Joxua 10:40 - Tshwa Bible

⁴⁰ Lezo Joxua i lo hlasela a tiko gontlhe ga le zitsungeni ni Dzongeni, ni tikweni gontlhe ga minzhelelo, ni kureleleni ka zitsunga, ni tontlhe tihosi ta kona, a nga siyangi ni munwe wa ku huluka; kanilezi i lo lovisa zontlhe lezi zi hefemulako, khwatsi hi lezi Jehova Nungungulu wa ka Israeli a leleteleko.

Joxua 10:40 ပူးပေါင်းရင်းမြစ်များ

1 Tihosi 15:29

Makunu laha yena a nga sangula ku fuma, i lo hlasela yontlhe a yindlu ya ka Jeroboamu, a nga siyi ni munhu munwe wa yindlu leyo. I lo hlasela zontlhe lezi zi hefemulako, khwatsi hi lezi Jehova a nga wa wulile hi nanza gakwe Ahija a muXiloni,

Nehemia 9:24

Zinghaho a vana vabye va yile va ya gi fumela, wena u ya khozisela a vaaki va gona, va nga vaKanani, u va nyikela mandleni yabye, ni tihosi tabye ni vanhu va tiko lego, lezaku va maha kuranza kabye ka vona.

Tisimu 9:17

A vakubiha va ta tlhelela Xeole, Vontlhe a vamatiko va rivalako Nungungulu,

Eksodusi 34:12

Ti wonele, u nga mahi xivumelwano ni lavo vanhu va akileko tikweni legi u yako ka gona va nga dzuka va hunzuka va maha ziyo xikari ka nwina.

Mitsengo 13:17

Mosi i lo va rumela a ku ya hlola a tiko ga Kanani; aku kabye: Kanzihani hi tlhelo ga le Dzongeni, mu kanziha zitsunga,

Deuteronome 1:7

Tlhelani mu famba, mu ya enghena le xitsungeni xa maAmori ni ka vontlhe lava va akileko lomo, mu famba le Araba, ni le xitsungeni ni le nkoveni, ni le Dzongeni, ni le mbhirini ka bimbi, le tikweni ga maKanani, ni le Lebanoni, kala congweni wa hombe, wona congo wa Eufrate.

Deuteronome 2:34

Ka xona xikhati lexo hi lo teka yontlhe miti yabye, hi yi hahlula, hi hihirita vavanuna ni vavasati ni vanana, ku nga sali ni munwe.

Deuteronome 7:24

I ta nyikela tihosi tabye canjeni ga wena, zonake u ta fuvisa mavito yabye lahasi ka tilo. A ku na munhu loyi a ta nga tiya mahlweni ka wena, kala u va lovisa.

Joxua 10:35

Va lo wu khozisa hi gwalego siku, va daya vanhu va kona hi tlhari; lego siku va lo lovisa vontlhe lava va nga wa hanya lomo, khwatsi hi lezi va mahileko le Lakixe.

Joxua 10:37

Va lo wu khozisa va wu hlasela hi tlhari, ni hosi ya kona zinwe ni yontlhe miti ya kona, ni vontlhe lava va nga wa hanya lomo ka yona, yena a nga siyangi ni munhu. I lo yi lovisa khwatsi hi lezi a mahileko le Egloni, i lo lovisa vontlhe lava va nga wa hanya lomo ka yona.

Joxua 10:39

Va lo mu khozisa zinwe ni hosi ya kona, ni yontlhe miti ya kona, va lo yi hlasela hi tlhari, va lovisa vontlhe lava va nga hanya lomo, a va siyangi ni munhu. Khwatsi hi lezi a mahileko ka Hebroni i lo maha ka Debira ni hosi ya kona; kota lezi a mahileko kambe le Libna ni hosi ya kona.

Joxua 11:16

Joxua i lo teka gontlhe tiko legi ga mitsurana, ni gontlhe tlhelo ga le Dzongeni, ni tiko ga le Goxeni, ni gontlhe tiko legi gi nga lomu minzhelelweni, ni lomu ka tibala, ni lomu ka zitsunga za ka Israeli, ni tiko legi gi nga le minzhelelweni ya kona,

Joxua 12:8

le zitsungeni, le tikweni ga mikova, ni le tibaleni, ni le minzhelelweni ya zitsunga, ni lomu ziwuleni, ni le Dzongeni; ku wa hi vaHiti, ni vaAmori, ni vaKanani, ni vaPerezi, ni vaHivi, ni vajebusi.

Joxua 18:21

Makunu a miti ya lixaka la vanana va ka Benjamini hi mingango yabye, hi leyi: Jeriko, ni Bet-Hogla, ni Emeki-Ziza;

Joxua 6:17

A muti ni zontlhe zi nga ka wona a zi love, manyala ka Jehova; ku ta hanya Rahabi xibhayi basi, ni vontlhe lava va nga zinwe na yena lomu ndlwini yakwe, hakuva yena i fihlile tihloli leti hi ti rumileko. Jox. 2:3; Maheb. 11:31

Joxua 8:2

U taya maha le Ai ni hosi ya kona khwatsi hi lezi u mahileko le Jeriko ni hosi ya kona; mu ta phanga a wukosi ga kona ni zifuyo za kona ziva za nwina. Veka a vanhu va xijumani hi lenzhako ka muti va wu juma.

Joxua 8:27

Saseka lezaku a zifuyo ni wukosi ga muti lowo, a vaIsraeli va lo zi teka ziva muphango wabye, khwatsi hi kuwula ka Jehova na a leletela Joxua.

Joxua 9:24

Vona va lo hlamula Joxua, vaku ngalo: Malanza ya wena ma byelilwe ziku dlunya lezaku Jehova Nungungulu wa wena i leletele Mosi, a nanza gakwe, a ku mu nyika gontlhe legi tiko ni ku lovisa mahlweni ka nwina vontlhe vanhu va tiko legi; hikwalaho hina hi lo chava nguvu ha nwina hi kota ya wutomi ga hina, kala hi maha lezi.