Levi 11:39 - Tshwa Bible

³⁹ Loku kufa a xifuyo xa nwina lexi mu gako, loye a khumbako a xirumbi xa xona, i tava a nga hlazekangi kala gambyeni.

Levi 11:39 ပူးပေါင်းရင်းမြစ်များ

Ezekieli 4:14

Zonake nzi te ngalo: Ha! Hosi Jehova! Cima a nzi ti nyenyezisangi; kusukela wusweni ga mina kala lezi a nzi ngagi a xilo xakuva xi ti feleko ha xoce, ge hambu lexi xi delweko hi zivanza; a nyama yo biha cima a yi se nga enghena nonwini wa mina. Levi 7:18, 24; Miti. 10:14

Levi 11:24

Na zona zi ta mu nyenyezisa; hakuva kani hi wihi loye a khumbako a xirumbi xa zona, i tava a nga hlazekangi kala gambyeni.

Levi 11:28

Kani hi wihi loyi a khumbako a zirumbi za zona, i ta hlaza tinguwo takwe, hambu lezo i tava a nga hlazekangiko kala laha gambyeni; lezi zihari za yila ka nwina.

Levi 11:31

Hi zalezi zi yilako ka nwina, xikari ka zontlhe lezi zi kokakokako laha misaveni. Kani hi wihi a ta nga zi khumba na zi file, i tava a nga hlazekangi kala laha gambyeni.

Levi 11:38

Kanilezi loku a mbewu yi lovekilwe, zonake ku dzuka ku wela a xirumbi xa lezi zi fileko, a mbewu yi tava leyi yi yilako.

Levi 11:40

Loye a ta ngaga a nyama ya xirumbi xa kona, i ta hlaza a tinguwo takwe, hambu lezo i tava a nga hlazekangi kala laha gambyeni. Ni loye a ta nga rwala a xirumbi xa kona, i tava a nga hlazekangi kala laha gambyeni.

Levi 14:46

Ka wontihe masiku laya a yindlu yi valilweko, loye a enghenako ka yona, i tava a nga hlazekangi kala laha gambyeni.

Levi 15:15

A mupristi i ta ma nyikela, a ginwe gi ta maha ga muphahlelo wa kuonha, a ginwani gi ta maha muphahlelo wa kuhiswa; lezo a mupristi i ta mu mahela a nzhiho mahlweni ka Jehova hi kota ya wubabyi gakwe.

Levi 15:5

Kani hi wihi a henyako mubhedi wakwe, i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

Levi 15:7

Ni loyi a henyako a miri wa loyi a babyako hi ntungu wo huma wubovu i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni.

Levi 16:26

Kasike inaloyi a nga heleketa a mhongo ya Azazeli, i ta hlaza a tinguwo takwe, a hlamba miri wakwe lomu matini, zonake a ta enghena lomu wugovelweni.

Levi 17:15

Kani hi wihi munhu loyi a nga xisumbulwa lomu tikweni, hambu muluveli, loku aga a xihari xofa, kutani xo dawa hi zivanza, yena i ta hlaza tinguwo takwe, a hlamba lomu matini, hambu lezo i tava a nga hlazekangi kala laha gambyeni; zonake i tava a hlazekile.

Levi 22:4

Ni wihi munhu wa lixaka la Aroni, loyi a nga ni hlokonho, kutani loyi a nga ni ntungu wo huma wubovu, a ngagi a zilo lezi zi basileko na a nga se ku hlazeka. Kanilezi ni wihi loyi a henyako xilo xi nyenyezisilweko hi kufa, ni loyi ku humileko ka yena a mbewu ya libeleko,

Levi 22:6

yena i tava a nga hlazekangi kala laha gambyeni; a ngagi lezi zi basileko kala nzhako na a hlambile hi mati.

Levi 22:8

A ngagi a xihari xi fileko ha xoce, hambu lexi xi delweko hi zivanza, kasi a nga ti nyenyezisi ha zona. Hi mina Jehova. Ezek. 44:31

Mitsengo 19:11

Loye a khumbako xirumbi xa munhu i tava a nga hlazekangi ntlhanu wa masiku ni mambiri.

Mitsengo 19:16

Kasi hi wihi loyi a khumbako a xirumbi xa munhu a delweko hi tlhari le khwatini, kutani xirumbi xa munhu wo ti fela, kutani marambu ya vanhu, kutani xilahla, i tava a nga hlazekangi ntlhanu wa masiku ni mambiri.

Mitsengo 19:7

Zonake a mupristi i ta hlaza tinguwo takwe, a hlamba a miri wakwe lomu matini, zonake a nga enghena lomu wugovelweni; kanilezi i tava a nga hlazekangi kala laha gambyeni.