Joxua 6:27 - Tshwa Bible

²⁷ Na Jehova i wa hi zinwe na Joxua, ni wudumo gakwe gi lo hangalaka tikweni gontlhe.

Joxua 6:27 ပူးပေါင်းရင်းမြစ်များ

Genesisi 39:21

Kanilezi Jehova i wa hi zinwe na Josefa; i lo mu kombisa wuxinji, a mu maha lezaku a kuma thomo ka nduna ya paxo.

2 Samueli 7:9

Na mina nzi wa hi na wena kontlhe lomu u nga wa famba kona; nzi hetile vontlhe valala va wena mahlweni ka wena, nzi ku maha uva ni vito ga hombe, khwatsi hi mavito ya vahombe va nga laha misaveni.

1 Kronekele 14:17

Zonake a wudumo ga Davida gi lo hangalaka matikweni wontihe; na Jehova i lo maha a vito ga Davida gi chabyiwa hi matiko wontihe.

Estere 9:4

Hakuva Mordekai i wa hi wa hombe ndlwini ya hosi, ni wudumo gakwe gi wa zwakele matikweni wontihe; hakuva inaloye Mordekai i wa enzelekelana a kuliswa zikhati ni zikhati.

Mateu 14:1

Hi lexo xikhati Herodi loyi a nga hi mwamangulu i lozwa wudumo ga Jesu, Mar. 6:14; Lu. 9:7

Mateu 18:20

Hakuva laha ku tlhangeneko vambiri kutani vanharu vitweni ga mina, kwalaho nzi kona xikari kabye.

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Mateu 4:24

A wudumo gakwe gi lo zwala Siria gontlhe. Va neha kakwe vontlhe va nga kari va babya, va nga hi ni tinghumbe ti tsalangeneko ni kubayisa, na va hi ni madimoni, ni zitsuri, ni zikhurubu, i lo va hanyisa.

2 Va le Korinte 13:14

A tipswalo ta Hosi Jesu Kristu, ni liranzo la Nungungulu, ni kutlhangana ka Moya wa ku Basa, a zive na nwina nwenthle.

Deuteronome 31:6

Tiyani hlana, mu nga mbheli ntamu! Mu nga chavi, hambu ni ku dzukiswi ha vona, hakuva Jehova Nungungulu wa nwina i famba mahlweni ka nwina, cima a nga ta mu siya, hambu ni ku mu tsika. Jox. 1:5; Maheb. 13:5

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

2 Timote 4:22

A Hosi a yive ni moya wa wena. A tipswalo a tive na nwina.

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Joxua 9:1

Na ku mahisile lezo laha a tihosi tontlhe leti ti nga seno tlhatukweni wa Jordani lomu zitsungeni, ni lomu mikoveni, ni lomu fungwini wontihe wa bimbi ga hombe, gi cuwukeneko ni Lebanoni, vaHiti, ni vaAmori, ni vaKanani, ni vaPerezi, ni vaHivi, ni vajebusi, laha na va zwile timhaka leto,

Joxua 9:3

Kanilezi laha a vanhu va le Gibeoni na va zwile lezi Joxua a nga zi maha le Jeriko ni le Ai.

Joxua 9:9

Vona va te ngalo kakwe: Malanza ya wena mata hi le tikweni ga le kule nguvu hi kota ya vito ga Jehova, Nungungulu wa wena, hakuva hina hi zwile wudumo ga yena, ni zontlhe lezi a zi mahileko le Gipite,

Valamuli 1:19

Jehova i wa hi zinwe na Juda; i lo hlongola vaaki va lomu zitsungeni, kanilezi i lo tsanzeka ku hlongola vaaki va lomu mikoveni, hakuva va wa hi ni tikareta ta ziketse.

1 Samueli 18:14

Davida i lo vuvuma mitirweni yakwe yontlhe, na Jehova i wa hi zinwe naye.

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.