Joxua 9:18 - Tshwa Bible

¹⁸ Kanilezi a vanana va ka Israeli a va va hlaselangi, hakuva a tihosana tabye ta tlhangano ti wa hlambanyile hi vito ga Jehova Nungungulu wa ka Israeli; kanilezi wontihe tlhangano wu lo sola tihosana.

Joxua 9:18 ပူးပေါင်းရင်းမြစ်များ

2 Samueli 21:7

A hosi yi lo ponisa Mefiboxete nʼwana Jonatani wa Saule, hi kota ya xifungo xakwe ka Jehova, lexi xi nga wa hi kona ka vona, xikari ka Davida na Jonatani wa Saule.

Tisimu 15:4

Loyi a cuwukako a wakubiha hi mahlo ya kusola, Kanilezi a dzunza lava va chavako Jehova; Loyi a nga hunzuliko xifungo xakwe, hambu loku a lahlekelwa yena wutsumbu; Jox. 9:19; Mav. 29:27

Mutshawuteli 5:2

U nga hatlisisi a nomu wa wena, a mbilu ya wena ngha yi nga hatlisi ku wulawula mahlweni ka Nungungulu. Nungungulu i le tilweni, wena u laha misaveni; hikwalaho ngha timhaka ta wena tive titsongwani.

Mutshawuteli 5:6

U nga vumeli nomu wa wena wu yisa miri wa wena kuonheni, ge hambu ku wula mahlweni ka ntsumi wa Nungungulu lezaku u lo hoxisa. Hikuyini Nungungulu a ta nga zangarela a gezu ga wena; a onha a mitiro ya wena ke?

Mutshawuteli 9:2

Zontlhe zilo zi humelela ka vontlhe hi ndlela yinwe; xiavelo xinwe xi nyikiwa loyi a lulamileko ni wa kubiha, loyi a nga nene ni ku basa, ni loyi a nga basangiko, loyi a phahlelako ni loyi a nga phahleliko. Leyi a nga nene i ringana ni muonhi, loyi a hlambanyako i fanana ni loyi a chavako ku hlambanya. Joba 9:22; Jer. 12:1

Mitsengo 30:3

Loku wasati a ti bohile ka Jehova hi kuhlambanya, ni loku a ti bohile hi gezu gakwe na ha hi ndlwini ya raru wakwe, xikhatini xa wuswa gakwe; Levi 27:2; Deut. 23:21

Deuteronome 23:22

Kanilezi loku u nga hlambanyangi ku maha lexo xilo, cima u nga ta kuva ni nanzu.

Deuteronome 23:23

Kanilezi u fanele ku tiyisa gezu legi gi humileko hi le nonwini wa wena, khwatsi hi lezi u hlambanyileko ka Jehova Nungungulu wa wena hi kuranza ka wena nwinyi, ni laha u vulileko ha kona a nomu wa wena u tsumbisa lezo zilo.

Deuteronome 23:24

Loku wena u enghena masinwini ya xivina xa makabye wa wena, u ngaga mihanzu ya kona kota kuranza ka mbilu ya wena, uga u xura, kanilezi u nga cheli nchumu lomu xirunzwini xa wena.

Joxua 9:17

Ni vanana va ka Israeli va lo suka va famba, va lo chikela le mutini wabye hi siku ga wumbiri; ni miti yabye ku wa hi Gibeoni, na Kefira, na Beroti, na Kiriat-Jearime.

Joxua 9:19

Kanilezi tihosana ti ku ngalo ka tlhangano wontihe; Hi hlambanyile ka vona hi vito ga Jehova Nungungulu wa ka Israeli; hikwalaho a hi zi koti ku va maha nchumu.