Levi 8:23 - Tshwa Bible

²³ Mosi i lo yi tlhava, a teka a nkhata, a tota magumo ya ndleve ya xinene ya Aroni, ni ka litiho la hombe la nkonzo wa xinene wa Aroni.

Levi 8:23 ပူးပေါင်းရင်းမြစ်များ

Eksodusi 29:20

zonake u ta yi tlhava, u teka a nkhata u wu tota le magumo ya ndleve ya xinene ya Aroni, ni magumo ka tindleve ta xinene ta vana vakwe, ni ka litiho labye la hombe la canja ga xinene; ni ka litiho labye la hombe la konzo wa xinene; a nkhata wunwani u ta nwatsekela matlhelo wontihe ya alati.

Eksodusi 29:21

U ta teka a nkhata lowu wu nga lomu alatini ni mafura yo tola, u nwatsekela Aroni ni tinguwo takwe, ni vana vakwe ni tinguwo tabye, lezo i tava a basileko, yena ni tinguwo takwe, ni vana vakwe zinwe ni tinguwo tabye.

Levi 14:14

A mupristi i ta teka a nkhata wa muphahlo wa milanzu, a tota a ndleve ya xinene ya loyi a basiswako, ni laha ka litiho la hombe la canja ga xinene, ni laha ka litiho la hombe la konzo wakwe wa xinene.

Levi 14:17

Kasike a mafura laya ma salako lomu canjeni gakwe, a mupristi i ta ma tota laha ka ndleve ya xinene ya loyi a basiswako, ni ka litiho la hombe la canja ga xinene, ni ka litiho la hombe la konzo wa xinene, hi le hehla ka nkhata wa muphahlo wa milanzu.

Levi 14:25

Zonake i ta tlhava a hambana ya muphahlelo wa milanzu, ni mupristi i ta teka a nkhata wa muphahlelo wa kona, a wu tota laha ka ndleve ya xinene ya loyi a to basiswa, ni laha ka litiho la hombe la canja ga xinene, ni laha ka litiho la hombe la konzo wakwe wa xinene.

Levi 14:28

Zonake mupristi i ta tota hi mafura laya ma nga lomu canjeni gakwe a ndleve ya xinene ya loyi a to basiswa, ni litiho la hombe la canja ga xinene, ni litiho la hombe la konzo wakwe wa xinene, kwalomu a nga tota a nkhata wa muphahlo wa milanzu.

Levi 7:37

Lowu hi wona a nayo wa munyikelo wa kuhiswa, ni wa munyikelo wa zakuga, ni wa munyikelo wa kuonha, ni wa munyikelo wa milanzu, ni wa ku wumbela mupristi, ni wa kurula.

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

Va le Roma 6:13

Hambu ni ku nyikela a ziro za nwina kuonheni ziva matlhari ya kungalulami; kanilezi ti nyikeleni ka Nungungulu, khwatsi hi lava va humileko kufeni va hanya, ni ziro za nwina ziva matlhari ya kululama ya ku tirela Nungungulu.

Va le Roma 6:19

Nzi wula hi mawulawulela ya vanhu hi kota ya gome ga nyama ya nwina. Khwatsi hi lezi mu nga nyikela a ziro za nwina a kuva malanza ya kungahlazeki ni ya kubiha mu anza kubiheni, hizalezo makunu nyikelani a ziro za nwina a kuva malanza ya kululama lezaku muya kubasisweni.

1 Va le Korinte 1:2

ha losa a bandla ga Nungungulu legi gi nga le Korinte, lava va basisilweko ka Kristu Jesu, lava va vitilweko a kuva vobasa, zinwe ni vontlhe lava va khongelako hi vito ga Hosi ya hina Jesu Kristu matshanwini wontihe, yi nga Hosi yabye ni ya hina, hiku: Joh. 17:19; Rom. 3:22; Xip. 8:6; 2 Tim. 1:9

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

1 Va le Korinte 6:20

hakuva mu xabyilwe hi tsengo, hikwalaho dumisani Nungungulu mirini wa nwina. Mat. 5:16; 2 Kor. 7:1; Gal. 3:13; Maheb. 9:12; 1 Ped. 1:18; Kuv. 5:9

Va le Filipi 1:20

hi kulangutela ni kutsumba ka mina lezaku nzi nga ta chelwa tingana ha nchumu, kanilezi Kristu i ta dumisiwa mirini wa mina hi kutiya kontlhe, makunu khwatsi hi zikhati za kale, kutani hi kuhanya, kutani hi kufa. Rom. 5:5

Va le Filipi 2:17

Hambu loku a nkhata wa mina wu lombelwa muphahlelweni laha ku mahiwako muphahlo wa kukholwa ka nwina, ni lezo kambe nzi ta tsaka na nwina nwentlhe.

1 Va le Tesalonika 5:22

Tsikani tixaka tontlhe ta kubiha. Xip. 4:12

Maheberu 2:10

Hakuva zi wa mu fanele Nungungulu, loyi zontlhe zi mahelweko yena, na zi mahilwe hi yena, lezaku loku a neha vana vanyingi kungangameleni, a fela ku mbhelelisa hi kuxaniseka a muvangi wa kuhanyiswa kabye. Lu. 24:46; Miti. 3:15; Rom. 11:36

Maheberu 5:8

Hambu lezi a nga hi Nʼwana, i lo gonza kuingisa hi lezi a nga xaniseka ha zona; Fil. 2:8; Xip. 3:6