Luka 13:35 - Tshwa Bible

³⁵ Langutani, mu ta siyelwa a yindlu ya nwina na yi hi rumbi; kanilezi nza mu byela nziku: Mu nga ha ta nzi wona kambe mu kala muku: A khesiwe loyi a tako hi vito ga Hosi! Levi 26:31, 32; Tis. 69:25; Isa. 1:7; Dan. 9:27; Mat. 21:9

Luka 13:35 ပူးပေါင်းရင်းမြစ်များ

Tisimu 118:26

A khesiwe yena loyi a tako vitweni ga Jehova, Ha mu katekisa na hi lomu ndlwini ya Jehova. Mat. 21:9; Mar. 11:9; Joh. 12:13

Tisimu 69:25

A muti wabye ngha wu hangalaka, Ku ngavi na muaki matendeni yabye. Miti. 1:20

Isaya 52:7

Yi sasekisile kuyini le zitsungeni A mikonzo ya loyi a nehako a mahungu yo saseka, Loyi a wulawulako kurula; Loyi a nehako mahungu yo saseka yo tsakisa, A kanelako hi kuhanyisa; Loyi a nge ngalo ka Zioni: Nungungulu wa wena wa fuma! Nah. 1:15; Rom. 10:15

Jeremia 22:5

Kanilezi loku mu nga ingisi leti timhaka, nza hlambanya hi wutsumbu ganga, ku wula Jehova, lezaku a yindlu leyi yi tava rumbi.

Jeremia 35:17

hikwalaho Jehova, a Nungungulu wa tiyimpi, i ngalo: Languta, nzi ta neha hehla ka Juda ni ka vontlhe a vaaki va Jerusalema, gontlhe a khombo nzi gi wulileko ha vona. Hakuva nzi wulawulile kabye, kanilezi a va nzi ingisangi; nzi va vitanile, kanilezi a va hlamulangi.

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Zakaria 14:2

Hakuva nzi ta tsombanyisa a matiko wontlhe kasi kulwa ni Jerusalema, a muti wu ta tekiwa, a tiyindlu ti phangiwa, ni vavasati va pfinyiwa. A khihlanya ga vanhu va muti gi ta yiswa wukhumbini, kanilezi a misalela ya vanhu yi nga ta humeswa mutini.

Mateu 21:9

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39

Mateu 23:37

Jerusalema, Jerusalema, loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga lava ku wungeletela a vanana va wena, kota a pswele gi wungeletelako a zihukwana za gona lahasi ka tipapa ta gona, kanilezi a mu vumelangi. Deut. 32:11; Tis. 17:8; Lu. 13:34

Luka 19:41

Laha a nga tshinele, a wona muti, i lo wu rilela, Joh. 11:35

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Johani 12:13

va lo teka mahanga ya micinzu, va huma ku ya mu tlhangaveta, va kanyuluka, vaku: Hozana; a ku khesiwe yena loyi a tako vitweni ga Hosi, loyi a nga Hosi ya vaIsraeli. Tis. 118:25, 26