Levi 23:29 - Tshwa Bible

²⁹ Kani hi wihi munhu a nga hiko na hlomulo hi siku lego i ta fuvisiwa ka va ka kabye.

Levi 23:29 ပူးပေါင်းရင်းမြစ်များ

Genesisi 17:14

A wanuna loye a nga khuna, a nga hiko kwera hi dewu ga nyama ya magumo kakwe, loye munhu i ta suswa xikari ka va ka kabye, hakuva i tshovile a xivumelwano xa mina.

Ezra 8:21

Na ha hi le Congweni wa Ahava, nzi lo tiyisa a siku ga kuyila, hi ti koramisa mahlweni ka Nungungulu wa hina, a ku kasi hi ti kombelela ka yena hi pfhumba ga hina go saseka, ni vanana va hina, ni zontlhe zilo za hina.

Eksodusi 30:33

Kani hi wihi a mahako yo fanana ni laya, kutani loyi a totako wamatiko ha wona, i ta humeswa xikari ka lixaka labye.

Isaya 22:12

A ka siku lego Jehova wa tiyimpi i mu vitanele xirilo ni nkosi, ni ku halula tihloko ta nwina, mu ambala zilenda.

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Ezekieli 7:16

Kanilezi lava va pfowoleko, loku va pona va ta tshama lomu zitsungeni ku fanana ni matuva ya mikova, munwe ni munwani i ta tlhava nkosi hi kota ya kugoha kakwe.

Levi 13:46

Ka wontihe masiku ya kubabya kakwe, i tava loyi a nga hlazekangiko. Wa yila; i ta tshama yece; a tenda ga-kwe gi tava le handle ka wugovelo. 2 Tih. 15:5

Levi 23:27

Hi siku ga 10 ka hweti leyi ya wuntlhanu ni timbiri ku tava a siku ga miphahlelo ya nzhiho; mu tava ni ntlhangano wa kubasa, muva ni hlomulo, mu nyikela ka Jehova a miphahlelo ya kuhiswa.

Levi 23:30

Ni wihi munhu a tirako hi siku lego, kani hi wihi ntiro, nzi ta mu lovisa lomu tikweni gabye.

Levi 23:32

Gi tava siku ga ximuse ka nwina, muva ni hlomulo mihefemulweni ya nwina; mu ta hlayisa a sabado legi ga nwina kusukela gambyeni ga siku ga wuntlhanu ni mune ga hweti, kala gambyeni ga siku gi gamelako.

Levi 7:20

kanilezi kani hi wihi loye a nga hlazekangiko, loku aga a nyama ya muphahlo wa kurula, lowu wu nga wa Jehova, a munhu loye i ta susiwa ka va ka kabye.

Levi 7:21

Loku munhu a khumbile a xilo xi nga hlazekangiko, kutani munhu a nga hlazekangiko, hambu ku hi xifuyo xi nga hlazekangiko, kutani xilo xinwani xo nyenyeza, a yaga a nyama ya muphahlo wa kurula, lowu wu nga wa Jehova, a munhu loye i ta susiwa ka va ka kabye.

Mitsengo 5:2

Laya a vanana ya ka Israeli lezaku va humesa lava va nga ni hlokonho, ni lava va nga ni ntungu wo huma wubovu, hambu ni lava va nyenyezileko hi kota ya zirumbi. Levi 13:46; 15:2; 21:1

Mitiro 3:23

Ni wihi munhu loyi a nga ingisiko a muprofeti loye, i ta lobyiswa aku bhi xikari ka tiko. Maheb. 2:2, 3; 10:29; 12:25