Levi 25:23 - Tshwa Bible

²³ A masimu ma nga xaviselwi magumo, hakuva a misava nja mina; hakuva nwina mu valuveli ni vaenzi ka mina.

Levi 25:23 ပူးပေါင်းရင်းမြစ်များ

Genesisi 23:4

Mina nzi muluveli ni muenzi xikari ka nwina; nzi heni wutshamu ga xilahla xikari ka nwina, kasi nza lahla a mufi wa mina, kasi a nga havi kona mahlweni ka mina.

Genesisi 47:9

Jakobe aku ka Faro: A malembe ya wutomi ga mina i 130, kanilezi a malembe ya wutomi ga mina ma komile, ma tlhela ma biha; cima a nzi chikelangi malembeni ya vadadani va mina, xikhatini xa kuhanya kabye.

1 Tihosi 21:3

Nabote i te ngalo ka Ahabi: Kokwihi, a nzi zi koti ku ku nyika a tshomba ya vadadani va mina! Levi 25:23; Ezek. 46:18

1 Kronekele 29:15

Hakuva hina hi valuveli ni vaenzi mahlweni ka wena, kota vontlhe vadadani va hina; a masiku ya hina laha misaveni ma fanana ni nzhuti, a ku na kutsumba laha. Levi 25:23; Joba 8:9; Maheb. 11:13

2 Kronekele 7:20

nzi ta mu tsuwula lomu tikweni ga mina legi nzi nga wa mu nyikile gona, ni yindlu leyi nzi yi basisileko a kuva yi lumba a vito ga mina nzi ta yi hoxa kule, nzi yi maha yi chepetwa ni kuva xihlekiso ka vanhu vontlhe.

Tisimu 119:19

Nzi muenzi laha misaveni; U nga nzi fihleli zileletelo za wena. 1 Kro. 29:15; Maheb. 11:13

Tisimu 24:1

A misava nja Jehova, ni kutala ka yona, A tiko ni lava va tshamako ka gona. Ekso. 19:5; Deut. 10:14; 1 Kor. 10:26

Tisimu 39:12

Jehova, zwana mukombelo wa mina, dembela ndleve kurileni ka mina, U nga miyeli loku nzi kari nzi rila mihloti; Hakuva nzi mupfhumba ka wena, Nzi muluveli khwatsi hi vadadani va mina vontlhe. Gen. 47:9; Maheb. 11:13; 1 Ped. 2:11

Tisimu 39:13

U nga ha nzi cuwukeli, kasi nza tlhela nzi tsaka, Na nzi nga se ku hunza nzi ngavi kona.

Tisimu 85:1

Jehova, u katekisile a tiko ga wena, U wuyisile a vakhomilweko va Jakobe.

Eksodusi 19:5

Makunu lezi, loku mu ingisa a gezu ga mina, mu hlayisa a xivumelwano xa mina, mu tava tshomba ya mina nwinyi ku hunza manwani matiko hakuva a misava yontlhe nja mina. Deut. 5:2; 1 Kor. 10:28; Tit. 2:14

Eksodusi 2:22

Zipora i lo beleka nisanyana; Mosi i lo mu chula vito ga Gerxomi, hakuva i te ngalo: Nzi wa hi muluveli tikweni ga vamatiko.

Isaya 8:8

I ta enghena tikweni ga Juda kota ntalo, a kukuleta a kala a chikela mikolweni ya vanhu; a kutshambulutwa ka tipapa takwe ku ta fenengeta kuanama kontlhe ka tiko ga wena, o Immanueli!

Ezekieli 48:14

Va nga ta xavisa ni xilo xa gona, ge hambu ku fambisa; ni mihanzu ya gona yo ranga yi nga ta yisiwa kunwanyani, hakuva gi basile ka Jehova.

Hosea 9:3

Va nga ta tshama lomu tikweni ga Jehova, kanilezi Efraime i ta tlhelela Gipite, ni le Assiria va taga kuga ku nga hlazekangiko, Deut. 28:68; 2 Tih. 25:26; Dan. 1:8

Joeli 2:18

Zonake Jehova i lo pangamela a tiko gakwe, a hawukela a vanhu vakwe.

Joeli 3:2

Nzi ta tsombanyisa wontlhe matiko, nzi ma yisa nkoveni wa Jehoxafate, nzi ta va ranisa hi kota ya Israeli, a vanhu va mina ni tshomba ya mina, lava va va hangalasileko xikari ka matiko, va avelana a tiko ga mina.

Levi 25:10

Mu ta basisa a lembe ga 50, muba hungu ga kutlhatlheka ka vontlhe vanhu va lomu tikweni. Gi tava lembe ga kutsaka ka nwina, a lembe ga jubileu; loyi ni loyi i ta tlheliselwa a xipetso xakwe, ni lezaku loyi ni loyi i ta tlhelela ngangweni wabye.

Levi 25:24

Lomu ka tiko gontlhe legi mu ta nga gi fumela, mu ta vumela a nwinyi wa simu ku gi tlhatlhisa.

Deuteronome 32:43

Bhumani nwina matiko, yimbelelani hi kutsaka zinwe ni vanhu vakwe, Hakuva Nungungulu i tlhelisele a nkhata wa malanza yakwe, Wa ti photela hehla ka valala vakwe, I maha nzhiho hi kota ya misava yakwe, ni vanhu vakwe. Tis. 9:13; Rom. 15:10; Kuv. 19:2

1 Pedro 2:11

Varanzekako, nza mu khongotela kota lezi mu nga valuveli ni vaenzi, lezaku mu tsika a kumbilukela ka nyama, loku ku lwako ni muhefemulo;