Levi 10:14 - Tshwa Bible

¹⁴ Kasike loku ku hi xifuva lexi xi nziwitelweko, ni nenge lowu wu pambulweko, u taya ziga wutshanwini gi hlazekileko, wena ni vana va wena va xinuna ni va xisati, hakuva mu nyikilwe akuva xiavelo xa wena ni vana va wena, zi humako miphahlweni ya kurula ya vanana va ka Israeli.

Levi 10:14 ပူးပေါင်းရင်းမြစ်များ

Eksodusi 29:33

A vage a zilo lezi ku nga mahiwa nzhiho ha zona, lezaku va wumbelwa, va basiselwa a ntiro. Zi nga giwi hi vamatiko, hakuva zilo lezi zi basileko.

Ezekieli 42:13

Zonake yena aku ka mina: A matsawu ya tlhelo ga Nwalungu ni ya tlhelo ga Dzonga, lawa ma cuwukeneko ni wutshamu ga xisirelo, matsawu yo basa; hi lomo a vapristi laʼva tirelako Jehova va ta nga gela kona a zilo zi hunzeleleko kubasa; hi lomo va ta nga veka kona a zilo zi hunzeleleko kubasa, a minyikelo ya zakuga, ni minyikelo ya kuonha, ni ya milanzu: mbutshamu gi basileko.

Levi 10:13

Mu zi gela laha wutshanwini go basa, hakuva xiavelo xa wena ni vana va wena, zi humako lomu ka miphahlo ya ku hiselwa Jehova, hakuva nzi leletelwe kota lezo.

Levi 22:13

Kanilezi a nhwana wa mupristi loyi a nga noni, hambu loyi a hambeneko ni nuna wakwe, na a nga hi na nʼwana, loyi a tlheleleko a ndlwini ya raru wakwe, aya tshama kota xikhatini xa wuswa gakwe, yena i taga zakuga za raru wakwe; kanilezi a muluveli ngha a ngagi.

Levi 9:21

Kanilezi a zifuva ni nenge wa xinene, Aroni i lo zi nziwitela mahlweni ka Jehova, wu maha munyikelo wa kunziwitela, kota lezi Mosi a leleteleko.

Mitsengo 18:11

Lezi zi ta ngava za wena kambe hi lezi: lezi zi humako lomu minyikelweni ya ku nziwitela ya vanana va ka Israeli; nzi yi nyikile wena ni varisanyana va wena ni vanhanyana va wena, xona xi tava xiavelo xa kala kupinzuka. Vontlhe lava va hlazekileko va yindlu ya wena va taga.

Mitsengo 5:9

Zontlhe zinyikiwo za kubasa, lezi a vanana va ka Israeli va zi nehako ka mupristi, zi tava zakwe. Ekso. 29:28; Levi 10:13

Johani 4:34

Jesu aku kabye: A zakuga za mina hi ku maha a kuranza ka loyi a nzi rumileko, ni ku mbhetisa a ntiro wakwe. Joba 23:12; Xip. 6:38; 17:4