Levi 19:16 - Tshwa Bible

¹⁶ Loku u fambafamba lomu tikweni ga nwina u nga fambi u lumbeta a va ka nwina, hambu ni ku maha mboni yo vukela a nkhata wa wakelene na wena. Hi mina Jehova.

Levi 19:16 ပူးပေါင်းရင်းမြစ်များ

Joba 17:5

Loyi a nyikelako a maxaka yakwe a kuva ma phangiwa, A mahlo ya vana vakwe ma ta mbhela.

Tisimu 101:5

Loyi a hlevako muakelwane wakwe nzi ta mu lovisa, Nzi nga ta honisela hi loyi a ti kulisako, a nga ni mbilu ya matshanza.

Tisimu 15:3

Loyi a nga lumbetiko hi lirimi lakwe, Loyi a nga mahiko kubiha ka xaka gakwe, Ge hambu ku wulawula nzhukano ka muakelwani wakwe;

Tisimu 50:20

Wena u tshama u hleva nakuloni, U lumbeta a nʼwana wa nyine wa wena.

Eksodusi 20:16

U nga lumbeti wakelane wa wena hi wumboni ga mawunwa.

Eksodusi 23:1

U nga dzuki u wulawula timhaka ta mawunwa; u nga hlengeli ni wa kubiha u maha kustumunyu wo hemba.

Eksodusi 23:7

Chava mawunwa. U nga dayi loyi a nga hiko na nanzu ni loyi a lulamileko, hakuva nzi nga ta yimela a munhu wo biha, nzi mu hlaya loyi a lulamileko.

Mavingu 10:18

Loyi a fihlako livengo i na ni nomu wa mawunwa, i loyi a hlevako, xipumbu.

Mavingu 11:13

Loyi a xuxako hi mahlevo wa bhoxa mifihlakalo; anilezi loyi a nga ni moya wa kutsumbeka wa fihla timhaka.

Mavingu 20:19

Leyi a fambafambako a hleva wa bhoxa mifihlakalo; ikwalaho u nga ti tlhanganyisi ni loyi a milomu yakwe yi lapitako.

Jeremia 6:28

Vona vontlhe vahluwuki ni lava va ti alisako, va famba-famba va lumbeta; va nonohile ku fanana ni suku ni xiketse; vontlhe va bihile.

Jeremia 9:4

Ti woneleni nwentlhe hi kota ya vaakelwani, Mu nga tsumbi vanakuloni; Hakuva vamakabye vontlhe va ringa ku kanganyisa, Ni muakelwani munwe ni munwani mbo lumbetana. Mika 7:5; Mat. 10:35

Ezekieli 22:9

Xikari ka wena ku na ni lava va hlevako, lezaku ku ta ta halatiwa nkhata; lomu ka wena va gela zitsungeni; xikari ka wena va mahile wubemba.

Mateu 27:4

aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

Deuteronome 27:25

Khombo a give ka loyi a amukelako nzhiho wa ku daya munhu loyi a nga hiko na nanzu! A vanhu vontlhe va ta hlamula, vaku: Amen!

1 Timote 3:11

Loku va hi vavasati, va fanele kuva lava va dzunzekako, va nga hiko vamahlevo, a va ti khomako, va tsumbekako zilweni zontlhe.

2 Timote 3:3

lava va nga ranziko a va ka kabye, lava va nga tsetseleliko, a valumbeti, lava va nga tiviko ku ti khoma, lava va lunya, lava va nga ranziko zinene,

Titusi 2:3

Hizalezo ni vavasati va kale a vave ni matshamela ma khesekako, na va nga hi na mahlevo, va nga ti nyikeliko kunweni ka byala; kanilezi va gonzisa lezi za zinene; 1 Ped. 3:3, 4

1 Pedro 2:1

Hikwalaho tsikani a kubiha kontlhe, ni kukanganyisa kontlhe ni kuxengetela, ni kunavela, ni mahlevo wontihe.

1 Samueli 24:10

Inyamutlha u zi wonile hi mahlo ya wena lezaku Jehova i wa ku nyikele mandleni ya mina lomuya muhumeni. A vanwani va wa nzi kucetele lezaku nzi ku daya, kanilezi nzi ku tsetsile, nziku: Cima nzi nga ta tlakusa a canja ga mina nzi vukela a hosi ya mina, hakuva hi a totilweko wa Jehova.