Joxua 5:6 - Tshwa Bible

⁶ Hakuva a vanana va ka Israeli va lo famba lomu xiwuleni 40 wa malembe, kala vontlhe vanhu va hetwa, ku mbhela vavanuna lava va hlomako yimpi, va mbhela vontlhe lava va nga huma hi le Gipite, lava va nga kala ku ingisa a gezu ga Jehova; hakuva i wa hlambanyile lezaku cima va nga ta wona a tiko legi a hlambanyileko ka vararu vabye ku va nyika gona, a tiko gi khulungako masi ni wulombe. Mitse. 14:21

Joxua 5:6 ပူးပေါင်းရင်းမြစ်များ

Tisimu 107:4

Va wa nzulanzula lomu xiwuleni laha ku nga hi na vanhu, A va kumangi muti wo tshama ka wona. Maheb. 11:38

Eksodusi 3:17

Mina nzi te ngalo: Nzi ta mu tlhatlhisa hlomulweni wa nwina wa Gipite, nzi mu yisa tikweni ga vaKanani, ni ga vaHiti, ni ga vaAmori, ni ga vaPerezi, ni ga vaHivi, ni ga vajebusi ka tiko ga masi ni wulombe.

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Jeremia 2:2

Yana, kanyuluka tindleveni ta Jerusalema, uku: Jehova i ngalo: Nza alakanya a wunene ga wuswa ga wena, Ni liranzo la wena xikhatini xa kuwutiwa ka wena; Laha u nga kari u nzi lanzela le xiwuleni, A ka tiko legi gi nga kala gi nga byaliwangi.

Ezekieli 20:15

Kambe nzi lo va hlambanya lomu xiwuleni lezaku nzi nga ta va yisa tikweni legi nzi va nyikileko, gi khulungako a masi ni wulombe, gi sasekileko ku hunza wontihe matiko. Mitse. 14:21; Deut. 1:34

Ezekieli 20:6

A siku lego nzi lo tsumbisa hi ku hlambanya lezaku nzi ta va humesa tikweni ga Gipite nzi va yisa tikweni legi nzi gi hlawuleleko vona, legi gi khulungako a masi ni wulombe, gi sasekileko ku hunza wontihe matiko.

Joeli 3:18

A xikhatini lexo a zitsunga zi ta dona a vinya, ni miganga yi ta khulunga masi, yontlhe micongwana ya ka Juda yi tava ni mati. Ku ta huma a xibuka hi ndlwini ya ka Jehova xi tsakamisa a nkova wa le Xittimu. Zak. 14:8; Kuv. 22:1

Mitsengo 14:23

Hikwalaho lava vanhu cima va nga ta wona a tiko legi nzi hlambanyileko ka vararu vabye lezaku nzi ta va nyika gona. Cima a nga kona ni munwe wa lava va nzi kanyisileko, a ta nga wona tiko lego.

Mitsengo 26:63

Lowu hi tsengo wa vanana va ka Israeli lowu Mosi na mupristi Eliazare va hlayileko le libaleni la le Moabi, ngomama ni Jordani ni Jeriko.

Deuteronome 1:3

Makunu hi lembe ga 40, ka hweti ya 11, hi siku go ranga ga hweti, Mosi i lo hlawutela ka vanana va ka Israeli zontlhe lezi Jehova a mu leleteleko ku va byela.

Deuteronome 2:14

A masiku lawa hi nga famba kusukela Kadexe-Barnea kala a siku legi hi nga tlhatuka xicongwana xa Zerede ma wa hi 38 wa malembe, kala ku mbhela vontlhe vavanuna lomu wugovelweni va hlomako yimpi, kota lezi Jehova a hlambanyileko.

Deuteronome 2:7

Hakuva Jehova Nungungulu wa wena, i ku katekisile mitirweni yontlhe ya canja ga wena; i tivile kufamba ka wena le xiwuleni lexi xa hombe. Lomu ka 40 wa malembe, Jehova Nungungulu wa wena i wa hi zinwe na wena; a ku vumalangi nchumu.

Deuteronome 8:4

A tinguwo ta wena a ti hlakalangi mirini wa wena, ni mikonzo ya wena a yi vimbangi lomu ka 40 wa malembe.

Maheberu 3:11

Lezo nzi lo hlambanya zangeni ya mina, nziku: Va nga ta enghena kuhumuleni ka mina.

Joxua 1:6

Tiyisa mbilu, uva ni ntamu, hakuva hi wena u ta nga avela lava vanhu a tiko legi nzi hlambanyileko ka vararu vabye a ku va nyika gona.

Joxua 24:7

Laha va nga rila ka Jehova, yena i lo veka munyama xikari ka nwina ni vaGipite, i lo wuyisa a bimbi hehla ka vona gi va fenengeta. A mahlo ya nwina ma wonile lezi nzi zi mahileko ka vaGipite; zonake mu lo tshama xiwuleni masiku yo tala.

Joxua 5:5

hakuva vontlhe vavanuna lava va nga huma hi le Gipite va wa enghenile wukwera; kanilezi vontlhe lava va belekilweko laha ndleleni lomu xiwuleni na vata hi le Gipite, a va engheniswangi wukwera.

Joxua 5:7

Zonake i lo veka a vanana vabye matshanwini ya vona; hi valavoke Joxua a nga va enghenisa wukwera, hakuva va wa nga enghenangi wukwera, hi lezi a va engheniswangi laha ndleleni.