Levi 6:20 - Tshwa Bible

²⁰ A munyikelo wa Aroni ni vana vakwe, lowu va ta nga nyikela a siku ga ku totiwa hi lowu: A xipanze xa wukhume xa efa ga mapa yo saseka, wu tava muphahlo wa zakuga a masiku ni masiku; va ta nyikela a khihlanya ni mixo, ni khihlanya laha gambyeni,

Levi 6:20 ပူးပေါင်းရင်းမြစ်များ

1 Kronekele 23:29

va hlayisa a zibaba zi vekiwako mahlweni ka Nungungulu, ni mapa yo saseka ya minyikelo ya zakuga, a zibaba zi nga comelwangiko, ni lezi zo katingwa ni lezi zo wociwa, ni lezi zi patsilweko ni mafura; ni tipimo tontlhe ta ku pima kutala ni wukulu.

Eksodusi 16:36

A homeri yinwe yi hi xipanze xa wukhume xa efa.

Eksodusi 29:2

ni zibaha zi nga comelwangiko; ni zikhekhetselo zi nga comelwangiko, zi kanyangilweko hi mafura; ni zikhekhetselo za linwani lixaka zi nga comelwangiko, zi totilweko hi mafura; u zi maha hi mapa ma nanaselweko ya tirigo.

Levi 23:13

Mu ta engetela a muphahlo wa zakuga hi tipimo timbiri ta wukhume ta efa ga mapa yo saseka laya ma vuvilweko hi mafura; zi ta nyikelwa ku maha muphahlelo wa kuhiswa lowu wu nga ni masema yo nuhela ka Jehova; a munyikelo wa kunwa wu tava xipanze xa wumune xa hini ga vinya.

Levi 5:1

Loku a munhu a onha laha a hlambanyiswako, na a kustumunya hi lezi a zi wonileko hambu lezi a zi tivako, loku a nga wuli lezi a zi wonileko kutani lezi a zi tivako, yena i ta rwala a nanzu wa kona.

Levi 5:11

Loku a vumala a matuva mambiri, kutani mavinyani mambiri ya zipomba, loye a onhileko i ta neha a munyikelo wakwe hi za wukhume ka efa ya mapa yo basa, ma tava muphahlo wa kuonha. A nga dzuki a chela mafura hehla ka wona, hambu ni libani lo nuhela, hakuva muphahlo wa kuonha.

Levi 6:11

Anzhako ka lezo i ta tlhatlha a tinguwo takwe, a ambala tinwani, zonake i ta ya halata a khuma lahandle ka wugovelo, wutshanwini gi basileko.

Levi 6:19

Jehova i lo byela Mosi, aku:

Mitsengo 28:10

Lowu hi muphahlo wa kuhiswa wa sabado yinwe ni yinwani, ahandle ka munyikelo wa kuhiswa wa siku ni siku, zinwe ni munyikelo wa kona wa kunwa.

Mitsengo 28:3

U ta va byela uku: A miphahlo ya kuhiswa leyi mu ta nga nyikela ka Jehova hi leyi: Siku ni siku mu ta nyikela tihamba timbiri ta lembe ginwe a wukale, ti nga hiko na bawa. Wu tava munyikelo wa kuhiswa wa masiku ni masiku. Ekso. 29:38

Mitsengo 4:16

A ntiro wa Eleazari a nʼwana wa mupristi Aroni hi ku hlayisa mafura ya tikandiya, ni libani lo nuhela, ni muphahlo wa mapa siku ni siku, ni mafura yo tola; i ta hlayisa ni tabemakeli gontlhe, ni zontlhe zi nga ka gona, a wutshamu go basa ni zibya za gona.

Maheberu 5:1

Hakuva ni wihi wa vapristi va hombe, loku a langilwe xikari ka vanhu, i vekiwa kasi ku yimela vanhu ka zilo za Nungungulu, lezaku a nyikela minyikelo ni miphahlelo hi kota ya zionho. Xip. 2:17; 8:3, 4

Maheberu 7:27

loyi ku nga lavekiko kakwe lezaku masiku ni masiku a humesa miphahlelo ya zionho zakwe kuranga, a tlhela a humesela ya zionho za vanhu, khwatsi hi vanwani vapristi va hombe; hakuva lezo i lo zi maha kanwe ku enela, laha a nga ti nyikela wutsumbu gakwe. Levi 9:7; 16:15; Rom. 6:10