Joxua 6:25 - Tshwa Bible

²⁵ Na Joxua i lo hanyisa Rahabi wa xibhayi, zinwe ni yindlu ya raru wakwe, ni zontlhe lezi a nga wa hi nazo; na yena i lo aka xikari ka vaIsraeli kala legi siku, hakuva i lo fihla mitsumi leyi Joxua a nga wa yi rumile ku ya hlola Jeriko.

Joxua 6:25 ပူးပေါင်းရင်းမြစ်များ

Mateu 1:5

Salimoni na Rahabi va beleka Boazi, Boazi na Rute va beleka Obedi, Obedi a beleka Jesse,

Mitiro 2:21

Ku ta maheka lezaku ni wihi a ta nga khongela vitweni ga Hosi i ta hanyiswa. Rom. 10:13

Maheberu 11:31

Hi kukholwa Rahabi a xibhayi a nga fangi zinwe ni lava va nga ingisangiko, hilezi a nga amukela a tihloli hi kurula. Jox. 6:23

Jakobe 2:25

Hizalezo na Rahabi, a xibhayi, a nga hlayelwangi kululama hi mitiro ke, lezi a nga amukela a tihloli, a ti fambisa hi yinwani ndlela? Jox. 2:1

Joxua 2:1

Joxua nʼwana Nuni i lo ruma tihloli timbiri hi le xihundleni, na a hi le Xitime, aku kabye: Fambani muya hlola a tiko ni Jeriko. Vona va lo suka va famba, zonake va lo enghena lomu ndlwini ya xibhayi, a vito gakwe hi Rahabi, va etlela lomo. Mitse. 25:1; Maheb. 11:31; Jak. 2:25

Joxua 2:18

loku hi chikela lomu tikweni legi, u ta boha a ngoti leyi yo pswhuka laha ka njhanela leyi u nga hi chikisa ha yona; ni lezaku u ta tsombanyisa lomu ndlwini ya wena, a raru wa wena, ni mamani wa wena, ni vamakabye va wena, ni wontihe a ngango wa raru wa wena.

Joxua 2:4

Kanilezi a wasati i lo teka vavanuna vambiri a Va fihla, zonake aku: Hi zona a vavanuna va wa tile ka mina, kanilezi nzi wa nga tivi lomo va tako ha kona;

Joxua 2:6

Kanilezi yena i lo va kanzihisa le langweni, a va fihla lomu ka tinyanza ta wukene, leti a nga wa ti anekile le langweni.

Joxua 4:9

Na Joxua i lo yimisa 12 wa maribye lomu xikari ka Jordani, laha ku nga wa yimile mikonzo ya vapristi lava va rweleko a nghaxa ya xivumelwano, na wona ma kona laho kala inyamutlha.