Levi 25:14 - Tshwa Bible

¹⁴ Loku mu xavisa zilo ka muakelani wa wena, ni loku mu xava zilo ka waakelene na wena, mu nga kalavelani.

Levi 25:14 ပူးပေါင်းရင်းမြစ်များ

2 Kronekele 16:10

Zonake Asa i lo zangarela a muwoni a mu hoxa paxweni. I wa mu zangarele nguvu hi kota ya mhaka leyo. I lo xanisa a vanwani vo kari ka xwalexo xikhati.

Tisimu 10:18

Kasi ku lulamisa timhaka ta zisiwana ni ta va tsimbeketilweko. Lezaku a munhu wa misava a fela ku kala a nga ha chavisi kambe. Deut. 10:18; Isa. 2:22

Mavingu 14:31

Loyi a tsimbeketako zisiwana i ruka Mumahi wakwe; anilezi loyi a zi zwelako wuxinji wa mu dzunza.

Mavingu 21:13

Loyi a valako tindleve takwe lezaku a ngazwi kurila ka zisiwana, enawu i ta rila, kanilezi a nga ta zwiwa hi munhu.

Mavingu 22:16

Loyi a tsimbeketako xisiwana wa anzisa wukosi ga xona, anilezi loyi a nyikako ka munhu a fumileko i ta mu maha a kuva muvumali.

Mavingu 28:16

Ni hosi leyi yi nga hiko na kupimisisa yonawu mutsimbeketi wa hombe; anilezi loyi a vengako ku navela mali i ta lehisa masiku yakwe.

Mavingu 28:3

A muvumali loyi a tsimbeketako a zisiwana fanana ni vula leyi yi kukuletako yi nga siyi ni zakuga.

Mavingu 28:8

Loyi a anzisako a tshomba yakwe hi bhinzu gi bihileko, yi hlengeletelela loyi a hawukelako Zisiwana.

Mutshawuteli 5:8

Loku u wona kutsimbeketwa ka zisiwana ni kuhambunyetwa ka milayo lomu tikweni, lezo ngha zi nga ku hlamalisi; hakuva loyi a tlakukileko wa cuwukiwa hi loyi a mu hunzako, ni hehla ka vona vontlhe ku na ni vanwani va tlakukileko nguvu.

Isaya 1:17

Gonzani ku maha zinene; hlotani nongameto, mu tsimbetela a mutsimbeketi; yimelani lava va nga hiko na vapswali, mu lwela tinoni. Deut. 24:17; 1 Ped. 3:11

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Levi 19:13

U nga tsimbeketi wakelene na wena, ni ku phanga a zilo zakwe. U nga hlweli ni hakhelo ya xitiri kala ku chikela manziko.

Levi 25:15

U ta xavelana ni muakelani wa wena hi ku hlaya malembe kusukela ka jubileu na yenawu i ta xaviseiana na wena hi ku hlaya malembe ya kutshovela.

Levi 25:17

Ngha a nga hi kona loyi a kalavelako a muakelani wakwe; kanilezi chava Nungungulu wa wena; hakuva hi mina Jehova, Nungungulu wa nwina.

Mika 7:3

A mandla yabye ma tlharihile ku maha zobiha. Hosana yi kombela, zinyikiwo, ni mulamuli i ranza ku xavelelwa; a wahombe i wulawula a, kumbilukela ka mbilu yakwe, lezo va hlengela ku tlavinyela timhaka.

Luka 3:14

A masochwa kambe ma lo mu wutisa, maku: Na hina, hi yimelwe hi ku maha yini ke? Aku ngalo kabye: Mu nga wutleli munhu nchumu, hambu ni ku kecara munhu hava; eneliswani hi hakhelo ya nwina. Ekso. 23:1; Levi 19:11

1 Va le Korinte 6:8

Kanilezi nwina wutsumbu ma onha ni ku kalavela, mu maha lezo ni ka vamakabye va nwina. 1 Tes. 4:6

Valamuli 4:3

Zonake a vanana va ka Israeli va lo rila ka Jehova, hakuva Sisera i wa hi ni 900 wa tikareta ta ziketse. A 20 wa malembe i lo tsimbeketa a vanana va ka Israeli hi ntamu.