:16; Dan. 3:25

Kuvululelwa 11:2

Kanilezi a hubye leyi yi nga lahandle ka tempeli, yi tsike, u nga yi pimi; hakuva yi nyikelwe a vamatiko; va ta kanzihela a muti wo basa a mune wa makume ya tihweti ni timbiri. Tis. 79:1; Ezek. 40:17; Lu. 21:24