Luka 11:20 - Tshwa Bible

²⁰ Kanilezi loku nzi hlongola madimoni hi litiho la Nungungulu, hakunene a mufumo wa Nungungulu wu tile ka nwina. Ekso. 8:19

Luka 11:20 ပူးပေါင်းရင်းမြစ်များ

Eksodusi 8:19

Zonake a tinʼanga tiku ka Faro: Leli litiho la Nungungulu! Hambu lezo a mbilu ya Faro yi lo sihalala; a nga va ingisangi, khwatsi hi lezi Jehova a wulileko.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Mateu 12:28

Kanilezi loku nzi hlongola madimoni hi Moya wa Nungungulu, hakunene a mufumo wa Nungungulu wu tile ka nwina. Dan. 2:44; Lu. 1:33

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Mateu 4:24

A wudumo gakwe gi lo zwala Siria gontlhe. Va neha kakwe vontlhe va nga kari va babya, va nga hi ni tinghumbe ti tsalangeneko ni kubayisa, na va hi ni madimoni, ni zitsuri, ni zikhurubu, i lo va hanyisa.

Luka 10:11

Hambu ni ntshuri wa muti wa nwina, lowu wu namareleko mikonzweni ya hina, ha wu phumunhela ka nwina; ahemba-lokoke, tivani lezaku a mufumo wa Nungungulu wu tshinele.

Luka 10:9

mu hanyisa a vababyi lava va nga ka wona, muku ka vona: A mufumo wa Nungungulu wu tshinele ka nwina. Mat. 3:2; 4:17; 10:7; Xip. 9:2

Luka 11:21

Loku a nhenha yi: hlomile yi lavelela a yindlu ya yona, a zilo zakwe zi tshameka khwatsi; Mat. 12:29; Mar. 3:27

Mitiro 20:25

Makunu nza zi tiva lezaku nwina nwentlhe, lava nzi nga fambafamba xikari ka nwina nzi kanela a mufumo wa Nungungulu, mu nga ta ha wona a nghohe ya mina kambe. Rom. 15:23

2 Va le Tesalonika 1:5

Lezo za komba lezaku a kulamula ka Nungungulu ku lulamile; aku kasi ma fela ku hlayelwa lezaku mu fanelwe hi mufumo wa Nungungulu, lowu mu xanisekelako wona. Fil. 1:28; Kuv. 3:4