Levi 25:17 - Tshwa Bible

¹⁷ Ngha a nga hi kona loyi a kalavelako a muakelani wakwe; kanilezi chava Nungungulu wa wena; hakuva hi mina Jehova, Nungungulu wa nwina.

Levi 25:17 ပူးပေါင်းရင်းမြစ်များ

Genesisi 20:11

Abrahama aku ngalo: Hakuva nzi waku ku hava kuchava Nungungulu ka legi wutshamu; nziku kutani va nga nzi daya hi ku fela a sati wa mina.

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

Genesisi 39:9

I hava wahombe ka leyi yindlu ku hunza mina, a nga nzi tsimbeteli nchumu a handle ka wena, hakuva u nga sati wakwe. Nzi ta mahisa kuyini loku kubiha, nzi onha ka Nungungulu ke?

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

2 Kronekele 19:7

Makunu ngha mu chava Jehova, mu ti wonela ka lezi mu ta nga zi maha hakuva ku hava kukanganyisa ka Jehova Nungungulu wa hina, hambu ku cuwuka xiyimo xa munhu, ge hambu ku rengelelwa. Miti. 10:34; Rom. 2:11; Efe. 6:9

Nehemia 5:15

Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

Nehemia 5:9

Nzi engeta nziku: Lezi mu zi mahako a hi zinene; mu fanele ku kombisa xichavo ka Nungungulu wa hina, kasi hi nga tseketselwi hi vamatiko, va nga valala va hina. Isa. 52:5; Ezek. 36:20; Rom. 2:24

Tisimu 19:9

A kuchava Jehova ku hlazekile, ku simama kala kupinzuka; A kulamula ka Jehova ku nene, ku lulamile kontlhe,

Eksodusi 20:20

Kanilezi Mosi aku ka vanhu: Mu nga chavi, hakuva Nungungulu i tile ku ta mu ringa, kasi a kuchabya kakwe kuva mahlweni ka nwina, kasi ma fela ku kala mu nga onhi.

Mavingu 1:7

A ku chava Jehova hi masangulo ya wutivi: anilezi a zipumbu zi kanyisa wutlhari ni gonziselelo. Joba 28:28

Mavingu 14:31

Loyi a tsimbeketako zisiwana i ruka Mumahi wakwe; anilezi loyi a zi zwelako wuxinji wa mu dzunza.

Mavingu 16:6

A kugoha ka vinyiwa hi wuxinji ni zinene; i ku chava Jehova a vanhu va huma kubiheni.

Mavingu 22:22

U nga phangi xisiwana, hilezi xi nga xisiwana; e hambu ku tsimbeketa loyi a hlokiswako laha nyangweni.

Isaya 3:14

Jehova i ta lamula a masingalakati ya tiko gakwe, ni tihosana ta gona, aku: Mu gile xivina, lezi zi phangilweko ka zisiwana zi lomu tindlwini ta nwina. Isa. 5:7; Mat. 21:33

Jeremia 22:16

I lamule a mhaka ya lava va tsimbeketilweko ni ku vumala, Hi kota ya lezo i wa humelela. Xana lezo a hi ku nzi tiva ke? Ku wula Jehova,

Levi 19:13

U nga tsimbeketi wakelene na wena, ni ku phanga a zilo zakwe. U nga hlweli ni hakhelo ya xitiri kala ku chikela manziko.

Levi 19:14

U nga rukateli xiwiri; hambu ni ku veka a xikhunguvanyiso mahlweni ka xikhumu; kanilezi u ta chava Nungungulu wa wena. Hi mina Jehova.

Levi 19:32

U ta suka u yima mahlweni ka lava va basileko wuvu, u nyika xichawo ka munhu wa hombe, u chava Nungungulu wa wena. Hi mina Jehova.

Levi 25:14

Loku mu xavisa zilo ka muakelani wa wena, ni loku mu xava zilo ka waakelene na wena, mu nga kalavelani.

Levi 25:36

U nga lavi a bhinzu ka yena, hambu ni ku mu kalavela; kanilezi u ta chava Nungungulu wa wena, u tshama ni makabye wa wena. Mav. 28:8; Ezek. 18:8

Levi 25:43

U nga mu fumeli hi timbiti; u ta chava Nungungulu wa wena.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Luka 12:5

Kanilezi nzi ta mu byela loyi mu ta nga mu chava: Chavani loyi a nga ni ntamu ku hoxa Gehena anzhako ka kuva na a dele miri; ina, nziku ka nwina, mu chaveni yena.

Mitiro 10:2

I wa hi munhu a pinyamileko kukhongeleni, loyi a nga chava Nungungulu zinwe ni yindlu yakwe yontlhe; i wa bana nguvu ka zisiwana, ni xontlhe xikhati i wa khongela ka Nungungulu. Gen. 18:19; Xip. 22:12

Mitiro 10:35

kanilezi ka tixaka tontlhe loyi a mu chavako, ni ku maha kululama, wa amukeleka ka yena. Xip. 15:9; Rom. 2:13; 3:22

Mitiro 9:31

Lezo a handla gi wa hi ni kurula a Judia gontlhe, ni le Galilea, ni le Samaria; gi lo akiswa gi famba kuchaveni ka Hosi ni kutangalisweni ka Moya wa ku Basa. Tis. 119:165

Va le Roma 11:20

Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12

Va le Roma 3:18

A ku kona kuchava Nungungulu mahlweni yabye. Tis. 36:1

Deuteronome 25:18

lezi va mu tsangileko laha ndleleni va mu vukela, va hlasela lava va nga wa sele le nzhako, laha mu nga wa karele mu mbhela ntamu, na yena a nga khatalangi hi Nungungulu.

1 Va le Tesalonika 4:6

lezaku ku nga hi kona munhu a onhako makabye hi lexi xilo; hakuva Nungungulu hi muphoteli wa zontlhe lezo, kota lezi hi nga mu byela kale hi tiyisa ka nwina. Levi 19:11

1 Samueli 12:24

Ntsena lezaku chavani Jehova, mu mu khozela hizinene hi timbilu ta nwina tontlhe; hakuva cuwukani mitiro ya hombe leyi a yi mahileko xikari ka nwina.