Joxua 11:14 - Tshwa Bible

¹⁴ Zonake a vanana va ka Israeli va lo avelana a muphango wontihe ni zifuyo, kanilezi va lo hihirita vontlhe vanhu va kala va va lovisa futsi, va nga siyi ni munhu munwe.

Joxua 11:14 ပူးပေါင်းရင်းမြစ်များ

2 Kronekele 20:25

A xikhati lexi Jehoxafate ni vanhu vakwe va ngata ku ta phanga, va lo ta kuma xikari ka zirumbi a titshomba tinyingi ni zilo za lisima; va lo zi teka na zi tele va tlhela va tsanzeka ni ku zi rwala. Va lo phanga titshomba hi masiku manharu hakuva ti wa tele nguvu.

Mitsengo 31:9

A vanana va ka Israeli va lo khoma tikhumbi ta vavasati ni vanana vabye xikari ka vaMidiani; va lo phanga ni zontlhe zifuyo zabye, ni mitlhambi yabye yontlhe, ni yontlhe tshomba yabye.

Deuteronome 20:14

Kanilezi a vavasati ni vanana, ni zifuyo ni zontlhe lezi zi nga lomo mutini, a muphango wontihe wa kona, u ta wu teka wu maha wa wena, uga a muphango wa valala va wena, lowu Jehova Nungungulu wa wena a ku nyikileko.

Deuteronome 20:16

Kasike loku yi hi miti ya matiko lawa Jehova Nungungulu wa wena a ku nyikileko a kuva tshomba ya wena, u nga siyi hambu ni munhu munwe wa ku hanya. Ekso. 23:32; Jox. 10:40; 11:11

Joxua 10:40

Lezo Joxua i lo hlasela a tiko gontlhe ga le zitsungeni ni Dzongeni, ni tikweni gontlhe ga minzhelelo, ni kureleleni ka zitsunga, ni tontlhe tihosi ta kona, a nga siyangi ni munwe wa ku huluka; kanilezi i lo lovisa zontlhe lezi zi hefemulako, khwatsi hi lezi Jehova Nungungulu wa ka Israeli a leleteleko.

Joxua 11:11

Va lo daya hi tlhari vontlhe lava va nga wa hanya lomo ka wona, va va lovisa; cima a ku salangi ni nchumu xa lezi zi hefemulako; va lo hisa Hazori hi nzilo.

Joxua 11:13

Kanilezi a miti leyi yi nga wa akilwe lomu zitsungeni Israeli a nga hisangi ni munwe wa yona, ahandle ka lowu wa Hazori ntsena, lowu Joxua a nga wu hisa.

Joxua 11:15

Kota lezi Jehova a leleteleko Mosi, a nanza gakwe, Mosi i lo leletela zalezo ka Joxua, zonake Joxua i lo maha zalezo; a nga siyangi ni nchumu xa lezi Jehova a leleteleko Mosi.

Joxua 8:2

U taya maha le Ai ni hosi ya kona khwatsi hi lezi u mahileko le Jeriko ni hosi ya kona; mu ta phanga a wukosi ga kona ni zifuyo za kona ziva za nwina. Veka a vanhu va xijumani hi lenzhako ka muti va wu juma.

Joxua 8:27

Saseka lezaku a zifuyo ni wukosi ga muti lowo, a vaIsraeli va lo zi teka ziva muphango wabye, khwatsi hi kuwula ka Jehova na a leletela Joxua.