Levi 18:20 - Tshwa Bible

²⁰ U nga etleli ni sati wa wakelane na wena, u ti nyenyezisa zinwe na yena.

Levi 18:20 ပူးပေါင်းရင်းမြစ်များ

2 Samueli 11:27

Laha a nga gumesile a xirilo, Davida i lo mu vitanisa, a ta mu amukela lomu ndlwini yakwe a maha sati wakwe, a beleka naye a nisanyana. Kanilezi a mhaka leyi Davida a yi mahileko yi wa bihile mahlweni ka Jehova.

Eksodusi 20:14

U nga bhayi.

Mavingu 6:25

A mbilu ya wena ngha yi nga naveli wumbhuri gakwe, e hambu ku kokiwa hi tisiyi takwe.

Ezekieli 18:6

a nga geli le hehla ka zitsunga, ge hambu ku tlakusa a mahlo yakwe a cuwuka a zifananiso za yindlu ya ka Israeli, leyi a nga wisangiko tingana a sati wa muakelane wakwe, ge hambu ku tlhangana ni wasati loyi a nga xikhatini xo tsawuka;

Levi 20:10

Ni loku munhu a bhaya ni wasati a tekilweko, a bhaya ni sati wa muakelani wakwe, a wanuna ni wasati lava va bhayileko, vona vambiri va ta dawa. Mat. 5:27; Joh. 8:4

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mitsengo 5:13

hi ku etlela ni munwani wanuna, a nuna wakwe a nga zi tivi: kutani ku onha le xihundleni laho ku nga hava vakustumunyu ku maha wumboni, ni loku a nga khomiwangi kuonheni kakwe;

Va le Roma 2:22

Wena loyi u wulako uku ngalo, munhu a nga bhayi, wa bhaya wena ke? Wena loyi u nyenyako zifananiso, wa phanga titempeli ke? Mal. 3:8

1 Va le Korinte 6:9

Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11

Va le Galatia 5:19

Makunu a mitiro ya nyama yi la su dlunya, yi nga leyi: a kubhaya, a kungahlazeki, a wurembi, 1 Kor. 3:3; Efe. 5:3; Jak. 3:14

Deuteronome 22:22

Loku wanuna a kumiwa na etlela ni wasati a tekilweko, hi wumbiri gabye va tafa, loye wa wanuna a etleleko ni wasati, na yena loye wasati. Zinghaho u ta susa kubiha lomu ka Israeli.

Deuteronome 22:25

Kanilezi loku wanuna a tlhangana ni nhwana loyi a wutilweko le masinwini a mu pfinya a etlela naye, loye wanuna a mu pfinyileko a etlela naye i tafa yece basi.

Deuteronome 5:18

U nga bhayi.

Maheberu 13:4

Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.