Jona 2:7 - Tshwa Bible

⁷ Laha a muhefemulo wa mina wu nga rerekile nzeni ka mina nzi lo alakanya Jehova; A mukombelo wa mina wu lo chikela ka wena lomu tempeleni ya wena yo basa.

Jona 2:7 ပူးပေါင်းရင်းမြစ်များ

2 Kronekele 30:27

Zonake a vapristi va nga vaLevi, va lo suka va katekisa vanhu, ni gezu gabye gi lo ingiswa; a mukombelo wabye wu lo chikela wutshanwini ga Jehova go basa le tilweni.

Tisimu 11:4

Jehova i lomu tempeleni yakwe yo basa, A xitshamu xa wuhosi xa Jehova xi le tilweni; A mahlo yakwe ma wona, Ni tikohe takwe ti kamba a vanana va vanhu. Isa. 66:1; Hab. 2:20; Mat. 5:34

Tisimu 142:3

Laha a moya wa mina wu nga ni gome nzeni ka mina, Hi wena loyi u tivako ndlela ya mina. Va vekile ziyo laha ndleleni nzi fambako ha yona.

Tisimu 143:5

Nza alakanya masiku ya kaleloko, Nzi ehleketa hi zimaho za wena zontlhe, Nzi ehleketa mitiro ya mandla ya wena.

Tisimu 18:6

Nzi lo khongela ka Jehova kuhlokisweni ka mina, Nzi rila ka Nungungulu wa mina; Yena i lozwa a gezu ga mina na a hi tempeleni yakwe, A huwa ya mina mahlweni kakwe yi lota enghena tindleveni takwe.

Tisimu 20:7

A vanwani va tsumba tikareta, vanwani va tsumba mahaxi, Kanilezi hina hi kumbuka a vito ga Jehova, a Nungungulu wa hina.

Tisimu 22:14

Nzi halatilwe lahasi kota mati, A marambu, ya mina ma khuyukele; A mbilu ya mina yi fanana ni sera, Yi nyekile nzeni ka mina.

Tisimu 27:13

Mina nza tsumba hakunene Lezaku nzi ta wona a wunene ga Jehova Tikweni ga vahanyileko.

Tisimu 42:11

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Loyi a nga kuhanyisa ka mina ni Nungungulu wa mina.

Tisimu 42:5

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Hi kota ya kuhanyisa loku ku tako hi le nghoheni yakwe.

Tisimu 43:5

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Loyi a nga kuhanyisa ka mina ni Nungungulu wa mina.

Tisimu 65:4

I katekile a munhu loye wena u mu hlawulako, loye u mu tshinelako ka wena, Kasi a fela ku tshama ziluvelweni za wena. Hina hi ta xura hi malongo ya yindlu ya wena, Le wutshanwini go basa ga tempeli ya wena.

Isaya 38:17

A hlomulo loʼwa hombe wa mina wu nzi nehele kurula; Hi liranzo la wena u humesile moya wa mina rinzini ga kubola; Hakuva u hoxile zionho za mina zontlhe lenzhako ka wena.

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Jona 2:4

Mina nziku: Nzi hlongolwe mahlweni ka wena, Kanilezi nzi ta tlhela nzi cuwuka tempeleni ya wena yo basa.

Mika 1:2

Nwina matiko wontlhe, ingisani! Zwana wena misava, ni zontlhe lezi zi nga ka wena! Hosi Jehova i na ni wukustumunyu go mu vukela, yona a Hosi leʼyi nga tempeleni ya yona yo basa. Deut. 32:1; Isa. 1:2

Habakuka 2:20

Kanilezi Jehova i lomu tempeleni yakwe yi basileko, a misava yontlhe ngha yi rutisa mahlweni kakwe! Zef. 1:7; Zak. 2:13

Maheberu 12:3

Ina, alakanyani yena loyi a nga timisela a kukanetwa ka kunghaho hi vaonhi, lezaku mu nga rereki, mu mbhela ntamu mihefemulweni ya nwina. Mat. 10:24

1 Samueli 30:6

Davida i wa hi hlomulweni wa hombe nguvu, hakuva vanyingi va wa alakanya ku mu gandla hi maribye, hakuva a timbilu ta vanhu vontlhe ti wa hi hlomulweni, hilezi loyi ni loyi i wa karatekela a vafana vakwe ni vanhanyana vakwe. Kanilezi Davida i lo ti tiyiseta hi Jehova a Nungungulu wakwe.