Joxua 6:18 - Tshwa Bible

¹⁸ Kanilezi nwina ti hlayiseni ka lezi zi yilako, ku nga taku mu ti nyenyezisa hi ku teka a zilo zo yila mu zi yisa wugovelweni ga ka Israeli, mu gi nehela khombo.

Joxua 6:18 ပူးပေါင်းရင်းမြစ်များ

2 Samueli 21:1

Makunu xikhatini xa Davida ku wa hi ni ndlala malembe manharu ma lanzelanako, na Davida i lo wutisa ka Jehova. Jehova i lo mu hlamula, aku: Ku na ni nanzu wa nkhata hi kota ya Saule ni yindlu yakwe, hakuva i dele maGibeoni. Mitse. 27:21

Mutshawuteli 9:18

A wutlhari ga vuna ku hunza matlhari, kanilezi a muonhi munwe wa onha wunene ginyingi.

Jona 1:12

Yena aku kabye: Nzi tlakuleni, mu nzi hoxa lomu bimbini, kasi ma fela kuva ni malenga; hakuva nza zi tiva lezaku mu vukelwa hi bhubhutsa legi ga hombe hi kota ya mina.

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Va le Efesusi 5:11

Ngha mu nga hlengeli ni mitiro ya munyama leyi yi nga hiko na mihanzu, kanilezi yi tsetsuleni; Levi 19:17; 1 Kor. 5:9

Deuteronome 13:17

Ku nga namarelani xilo xinwe xa lezo zo yila mandleni ya wena; kasi Jehova a fela ku bohla zangeni yakwe, a ku zwela wusiwana, a ku mahela wuxinji, zonake a ku enzelekisa khwatsi hi lezi a hlambanyileko ka vararu va wena,

Deuteronome 23:10

Loku a hi kona xikari ka nwina a munhu loyi a nga hlazekangiko hi kota ya lezi zi humileko ka yena ni wusiku, yena i ta huma lahandle ka wugovelo; ngha yena a nga engheni lomu wugovelweni; Levi 15:16

Deuteronome 7:26

Na wena u nga enghenisi xinyenyeko lomu ndlwini ya wena, ku nga taku u nyenyezawu kota zilo lezo; u ta zi nyenya nguvunguvu, mava manyala ka wena, hakuva za yila.

Jakobe 1:27

A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2

Joxua 7:1

Kanilezi a vanana va ka Israeli va lo ti vangela a nanzu hi zilo zi phangilweko; hakuva Akana nʼwana Karmi, wa Zabdi, wa Zera, wa nyangwa ya ka Juda, i lo teka a zilo zo yila, ni zanga ya Jehova yi lo vindlukiswa yi vukela a vanana va ka Israeli. Jox. 23:20; 1 Kro. 2:7

Joxua 7:13

Suka u basisa vanhu, uku: Basisani wutsumbu ga nwina ku longela ga manziko. Hakuva Jehova Nungungulu wa ka Israeli, i ngalo: Ku kona a xilo xa ku yila xikari ka wena, Israeli! Wena a ku zi koti ku yima mahlweni ka valala va wena, kala mu susa a xilo xi yilileko xikari ka nwina. Ekso. 19:10, 14

Joxua 7:15

Makunu a munhu loye a ta nga kumiwa na hi ni zilo za ku yila, yena i ta hisiwa ni zontlhe lezi a nga nazo, hakuva i hambunyetile xivumelwano xa Jehova, a maha zilo zi bihileko nguvu ka Israeli. Deut. 13:15; 1 Sam. 14:38, 39

Joxua 7:25

Joxua i te ngalo kakwe: U hi xanisele yini ke? Jehova i ta ku xanisawo inyamutlha! Zonake vontlhe va ka Israeli va lo va gandla hi maribye, va lo va hisa, va va gandla hi maribye.

1 Johani 5:21

Vana vanga, chavani a zifananiso za vanungungulu va mawunwa. 1 Kor. 10:14

1 Samueli 15:9

Kanilezi Saule ni vanhu vakwe va lo tsika Agagi ni wulangelwa ga tiyivu, ni ga tihomu ti nonileko, ni ga zifuyo zinwani, ni tiyivana, ni zontlhe zo saseka, a nga lavangi ku zi lovisa. Kanilezi zontlhe lezi zi nga nyawuliko va lo zi lovisa.