Joxua 4:22 - Tshwa Bible

²² Zonake mu ta tivisa a vanana va nwina, lezaku: Israeli i lo tlhatuka loyi Jordani na ku womile laha,

Joxua 4:22 ပူးပေါင်းရင်းမြစ်များ

Eksodusi 14:22

A vanana va ka Israeli va lo famba hi laha xikari ka bimbi misaveni yi womileko; ni mati ma lo yima hi matlhelo mambiri. 1 Kor. 10:1; Maheb. 11:29

Eksodusi 14:29

Kanilezi a vanana va ka Israeli va lo famba xikari ka bimbi; laha misaveni yi womileko, ni mati ma wa yimile hi matlhelo mambiri.

Eksodusi 15:19

Hakuva laha a mahaxi ya Faro ni tikareta takwe, ni vakhileli va wona va jamile bimbini; Jehova i lo tlhelisela a mati ya bimbi hehla ka vona; kasi lezo a vanana va ka Israeli va lo famba misaveni yi womileko lomu xikari ka bimbi.

Isaya 44:27

Hi mina nzi nge ngalo ka kueta ka bimbi, Pswhana! Nzi ta pswhisa a micongo ya wena.

Isaya 51:10

A hi wena u nga womisa a bimbi, a mamati ya kueta; Loyi u bhoxileko a ndlela xikari ka bimbi go eta, Va famba ha yona a vanhu va hanyisilweko ke? Ekso. 14:22, 29

Joxua 3:16

a mati lawa ma relelako mata hi le hehla, ma lo ta yima ma kukumuka ma maha xitsunzulu hi le kule nguvu, kala kusuhani ni le Adama, a muti lowu wu nga tlhelo ga Zaretani; ni mati lawa ma relelako le Bimbini ga Libala, gi nga Bimbi ga Munyu, ma lo kokiwa wontihe, zonake a vanhu va lo tlhatuka hi laha ko cuwukana na Jeriko. Deut. 3:17; Tis. 114:3

Joxua 3:17

Ni vapristi lava va rwalako a nghaxa ya xivumelwano xa Jehova va lo yima vaku tseka hi mikonzo lomu ku omileko laha xikari ka Jordani, zonake vontlhe va ka Israeli va lo famba muhanzeni wu omileko, kala vontlhe vanhu va tlhatuka Jordani.

Joxua 4:21

Yena i lo byela a vanana va ka Israeli, aku: Loku a vanana va nwina va wutisa ginwani siku ka vararu vabye, vaku: Nja yini lawa maribye ke?

Kuvululelwa 16:12

Leʼya wuntlhanu ni yinwe yi lo halata mukhelo wa yona le congweni lowu wa hombe Eufrate; ni mati ya wona ma lopswha, lezaku ku longiselwa ndlela ya tihosi ta le Mutsuwuka-gambo. Isa. 41:2, 25; Xip. 9:14