Levi 7:30 - Tshwa Bible

³⁰ A nehe hi mandla yakwe yena nwinyi lezi zi ta nga nyikelwa ka Jehova akuva munyikelo wa kuhiswa. I ta neha mafura ni xifuva; a xifuva xi ta nziwitelwa mahlweni ka Jehova.

Levi 7:30 ပူးပေါင်းရင်းမြစ်များ

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

Levi 10:14

Kasike loku ku hi xifuva lexi xi nziwitelweko, ni nenge lowu wu pambulweko, u taya ziga wutshanwini gi hlazekileko, wena ni vana va wena va xinuna ni va xisati, hakuva mu nyikilwe akuva xiavelo xa wena ni vana va wena, zi humako miphahlweni ya kurula ya vanana va ka Israeli.

Levi 10:15

Va ta neha ni mafura laya ma faneleko ku hiswa hi nzilo, ni nenge lowu wu pambulweko, ni xifuva lexi xi nziwitelweko, va zi nziwitela mahlweni ka Jehova, zonake zi tava za wena ni vana va wena; i nayo wa kala kupinzuka, kota lezi Jehova a leleteleko.

Levi 3:14

Zonake i ta maha munyikelo ha yona, wuva muphahlo wu hiselwako Jehova; ma nga mafura laya ma pomelako marumbu, ni wontihe mafura laya ma pambelako marumbu,

Levi 3:9

Zonake i ta pambula xipanze xa xifuyo lexo xa muphahlo wa kurula a maha muphahlo wu hiselwako Jehova hi mafura ni nkila lowu wu tsemilweko hi laha lidingweni la wona, ni mafura laya ma pomelako marumbu, ni mafura wontihe laya ma pambelako marumbu,

Levi 8:27

Zonake i lo beka zontlhe lezi zilo mandleni ya Aroni, ni mandleni ya vana vakwe, a zi nziwitela mahlweni ka Jehova.

Levi 8:29

Zonake Mosi i lo teka a xifuva xa hamba ya ku wumbela; a xi nziwitela khwatsi hi munyikelo wa ku nziwitela mahlweni ka Jehova; zonake xi maha xiavelo xa Mosi, kota lezi Jehova a wulileko ka Mosi.

Levi 9:20

va lo veka mafura hehla ka zifuva, zonake a hisa mafura alatini.

Levi 9:21

Kanilezi a zifuva ni nenge wa xinene, Aroni i lo zi nziwitela mahlweni ka Jehova, wu maha munyikelo wa kunziwitela, kota lezi Mosi a leleteleko.

Mitsengo 6:20

A mupristi i ta zi nziwitela mahlweni ka Jehova; lezo zi tava zilo zi basileko nguvu, zi tava za mupristi, zinwe ni xifuva lexi xi nga nziwitelwa, ni nenge wa muphahlo. Zonake anzhako ka lezo a munazira wa zi kota kunwa a vinya. Ekso. 29:27; Levi 7:31

Mitsengo 8:11

Zonake Aroni i ta nyikela a vaLevi a kuva munyikelo wa ku nziwitela mahlweni ka Jehova, lowu wu humako ka vanana va ka Israeli; zonake va ta tira a ntiro wa kukhozela mahlweni ka Jehova.

Johani 10:18

A ku na munhu a nzi tekelako kona, kanilezi nza ku nyikela ha nzoce. Nzi na nzi ntamu ku ku nyika, nzi na ni ntamu wa ku tlhela nzi ku teka. Nzi leletelwe lezo hi Dadani. Xip. 2:19; 6:38; 15:10; Miti. 2:24, 32

2 Va le Korinte 8:12

Hakuva loku ku hi kona kuxuva ku nyika, a xinyikiwo xa amukeleka kotisa lezi munhu a nga nazo, na ku nga kotisi lezi a nga hiko nazo. Mar. 12:43, 44; Lu. 21:3

Deuteronome 18:3

Lezi zi fanelako vapristi, hi lezi zi humako ka vanhu lava va nyikelako miphahlo, hambu loku yi hi homu, kutani i yivu; a mupristi va ta mu nyika a woko ni tihlaya, ni khwiri.