Levi 21:6 - Tshwa Bible

⁶ Va tava va basileko va Nungungulu wabye, va nga hanahanisi a vito ga Nungungulu wabye, hakuva mbanyikeli va miphahlo ya ku hiselwa Jehova, leyi ku nga kuga ka Nungungulu wabye; hikwalaho va tava va basileko.

Levi 21:6 ပူးပေါင်းရင်းမြစ်များ

Ezra 8:28

Nwina mu hlazekile ka Jehova, ni zibya kambe zi hlazekile, ni siliva ni nzalama, a zilo lezi zi nyikelweko hi matsenya ka Jehova Nungungulu wa vadadani va nwina.

Eksodusi 19:22

Hambu a vapristi lava va tshinelako ka Jehova, vonawu va fela ku ti basisa kasi Jehova a nga va dayi,

Eksodusi 28:36

Zonake u ta maha a xapa hi nzalama yi hlutilweko, u tsala ka yona hi ku kehla, khwatsi hilezi ku kehliwako zona laha ka phera, u tsala timhaka leti: Ku basiselwe Jehova.

Eksodusi 29:44

Nzi ta basisa a tenda ga mutlhangano ni alati; nzi ta basisa Aroni ni vana vakwe kasi va nzi khozela ntirweni wa wupristi.

Isaya 52:11

Sukani, sukani, humani lomo! Mu nga khumbi ni xilo xinwe xi nga hlazekangiko! Humani xikari ka gona; ti basiseni! Nwina lava mu rwalako a zibya za Jehova. 2 Kor. 6:17; Kuv. 18:4

Ezekieli 44:7

hakuva mu enghenisile a vamatiko, va nga makhuna timbilwini ni nyameni, a kuva ndlwini ya mina ya kubasa, va yi nyenyezisa laha mu nyikelako a mafura ni nkhata zi nga kuga ka mina; mu tshovile a xivumelwano xa mina hi manyalataniso ya kunghahi. Mitse. 18:4; Jox. 9:27; Ezra 8:20

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Levi 19:12

Mu nga hlambanyi mawunwa hi vito ga mina, hakuva lezo ku nyenyezisa a vito ga Nungungulu wa nwina. Hi mina Jehova. Deut. 5:11; Mat. 5:33; Jak. 5:12

Levi 20:3

Minawu nzi ta cuwukisa hi mahlo ya makayi loye munhu, nzi mu susa xikari ka vanhu va ka kabye, hakuva i nyikele a nʼwana wakwe a ku maha munyikelo ka Moloki, a nyenyezisa wutshamu ga mina ga kubasa, ni ku xanza a vito ga mina ga kubasa.

Levi 21:17

Byela Aroni, uku ka yena: Kani hi wihi munhu wa lixaka la wena zizukulwaneni zontlhe, loyi a lameleko, ngha a nga tshineli ku nyikela a zakuga ka Nungungulu wakwe;

Levi 21:21

Kani hi wihi wa lixaka la mupristi Aroni, loyi a lameleko, ngha a nga tshineli a nyikela miphahlo ya kuhiswa ka Jehova; loye a lameleko ngha a nga tshineli a nyikela zakuga za Nungungulu wakwe.

Levi 21:23

kanilezi ngha a ngayi kusuhani ni nguwo ya xisirelo, hambu ni ku tshinela laha alatini, hakuva yena xilema; u nga nyenyezisa a wutshamu ga mina go basa, hakuva hi mina Jehova loyi a gi basisako.

Levi 21:8

U ta mu hlaya loyi a basileko, hakuva hi yena a nyikelako a zakuga ka Nungungulu wa wena; i tava a basile ka wena, hakuva nzi basile, mina Jehova loyi a mu basisako.

Levi 3:11

Ni mupristi i ta zi hisa alatini, ziva zakuga za muphahlo lowu wu hiselwako Jehova.

Mitsengo 16:5

aku ngalo ka Kora ni ntlawa wakwe: Manziko Jehova i ta kombisa lava va nga vakwe, ni lava va basileko a kuva va tshinela ka yena; zonake loyi Jehova a ta nga mu hlawula, i ta mu tshineta kakwe.

Mitsengo 28:2

Leletela a vanana va ka Israeli, uku: Mu ta nzi nehela a munyikelo wa kuhiswa hi xikhati xa wona, lowu wu nga kuga ka mina, wu nga ni masema yo nuhela ka mina.

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18