Joxua 2:12 - Tshwa Bible

¹² Hikwalaho mina nza mu khongotela lezaku mu hlambanya ha Jehova lezaku kota lezi nzi mu hawukeleko, na nwinawu mu fela ku hawukela a yindlu ya dadani wa mina, mu nzi nyika xiwoniso xa zinene,

Joxua 2:12 ပူးပေါင်းရင်းမြစ်များ

Genesisi 21:23

Hikwalaho hlambanya ka mina kwalaha hi Nungungulu lezaku, u nga ta nzi kanganyisa, mina ni pswalo wa mina; kanilezi kota wuxinji legi nzi nga ku mahela, u ta nzi mahela gona wenawu, ni tiko legi u akileko ka gona.

Genesisi 24:3

Nzi ta ku hlambanyisa hi Jehova, Nungungulu wa tilo ni Nungungulu wa misava, lezaku u nga tekeli a nʼwana wa mina a sati xikari ka vanhwana va maKanani, laya nzi tshamileko xikari kabye;

Genesisi 24:9

Zonake a nanza gi lo enghenisa a canja gakwe lahasi ka hangaswa ga Abrahama a hosi yakwe, gi lo hlambanya ka yena hi laya mahungu.

Genesisi 40:14

Kanilezi nzi alakanye laha zi ta nga lulama za wena, u nzi mahela wuxinji u nzi wulawulela ka Faro kasi a nzi humesa ka leyi yindlu.

2 Kronekele 36:13

Yenawu i lo hluwuka ka hosi Nebukadnezare loyi a nga mu hlambanyisa hi vito ga Nungungulu; i lo nonohisa a nhamu ni mbilu yakwe, a nga tlhelelangi ka Jehova Nungungulu wa ka Israeli. Ezek. 17:13

Estere 8:6

Hakuva nzi ta tiyisa kuyini a ku wona a kubiha loku ku ta nga wela va ka hina? Nzi ta tiyisa kuyini ku wona kulobyiswa ka maxaka ya mina?

Eksodusi 12:13

A nkhata wu tava xikombiso xa nwina, ka tiyindlu leti mu nga ka tona; loku nzi wona nkhata, zonake nzi ta hunza; kasi a mhango yi nga engheni xikari ka nwina yi mu daya, xikhati lexi nzi dayako vaGipite.

Jeremia 12:16

Loku va gonzile a tindlela ta vanhu va mina, lezaku va hlambanya a vitweni ga mina, vaku: Hi Jehova loyi a hanyako; kota lezi va gonzisileko vanhu va mina a ku hlambanya hi Baali, zonake va ta akiwa xikari ka vanhu va mina. Deut. 6:13; Efe. 2:19

Marku 14:44

Makunu loyi a mu nyikelako i wa va nyikile a xikombiso, aku: Loyi nzi ta nga mu pswopswa, hi yena; mu khomeni, mu famba naye, mu nga mu nyeseti.

Va le Roma 1:31

a va nga hiko na kupima, a va nga tsumbekiko, lava va nga ranziko a va ka kabye, vo kala wuxinji;

1 Timote 5:8

Kanilezi loku a hi kona munhu a nga hlayisiko a maxaka yakwe, nguvunguvu a va ngango wakwe, yena i kanetile a kukholwa, i bihile ku hunza loyi a nga kholwiko.

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Joxua 2:13

lezaku nwina mu ta hanyisa dadani na mamani, ni vanakulori ni vamakweru, ni vontlhe va ngango wabye, mu ponisa wutomi ga hina.

Joxua 2:18

loku hi chikela lomu tikweni legi, u ta boha a ngoti leyi yo pswhuka laha ka njhanela leyi u nga hi chikisa ha yona; ni lezaku u ta tsombanyisa lomu ndlwini ya wena, a raru wa wena, ni mamani wa wena, ni vamakabye va wena, ni wontihe a ngango wa raru wa wena.

Joxua 2:19

Kani hi wihi loye a ta nga huma lahandle laha nyangweni ya yindlu ya wena, a nkhata wakwe wu tava hlokweni yakwe, hina hi nga tava ni nanzu. Kanilezi kani hi wihi a ta nga dawa na a hi lomu ndlwini ya wena, a nkhata wakwe wu tava hehla ka tihloko ta hina.

Joxua 6:22

Na Joxua i te ngalo ka vavanuna lava vambiri va nga wa yile ku ya hlola a tiko: Yanani ndlwini ya xibhayi, mu ya humesa loye wasati ni vanhu vakwe, kota lezi mu hlambanyileko ka yena.

Joxua 9:15

Na Joxua i lo vumelana navo, zonake i lo maha xivumelwano zinwe na vona xa ku va tsika va hanya, ni tihosana ta tlhangano ti lo hlambanya ka vona.

Valamuli 1:24

A varinzeli va lo wona wanuna na ata hi le mutini, vaku kakwe: Hi mahele wuxinji u hi komba a nyangwa yi enghenako mutini, hi tava ni tipswalo ka wena.

1 Samueli 30:15

Davida i te ngalo kakwe: Wa zi kota ku nzi heleketa ka yimpi leyo ke? Aku: Hlambanya ka Nungungulu lezaku u nga ta nzi daya, hambu ku nzi nyikela mandleni ya nwinyi wa mina, zonake nzi ta ku heleketa ka yimpi leyo.