Luka 12:28 - Tshwa Bible

²⁸ Makunu loku Nungungulu a ambexisa lezo a byanyi, legi gi nga kona masinwini nyamutlha, kasi hi manziko gi ta hoxwa nzilweni; a nga ta hunzeleta ku mu ambexa xana, nwina lava va kukholwa ku tsongwanyani ke?

Luka 12:28 ပူးပေါင်းရင်းမြစ်များ

Isaya 40:6

A gezu go kari giku: Kanela! Munwani a hlamula, aku: Nzi ta kanela yini? A nyama yontlhe yi fanana ni byanyi, Ni kusaseka kontlhe ka yona ku fanana ni xitsangi xa khwati. Joba 14:2; Tis. 90:5; Jak. 1:10

Mateu 14:31

Zalezo Jesu i lo nawuluta a canja gakwe, a mu khoma, aku: Wena wa, kukholwa ku tsongwani, hi yini u kanakanako ke?

Mateu 16:8

Jesu na a zi tivile, aku ngalo: Nwina va kukholwa ku tsongwani, hi yini mu wulawulisanako xikari ka nwina, hilezi mu nga hava zibaba?

Mateu 17:17

Jesu i lo hlamula, aku ngalo: Xizukulwana xi nga kholwiko leʼxi bihileko, ku ta kala rini nzi hi na nwina ke? Nzi ta timisela ha nwina kala xikhati muni? Mu neheni laha ka mina.

Mateu 17:20

I te ngalo kabye: Ihakuva a kukholwa ka nwina ku tsongwanyani. Hizinene nziku ka nwina: Loku mu wa hi ni kukholwa ku kotisa a mbewu ya xinapi, mu wa taku ka xitsunga lexi: Kunuka laha, uya ka legiya wutshamu, xi ta kunuka; a ku na nchumu xi wa ta nga mu tsanza. Mar. 11:23; Lu. 17:6; 1 Kor. 12:9

Mateu 6:30

Loku Nungungulu a ambexisa lezo a byanyi ga lomu khwatini, legi gi nga kona nyamutlha, kasi hi manziko wa kona gi ta hoxwa khombarini, xana a nga ta mu ambexa nguvu, nwina lava va kukholwa ku tsongwanyani ke?

Mateu 8:26

Yena aku kabye: Nwina va kukholwa ku tsongwani, hi yini mu chavako? Zonake i lo vuka, a kawuka mheho ni bimbi, ku lova ni malenga ya hombe. Tis. 65:7

Luka 8:25

Aku ngalo kabye: Hi kwihi a kukholwa ka nwina ke? Va lo chava, va hlamala, vaku ka munwe ni munwani: Hi yena mani, loyi a layako a timheho ni mati, zi mu ingisa ke?

Maheberu 6:7

Hakuva a misava leyi yi nwako a vula leyi yi nako kanyingi hehla ka yona, loku yi milisa a zibyalo zi vunako lava yi rimelweko vona, yona misava yi katekiswa hi Nungungulu.

1 Pedro 1:24

Hakuva: A nyama yontlhe yi khwatsi i byanyi, Ni kusaseka kontlhe ka yona ku khwatsi xitsangi xa byanyi, A byanyi ga wuna, ni xitsangi xi tlhatlheka, Isa. 40:6