Joxua 11:20 - Tshwa Bible

²⁰ Hakuva zi wa mahiwa hi Jehova lezaku va nonohisa timbilu tabye a ku vukela Israeli, kasi Israeli a fela ku va lovisa, va nga va tsetsi, kanilezi va va lovisa khwatsi hi lezi Jehova a leleteleko Mosi.

Joxua 11:20 ပူးပေါင်းရင်းမြစ်များ

2 Samueli 17:14

Absalome ni vontlhe vavanuna va ka Israeli va te ngalo: A xikungo xa Huxai a muArke xi sasekile ku hunza xa Ahitofeli. Hakuva Jehova i wa xuvile ku chipisa a xikungo xa xinene xa Ahitofeli, kasi a khombo ga wela Absalome. Joba 5:12

1 Tihosi 12:15

Zinghaho a hosi a yi ingisangi a timhaka ta vanhu, hakuva i kungo gi nga wa longisilwe hi Jehova, kasi ku fela ku maheka lezi a zi wulileko hi nomu wa Ahija a muXiloni ka Jeroboamu nʼwana Nebate.

2 Kronekele 22:7

Makunu a kulobyiswa ka Ahazia ku wa hi kuranza ka Nungungulu, hi kota ya kuya ka Joramu, hakuva a xikhati a nga chikela i lo hloma yimpi na Joramu valwa na Jehu nʼwana Nimxi, loyi Jehova a mu totileko ku lovisa a yindlu ya Ahabi.

2 Kronekele 25:16

Khwatsi hi lezi a nga wa wulawula naye, a hosi yi te ngalo kakwe: Hi ku yimisile a kuva ginwe ga masungukati ya hosi ke? Suka u famba! U laʼku dawelwa yini ke? Zonake muprofeti i lo Suka, aku: Nza wona lezaku Nungungulu i xuvile ku ku lovisa hi kota ya zilo lezi u zi mahileko; a ku ingisangi a gezu ga mina.

Eksodusi 10:1

Jehova aku ka Mosi: Famba ka Faro hakuva nzi yi nonohisile a mbilu yakwe ni timbilu ta malanza yakwe, kasi nza fela ku maha ziwoniso lezi za mina xikari kabye.

Eksodusi 11:10

Mosi na Aroni va lo maha zihlamaliso zontlhe lezi mahlweni ka Faro; kanilezi Jehova i lo nonohisa a mbilu ya Faro, a alela a vanana va ka Israeli a ku huma tikweni gakwe. 1 Sam. 6:6

Eksodusi 14:17

Mina nzi ta nonohisa a timbilu ta vaGipite, va ta mu lanza; zonake mina nzi tava ni wudumo ha Faro ni yimpi yakwe yontlhe, ni tikareta takwe, ni vakhileli va mahaxi.

Eksodusi 14:4

Mina rizi ta nonohisa a mbilu ya Faro, na yena i ta va lanza; zonake mina nzi tava ni wudumo hi Faro ni yimpi yontlhe; ni vaGipite va ta zi tiva lezaku hi mina Jehova. Zonake va lo maha lezo.

Eksodusi 14:8

Zinghaho Jehova i lo nonohisa a mbilu ya Faro, a hosi ya Gipite, kasi a fela ku lanza a vanana va ka Israeli, na kasi a vanana va ka Israeli va huma hi canja ga ntamu. Mitse. 33:3

Eksodusi 4:21

Zonake Jehova aku ka Mosi: Lezi wena u tlhelako kuya Gipite, alakanya zihlamaliso zontlhe lezi nzi zi vekileko canjeni ga wena, u ta ya zi maha mahlweni ka Faro; kanilezi mina nzi ta nonohisa a mbilu yakwe, a nga vumeli a vanhu ku famba.

Eksodusi 9:12

Jehova i lo nonohisa a mbilu ya Faro, a nga ingisi timhaka ta Mosi na Aroni, khwatsi hi lezi Jehova a wulileko ka Mosi.

Eksodusi 9:16

Kanilezi nzi ku tsikile kasi wena wa fela ku wona mintamu ya mina, ni lezaku a vito ga mina gi fela ku tibyiwa misaveni yontlhe. Rom. 9:17

Isaya 14:24

Jehova wa tiyimpi i hlambanyile, aku: Hizinene, zi ta maheka khwatsi hilezi nzi zi alakanyileko, Khwatsi hilezi nzi zi xuvileko, zi tava lezo.

Isaya 34:2

Hakuva Jehova i zangarele wontlhe matiko, A khulo gakwe gi le hehla ka tiyimpi tontlhe ta wona; I va mbhetisile, i va nyikele kudaweni.

Va le Roma 9:18

Hikwalaho yena wa mu zwela wusiwana loyi a zi ranzako ku mu zwela, ni ka loyi a zi ranzako ku mu nonohisa wa mu nonohisa.

Deuteronome 2:30

Kanilezi Sihoni a hosi ya Hexboni i lo ala a kuva hi tsemakanya kontlhe lomo, hakuva Jehova Nungungulu wa wena i nonohisile a mbilu yakwe, kasi a fela ku mu nyikela canjeni ga wena kota lezi zi mahekileko.

Deuteronome 7:16

Wena u ta heta wontihe matiko lawa Jehova Nungungulu wa wena a ku nyikileko wona, u nga ta va hawukela. Kambe u nga khozeli vanungungulu vabye, hakuva lezo zi tava ziyo ka wena.

Valamuli 14:4

Kanilezi a raru ni nyine wakwe va wa nga zi tivi lezaku a mhaka leyo yita hi ka Jehova, lezaku kasi Samsoni a kuma ndlela yo vukela ha yona maFilistia; hakuva lexo xikhati a maFilistia ma wa fumela va ka Israeli.

1 Samueli 2:25

Loku a munhu a gohela munhukulobye, Nungungulu i ta mu lamula. Kanilezi loku a gohela Jehova, himani a ta nga mu khongelela ke? Ahembaloko, a va ingisangi a gezu ga raru wabye, hakuva Jehova i wa xuvile ku va lovisa.