Joxua 22:25 - Tshwa Bible

²⁵ Hakuva xikari ka hina na nwina, vanana va ka Rubeni, ni vanana va ka Gadi. Jehova i vekile a mbhingano, ku nga Jordani: hikwalaho nwina a mu na xiavelo na Jehova! Hi ndlela leyo a vanana va nwina va ta valela a vanana va hina ku chava Jehova.

Joxua 22:25 ပူးပေါင်းရင်းမြစ်များ

2 Samueli 20:1

Makunu ku lo humelela a nyamijiri wa wanuna, a vito a nga hi Xeba nʼwana Bikiri a muBenjamini. I loba mpunzu, aku: Hina a hi na xiavelo ka Davida, ge hambu tshomba ka nʼwana wa Jese! Va ka Israeli, munwe ni munwani wa nwina a fambe tendeni gakwe!

1 Tihosi 12:16

Laha vontlhe va ka Israeli vanga wa wonile lezaku a hosi a yi va ingisangi, a vanhu va lo hlamula hosi, vaku: Hi na ni xiavelo muni na Davida ke? Hina a hi na tshomba ni nʼwana Jese! Va ka Israeli, fambani matendeni ya nwina! Wena Davida, cuwuka a yindlu ya wena nwinyi! Zinghaho a va ka Israeli va lo tlhelela matendeni yabye.

1 Tihosi 14:16

Jehova i ta nyikela va ka Israeli hi kota ya zionho za Jeroboamu, lezi a zi mahileko ni lezi a onhisileko va ka Israeli ha zona.

1 Tihosi 15:30

hi kota ya zionho za Jeroboamu lezi a zi mahileko, ni lezi a onhisileko ha zona va ka Israeli, lezi a zangarisileko ha zona Jehova Nungungulu wa ka Israeli.

Nehemia 2:20

Zonake nzi lo va hlamula, nziku: Nungungulu wa tilo i ta hi vuna; hikwalaho hina malanza yakwe hi ta suka hi aka. Kanilezi nwina a mu na xiavelo, ge hambu malungelo kutani xialakanyiso lomu Jerusalema.

Tisimu 16:5

Jehova hi xiavelo xa mina ni gombe ga mina; Hi wena u gongolako a tshomba ya mina.

Mitiro 8:21

Wena a ku na xipanze hambu ni xiavelo mhakeni leyi; hakuva a mbilu ya wena a yi lulamangi mahlweni ka Nungungulu. Mav. 11:20; Isa. 44:20

Joxua 22:24

Kanilezi hi zi mahile hi ku chava zinwani zilo, hi lezaku: Hi zikhati za ha tako a vana va nwina va taku ka vana va hina: Mu na ni ntiro muni na Jehova Nungungulu wa ka Israeli ke?

Joxua 22:26

Hikwalahoke hi te ngalo: A hi akeni alati, na gi nga hi alati ga munyikelo wa kuhiswa ni miphahlo;

Joxua 22:27

kanilezi gi tava ga wukustumunyu xikari ka hina na nwina, ni le zizukulwaneni za hina anzhako ka hina, kasi hi khozela Jehova mahlweni kakwe hi minyikelo ya hina ya kuhiswa, ni miphahlo ya hina, ni miphahlo ya hina ya kubonga, kasi a vanana va nwina va nga wuli ka vanana va hina ginwani siku, vaku: A mu na xiavelo ka Jehova: Gen. 31:48

1 Samueli 26:19

Makunu a hosi ya mina ngha yi ingisa a gezu ga nanza ga yona! Loku ku hi Jehova a ku kucetelako ku nzi hlongolisa, a amukele muphahlelo! Kanilezi loku va hi vanhu, a va rukatelwe mahlweni ka Jehova, hakuva va nzi hlongole va nzi beletela kuva ni xiavelo tshombeni ya Jehova, vaku: Famba u ya khozela vanwani vanungungulu.