Joeli 2:30 - Tshwa Bible

³⁰ Nzi ta wonisa zihlamaliso le tilweni nilaha misaveni: a nkhata ni nzilo ni timhinga ta musi.

Joeli 2:30 ပူးပေါင်းရင်းမြစ်များ

Genesisi 19:28

i lo cuwuka a Sodoma ni Gomora, ni tiko gontlhe ga le nkoveni, i lo wona a musi wa tiko na wuya hehla kotisa a musi wa phingo.

Xizimba xa ka Solomoni 3:6

Himani loyi a humako hi le xiwuleni khwatsi timhinga ta musi, Loyi a nuhelako mure ni makha, Ni mibandwa yontlhe ya vamahungani ke?

Jeremia 4:28

Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

Zakaria 14:6

A siku lego, a kuwonekela ku nga tava kona, a ziwoningo za tilo zi ta pfhupeliswa.

Mateu 24:29

Loku ku mbhelile a kuxaniseka ka lawo masiku; a gambo gi ta pfhupeliswa, ni hweti yi nga ta humesa a kuwoninga ka yona, ni tinyeleti ti tawa hi le tilweni, ni mintamu ya matilo yi ta tsekatsekiswa, Isa. 13:10; Ezek. 32:7; Am. 5:20; Joeli 2:10; Lu. 21:25

Luka 21:11

Ku tava kona kutsekatseka ka hombe ka misava, ni ka matshamu ma tsalangeneko ku tava kona tindlala ni mitungu; a masingita ni ziwoniso za hombe zi ta woneka le tilweni.

Joxua 8:20

Ni laha a vavanuna va le Ai va nga wa cuwukile lenzhako kabye, languta, a musi wa muti wu lo tuvikela le hehla tilweni, na vona va wa nga tivi lezaku va ta tsutsumela kwihi, hakuva a vanhu lava va nga tsutsumela xiwuleni, va lo hunzuluka va va hlongolawu.

Kuvululelwa 18:18

vaba huwa hi ku wona a musi wa kuhiswa ka wona, vaku: Hi wihi muti wo fanana ni muti lowu wa hombe ke? Ezek. 27:30; Xip. 13:4

Kuvululelwa 18:9

A tihosi ta misava leti ti bhayileko ni ku ti tsakisa zinwe naye, ti ta mu rilela ti hlaluka, loku ti wona a musi wa kuhiswa kakwe. Jer. 50:46; Ezek. 26:16, 17; Xip. 19:3

Kuvululelwa 8:7

Leʼyo ranga yi loba a mpunzu wa yona, zonake kuna vula ya maralala ni nzilo, na zi patsilwe ni nkhata, zi hoxwa misaveni. Ku lo hiswa a xipanze xa wunharu xa misava, ku hiswa ni xipanze xa wunharu xa tisinya, ku hiswa ni byanyi gontlhe go nyuka. Isa. 2:13; Ezek. 38:22; Xip. 16:2

Valamuli 20:38

A va ka Israeli va wa mahile xikombiso ni lava va nga wa juma, vaku: Tuvikisani a refu ga hombe ga musi le mutini.

Valamuli 20:40

Laha a refu ga musi gi nga sangula ku tuvika le mutini, na gi hi mhinga ya hombe, a va ka Benjamini va lo cuwuka lenzhako va wona a musi wa muti wontihe na wu tlakukela tilweni.