Luka 12:7 - Tshwa Bible

⁷ Kanilezi hambu ni misisi yontlhe ya tihloko ta nwina yi hlayilwe. Mu nga chavi, nwina ma va hunza nguvu a vamanjingiri vanyingi.

Luka 12:7 ပူးပေါင်းရင်းမြစ်များ

2 Samueli 14:11

A wasati aku: Ngha a hosi yi alakanya Jehova Nungungulu wa wena, lezaku a muphoteli wa nkhata a nga engeteli a khombo legi hi ku daya a nʼwana wa mina. A hosi yi lo hlamula, yiku: Nzi hlambanya ha Jehova a hanyako, cima ku nga ta kuva kona ni sisi munwe wa nʼwana wa wena wu ta ngawa lahasi. Mitse. 35:10; Jox. 20:1

Joba 35:11

Loyi a hi nyikileko kupima ko hunza ka zihari za misava, Ni wutlhari go hunza ga tinyanyani ta tilo?

Tisimu 8:6

Hakuva wena u mu nyikile malungelo ya ku fumela a mitiro ya mandla ya wena, U veka zilo zontlhe lahasi ka mikonzo yakwe: Gen. 9:2; Mat. 28:18; 1 Kor. 15:27

Mateu 12:12

I tsengo waku yini a nga nawo munhu ku hunza yivu! Hikwalaho ku fanele a ku maha zo saseka hi siku ga sabado.

Mateu 6:26

Langutani a tinyanyani ta tilo: a ti byali, a ti tshoveli, a ti hlengeleteli nchumu magombeni; kanilezi a Raru wa nwina wa le tilweni wa ti phamela. A mu ti hunzi nguvu ke? Joba 38:41; Tis. 147:9; Lu. 12:24

Luka 21:18

Kanilezi ku nga ta lobyiswa ni sisi munwe wa tihloko ta nwina. Mat. 10:30

Mitiro 27:34

Nza mu khongotela a kuga zakuga; hi zona zi ta nga mu vunetela a kuva mu pona; hakuva a ku na munwe wa nwina a ta nga lahlekelwa hi sisi munwe hlokweni yakwe. Mat. 10:20; Lu. 12:7; 21:18

1 Samueli 14:45

Kanilezi a vanhu va te ngalo ka Saule: Xana Jonatani i tafa, yena loyi a tirileko a kuhanyisa ka hombe ka ku nghahi lomu ka Israeli ke? Za hava lezo! Hi hlambanya ha Jehova a hanyako, cima ku nga ta kuva kona ni munwe a sisi wa hloko yakwe wu ta ngawa lahasi, hakuva Jonatani i tirile na Nungungulu legi siku! Zinghaho a vanhu va lo tlhatlhisa Jonatani, a nga dawi.