Joxua 21:44 - Tshwa Bible

⁴⁴ Na Jehova i lo va nyika kuhumula ka wontihe matlhelo, khwatsi hi lezi a nga wa hlambanyile ka vararu vabye; cima ku wa nga hi kona ni munwe wa valala vabye a nga zi kota ku tiya mahlweni kabye, Jehova i lo va nyikela vontlhe canjeni gabye.

Joxua 21:44 ပူးပေါင်းရင်းမြစ်များ

2 Kronekele 13:16

A va ka Israeli va lo panzanyeka mahlweni ka va ka Juda, Nungungulu a va nyikela mandleni yabye.

Eksodusi 23:31

Nzi ta panza a mbhingano wa wena kusukela Bimbini go Pswhuka kala bimbini ga maFilistia, ni kusukela xiwuleni kala ku chikela congweni; hakuva nzi ta mu hlulela a vaaki va tiko lego; mu ta va hlongola mahlweni ka nwina. Gen. 15:18; 1 Tih. 4:21

Eksodusi 33:14

Jehova aku: Mina wutsumbu nzi ta ku pangalata, nzi ku humuta.

Isaya 63:14

Khwatsi zifuyo zi relelako nkoveni, A Moya wa Jehova wu lo va nyika kuhumula. Hizalezo u nga rangela tiko ga wena, Kasi u ti mahela a vito gi dumileko.

Deuteronome 2:36

Kusukela le Aroera kusuhani ni nkova wa Amoni, ni muti lowu wu nga laha xikari ka nkova, kala le Gileade, ku wa hi hava a muti wu nga wa yimelana na hina; hakuva Jehova Nungungulu wa hina i lo yi nyikela yontlhe mandleni ya hina.

Deuteronome 21:10

Loku wena u hloma matlhari ku yalwa ni valala va wena, na Jehova Nungungulu wa wena a va nyikela mandleni ya wena u va khoma tihloko;

Maheberu 4:9

Hikwalaho ga ha va salele a sabado ga kuhumula a vanhu va Nungungulu.

Joxua 1:13

Alakanyani lezi Mosi, a nanza ga Jehova, a mu leleteleko tona, zo ngalo: Jehova Nungungulu wa nwina i mu nyikile kuhumula, i mu nyikile legi tiko;

Joxua 1:15

kala Jehova a nyika vanakuloni a kuhumula kota nwina; va enghenawu a tikweni legi Jehova Nungungulu wa nwina a va nyikileko gona; zonake mu ta wuya tikweni ga nwina mu ta gi fumela, gona tiko legi Mosi, a nanza ga Jehova, a mu nyikileko gona seno tlhatuko wa Jordani, hi le Mutsuwuka-gambo.

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Joxua 11:12

Joxua i lo khozisa yontlhe miti ya tihosi leti, ni tihosi ta kona tontlhe i lo ti lovisa, a hihirita vanhu khwatsi hi lezi Mosi, a nanza ga Jehova, a nga wa leletele. Ekso. 23:32; Mitse. 33:52, 55

Joxua 11:23

Zinghaho Joxua i lo khozisa tiko gontlhe, khwatsi hi lezi Jehova a wulileko ka Mosi; zonake Joxua i lo gi nyika ka va ka Israeli, gi maha tshomba yabye, i lo nyika ka nyangwa ni nyangwa kotisa kuavelwa kabye. Ni tiko gi lo humula kulwa.

Joxua 11:8

Na Jehova i lo va nyikela mandleni ya va ka Israeli, va lo va hlasela, va va hlongolisa kala le Sidoni ga hombe, ni le Misrefot-Maime, kala le minzhelelweni ya le Mizpa, hi le Mutsuwuka-gambo; va lo va hlasela va nga siyi ni munwe.

Joxua 2:24

Na vona va te ngalo ka Joxua: Hakunene Jehova i nyikile tiko gontlhe mandleni ya hina, hakuva a vaaki va tiko va mbhelile ntamu hi kota ya hina.

Joxua 22:4

Makunu Jehova Nungungulu wa nwina i nyikile kuhumula ka vamakabye va nwina, khwatsi hi lezi a va byelileko: hikwalaho tlhelani makunu mu famba matendeni ya nwina, ni le tikweni ga tshomba ya nwina, leyi Mosi a nanza ga Jehova a mu nyikileko yona le tlhatuko wa Jordani. Mitse. 32:20; Deut. 3:18

Joxua 22:9

Zonake a vanana va ka Rubeni, ni vanana va ka Gadi, ni khihlanya ga lixaka la ka Manasa va lo famba, va lo siya a vanana va ka Israeli leyo Xilo le tikweni ga Kanani, va lo famba le tikweni ga le Gileade, a tiko legi va avelweko hi kuleletela ka Jehova hi nomu wa Mosi.

Joxua 23:1

Laha ku nga wa hunzile masiku yo tala, laha Jehova a nga wa nyikile kuhumula ka vanana va ka Israeli ka vontlhe valala vabye lava va nga wa va ranzele, na Joxua i wa hi wa kale hi kuva ni malembe yo tala,