Luka 13:28 - Tshwa Bible

²⁸ Laho ku tava ni mikosi ni kugetsela ka meno, loku mu wona Abrahama, na Isaka, na Jakobe, ni vaprofeti vontlhe le mufunweni wa Nungungulu, kasi nwina mu hoxiwa lahandle. Mat. 8:11, 12; 13:42; 24:51

Luka 13:28 ပူးပေါင်းရင်းမြစ်များ

Tisimu 112:10

A wakubiha i ta zi wona a tsanwa, I ta getsela meno, a hlomuka; A kuxuva ka wakubiha ku ta fuva.

Mateu 13:42

ti ta va hoxa phingweni ga nzilo; laho ku tava kona a mikosi ni kugetsela ka meno. Xip. 3:12; Kuv. 19:20; 20:10

Mateu 13:50

ti va hoxa phingweni ga nzilo; laho ku tava kona a mikosi ni kugetsela ka meno.

Mateu 22:13

Zonake a hosi yi te ngalo ka malanza: Mu boheni mawoko ni milenge, mu mu hoxa munyameni wa lahandle, laha ku ta ngava ni mikosi ni kugetsela ka meno.

Mateu 24:51

yi ta gi pulakanyisa, yi gi nyika xiavelo xa gona zinwe ni vaxengeteli; laha mikosi yi ta ngava kona ni kugetsela ka meno. Xip. 8:12; 25:30

Mateu 25:30

Gi hoxeni munyameni wa lahandle a nanza gi nga vuniko nchumu, laha mikosi yi ta ngava kona ni kuge-tsela ka meno.

Luka 10:15

Na wena Kapernaume, u tlakuselweko tilweni, u ta releliswa lahasi Hayidesi. Mat. 11:23

Luka 14:15

A munwe wa vona lava va nga tshamile kugeni, loku a zwile timhaka leti, aku: I katekile loyi a ta ngaga zakuga mufunweni wa Nungungulu. Kuv. 19:9

Luka 16:23

Na hi le Hayidesi le kuxanisekeni, i lo tlakusa mahlo yakwe, a wona Abrahama na hi le kule, na Lazaru a hi xifuveni xakwe.

2 Va le Tesalonika 1:5

Lezo za komba lezaku a kulamula ka Nungungulu ku lulamile; aku kasi ma fela ku hlayelwa lezaku mu fanelwe hi mufumo wa Nungungulu, lowu mu xanisekelako wona. Fil. 1:28; Kuv. 3:4

2 Pedro 1:11

hakuva hi ku maha lezo mu ta nyikiwa a ku enghena mufunweni wu nga mbheliko wa Hosi ya hina ni Muhanyisi Jesu Kristu.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6