Joxua 24:27 - Tshwa Bible

²⁷ Zonake Joxua aku ngalo ka vanhu vontlhe: Langutani, ribye legi gi tava kustumunyu gi ta nga hi kecara, hakuva gi zwile tontlhe timhaka leti Jehova a wulileko ka hina, gi tava kustumunyu lezaku mu nga dzuki mu kaneta Nungungulu wa nwina.

Joxua 24:27 ပူးပေါင်းရင်းမြစ်များ

Joba 31:23

Hakuva nza chava a ku tsayiswa hi Nungungulu, A nzi zi koti ku yima mahlweni ka kutlakuka kakwe.

Joba 31:28

Loko kambe kubiha ku faneleko ku tsayiswa hi mulamuli; Hakuva ngha nzi wa kanetile Nungungulu loyi a nga le hehla. Deut. 17:3

Mavingu 30:9

Nzi nga taku laha na nzi xure nzi ku kaneta, ziku: Himani Jehova? ambu kutani loku nzi hi xisiwana, nzi yiva, zi hlakana hi vito ga Nungungulu wa mina.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Habakuka 2:11

Hakuva a ribye gi ta kanyuluka na gi hi laha khurisini, ni naneko wu ta gi hlamula na wu hi le langweni.

Mitsengo 11:20

kanilezi mu taga hweti yontlhe, yi kala yi huma hi lomu tinhovini ta nwina, mu swireka ha yona, hakuva nwina mu kanyisile Jehova loyi a nga xikari ka nwina, mu kala mu rila mahlweni kakwe, muku: Hi humele yini le Gipite ke?

Mateu 10:33

Kanilezi loyi a ta nga nzi ala mahlweni ka vanhu, minawu nzi ta mu ala mahlweni ka Dadani wa mina loyi a nga le tilweni.

Luka 19:40

Yena i lo hlamula, aku: Nzi ngalo ka nwina, loku va miyela lava, a maribye ma ta kanyuluka. Hab. 2:11

Deuteronome 30:19

Inyamutlha mina nza vitana a tilo ni misava a kuva vakustumunyu va mina, lezaku mina nzi vekile mahlweni ka nwina a wutomi ni kufa, a zikatekiso ni makhombo. Hikwalaho hlawula wutomi kasi wa fela ku hanya, wena ni pswalo wa wena;

Deuteronome 31:19

Makunu lezi ti tsaleleni lisimu leli, u li gonzisa a vanana va ka Israeli, u li enghenisa lomu milonwini yabye, kasi leli lisimu li maha kustumunyu wa mina xikari ka vanana va ka Israeli.

Deuteronome 31:21

Ni loku makhombo lawa yo tala ni zikarato zita hehla kabye, zonake leli lisimu li ta maha wukustumunyu mahlweni ka vona; hakuva lona li nga ta rivaliwa milonwini ya zizukulwana zabye. Hakuva mina nza tiva maalakanyo ya timbilu tabye legi siku, na nzi nga se nga va chiketa a tikweni legi nzi hlambanyileko ku va nyika gona.

Deuteronome 31:26

Tekani a bhuku legi ga nayo mu gi veka lomu xikari hi tlhelo ga nghaxa ya xivumelwano xa Jehova Nungungulu wa nwina, kasi gi fela ku maha kustumunyu mahlweni ka nwina. 2 Tih. 22:8

Deuteronome 32:1

Nwina matilo! zwanani, nzi ta wulawula; Ni misava a yi ingise timhaka ta nomu wa mina!

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

Titusi 1:16

Va wula lezaku va mu tiva Nungungulu, kanilezi va mu kaneta hi mitiro yabye; mbanhu va manyala, ni va nga ingisiko, a va vuni nchumu mitirweni yontlhe yo saseka. Ezek. 33:31; Rom. 1:28

Joxua 22:34

Ni vanana va ka Rubeni ni vanana va ka Gadi va lo chula alati a vito gaku Edi; hakuva va te ngalo: Gona gi ta kuva kustumunyu xikari ka hina lezaku Jehova i Nungungulu.

Joxua 24:28

Zonake Joxua i lo fambisa vanhu, munwe ni munwani a famba tshombeni yakwe.

Kuvululelwa 3:8

Nza yi tiva mitiro ya wena. Nzi vekile a nyangwa yi vululekileko mahlweni ka wena leyi a nga hiko kona a zi kotako ku yi vala. U na ni ntamu wu tsongwani, kanilezi u hlayisile a mhaka ya mina, a ku kanetangi a vito ga mina. 2 Kor. 2:12

1 Samueli 7:12

Zonake Samueli i lo teka a ribye a gi yimisa xikari ka Mizpa ni Xena, a gi chula vito ga Ebenezer, aku: Kala ni lezi Jehova i hi vunetele.