Luka 14:18 - Tshwa Bible

¹⁸ Vona vontlhe va lo sangula ku maha makalavisa. A wa kuranga i te ngalo ka nanza: Nzi xavile simu, nzi fanele a ku ya gi wona; nza ku khongotela a kuva nzi tlhatlheka.

Luka 14:18 ပူးပေါင်းရင်းမြစ်များ

Jeremia 6:10

Nzi ta byela mani, Nzi maha wumboni kasi va ingisa ke? A tindleve tabye makhuna, a va zi koti kuzwa. A mhaka ya Jehova i nzhukano kabye, a va yi ranzi.

Luka 14:17

I lo ruma a nanza gakwe hi xikhati xa mubuzo, a ku ya byela lava va rambilweko ku ngalo: Tanani, hakuva zontlhe zi longile. Mav. 9:2, 5

Luka 14:19

A munwani aku ngalo: Nzi xavile ntlhanu wa mipatswa ya tinkavi, nzi famba nzi ya ti ringisa; nza ku khongotela a kuva nzi tlhatlheka.

Luka 18:24

Jesu na a mu wona aku ngalo: Zi tsanzisa kuyini ka lava va fumileko a ku enghena mufunweni wa Nungungulu! Mat. 11:28; Mat. 19:23; Mar. 10:23

Luka 8:14

Ni leti ti weleko mizweni, hi vona lava va zwileko; kanilezi loku va ti fambela va tlimbiwa hi kukaratekela, ni kufuma ni kutsaka ka kuhanya loku; a va pswali mihanzu yi kala yi buva.

Johani 1:11

I lota kaya kakwe, kanilezi lava va nga hi vakwe a va mu amukelangi.

Johani 5:40

A mu vumeli kuta ka mina, kasi mu fela ku kuma wutomi.

Va le Filipi 3:4

Kasi na minawu nzi ngava ni kutsumba nyameni. Loku munwani a alakanya lezaku i na ni kutsumba nyameni, mina nza hunzisa.

2 Timote 4:10

hakuva Demasi i nzi tsikile, kota lezi a ranzako za nguva leyi, i yile Tesalonika; Kreseke i yile Galatia, na Titusi i yile Dalmatia. 1 Joh. 2:15; Kol. 4:14; File. 24

2 Timote 4:4

zonake va nga ta ha ingisa zinene, va ta hambukela mitsheketweni. 1 Tim. 1:4

Maheberu 12:16

Ti woneleni lezaku ku ngavi kona a xibhayi, hambu ni munhu a kanyisako, kota Esau loyi a nga xavisa a wutewula gakwe hi ngelo munwe wa zakuga. Gen. 25:33