Joxua 24:17 - Tshwa Bible

¹⁷ Hakuva Jehova i Nungungulu wa hina. Hi yena a nga hi humesa zinwe ni vadadani Va hina le tikweni ga Gipite, le ndlwini ya wukhumbi, ni loyi a mahileko masingita ya hombe mahlweni ka hina. Kambe hi yena a nga hi hlayisa lomu ndleleni yontlhe leyi hi fambileko hi yona, ni xikari ka matiko lawa hi tsemakanyileko ka wona.

Joxua 24:17 ပူးပေါင်းရင်းမြစ်များ

2 Kronekele 13:10

Kasike hina, Jehova hi yena a nga Nungungulu wa hina; a hi mu tsikangi; ni vapristi lava va tirako ku khozela Jehova hi vona a vana va Aroni ni va ka Levi, va tirako mitiro yabye.

Eksodusi 13:14

Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;

Eksodusi 13:3

Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.

Eksodusi 19:4

Mu zi wonile lezi nzi zi mahileko ka vaGipite ni lezi nzi mu tlakukileko zona hi tipapa ta gama nzi mu tisa ka mina.

Isaya 46:4

Nzi tava tano kala wukhosaneni ga nwina, Nzi ta mu rwala kala mu huma wuvu; Nzi zi mahile, nzi ta engeta nzi mu rwala, Nzi ta mu hlayisa, nzi mu ponisa.

Deuteronome 29:2

Na Mosi i lo vitana vontlhe va ka Israeli, aku kabye: Nwina mu wonile zontlhe lezi Jehova a nga zi maha ka Faro mahlweni ka nwina, le tikweni ga le Gipite, ni ka malanza yakwe wontihe, ni ka tiko gakwe gontlhe.

Deuteronome 32:9

Hakuva xiavelo xa Jehova hi vanhu vakwe; Jakobe xiavelo xa tshomba yakwe. Ekso. 19:5; 1 Ped. 2:9

Deuteronome 7:19

a zikarato lezi za hombe zi wonilweko hi mahlo ya wena, ni ziwoniso ni zihlamaliso, ni canja ga ntamu, ni woko gi nawulutilweko, lezi Jehova Nungungulu wa wena a ku humesileko ha zona. Zinghaho Jehova Nungungulu wa wena i ta mahisa zalezo ka wontihe matiko lawo u ma chavako.

Joxua 24:16

Ni vanhu va lo hlamula vaku ngalo: A zive kule na hina leʼza ku tsika Jehova hi ya khozela vanwani vanungungulu!

Joxua 24:18

Na Jehova i hlongole mahlweni ka hina wontihe matiko, ni maAmori lawa ma nga wa akile tikweni legi. Hikwalaho hina hi ta khozela Jehova, hakuva hi yena Nungungulu wa hina.