Joeli 2:13 - Tshwa Bible

¹³ Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Joeli 2:13 ပူးပေါင်းရင်းမြစ်များ

Genesisi 37:29

Zonake Rubeni i lo tlhela aya rinzini, i loya wona lezaku Josefa a nga kona.

Genesisi 37:34

Jakobe i lo hanzula tinguwo takwe, i lo boha tisakwa, a rila nʼwana wakwe masiku yo tala.

2 Samueli 1:11

Zonake Davida i lo hanzula tinguwo takwe, ni lava a nga hi navo va lo mahawu zalezo.

1 Tihosi 21:27

Makunu laha Ahabi a ngazwa timhaka leti, i lo hanzula a tinguwo takwe, a ambala a tinguwo ta tisakwa, a yila. I lo etlela ni tinguwo ta tisakwa, a famba hi kunyanima.

2 Tihosi 22:11

Makunu laha a hosi yi nga zwile a timhaka ta bhuku ga milayo, yi lo hanzula a tinguwo ta yona.

2 Tihosi 22:19

kota lezi a mbilu ya wena yi olovileko, na u ti koramisile mahlweni ka Jehova, laha u ngazwa hi lezi nzi wulileko xungetano hi wutshamu legi, ni vaaki va gona, lezaku va ta lobyiswa vave xiruko, u hanzula tinguwo ta wena u rila mahlweni ka mina, minawu nzi ku zwile, ku wula Jehova.

2 Tihosi 5:7

Makunu laha a hosi ya ka Israeli yi nga wa gonzile a papilo, yi lo hanzula a tinguwo ta yona, yiku: Kasi mina nzi Nungungulu loyi a zi kotako ku daya ni ku hanyisa, lezi a munhu loyi a rumelako a munhu lezaku nzi mu hanyisa a hlokonho yakwe ke? Hlolisisani, mu pimisisa mu ta wona lezaku i lava ku holova na mina. Deut. 32:39; 1 Sam. 2:6

2 Tihosi 6:30

Laha a hosi yi ngazwa timhaka leto ta wasati, yi lo hanzula a tinguwo ta yona. Na a hunza hi le hehla ka ligingisi, a vanhu va lo mu wona lezaku i wa ambele a tinguwo ta tisakwa a ti maha zirangiso.

2 Kronekele 6:27

zonake wena zwana na u hi kwaleyo tilweni, u tsetselela a malanza ya wena, a vanhu va wena va ka Israeli, a zionho zabye, na u va gonzisa a ndlela yo saseka leyi va faneleko ku famba ha yona; zonake rumela a vula lomu tikweni legi wena u va nyikileko a kuva tshomba yabye.

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Joba 1:20

Zonake Joba i lo suka a yima, a hanzula tinguwo takwe, a halula hloko yakwe, a ti wisa lahasi a khongela, aku:

Tisimu 103:8

Nungungulu i na ni wuxinji ni tipswalo, Wa nonoka ku zangara, i tele hi wunene. Ekso. 34:6; Joeli 2:13; Jona 4:2

Tisimu 106:45

A alakanya a xivumelwano xakwe hi kota ya vona, A va zwela hi wuxinji gakwe ga hombe. Deut. 30:1

Tisimu 34:18

Jehova i kusuhi ni lava va tshovekileko timbilu; A hanyisa lava va nga ni moya wu panzekileko. Isa. 57:15; 66:2; Lu. 18:13

Tisimu 51:17

A muphahlo lowu wu xalalisako Nungungulu hi moya loʼwu tshovekileko; Nungungulu, cima u nga ta nyenya a mbilu leʼyi tshovekileko, yi xanisekelako zionho. Isa. 66:2

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 58:5

Hi kona kuyila loku ku nzi tsakisako ke? Xana i siku legi munhu a hlokisako muhefemulo wakwe? Kasi hi ku koramisa hloko khwatsi lihlanga, Ni ku etlela laha sakweni ni lomu khumeni, Hi zona u zi vitako aku kuyila, Lezaku i siku gi tsakisako Jehova ke? Zak. 7:5; Mat. 6:16

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Jeremia 36:7

Kutani va ta khongela mahlweni ka Jehova, va hunzuluka munwe ni munwani mahanyeleni yabye yo biha. Hakuva a khulo ga Jehova ga hombe ni xiviti lexi a sinako a xi wulile hi lava vanhu.

Jeremia 41:5

ku lo chikela a vanhu va le Xekemi ni le Xilo ni le Samaria, va wa hi 80 wa vavanuna, na va cingile malevu yabye, a tinguwo tabye na ti hanzulwe, na va ti tsemelele, na va welele minyikelo ya tinzhoho ni pepo, va zi neha ndlwini ya Jehova. Levi 19:27; Deut. 14:1

Jeremia 42:10

Loku mu nonohisa mu tshama tikweni legi nzi ta mu akisa nzi nga mu wisi hasi; nzi ta mu byala nzi nga mu tsuwuli; hakuva nza xaniseka hi kubiha loku nzi mu maheleko kona.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Jona 3:9

Himani a zi tivako, aku kutani Nungungulu i ta hunzuluka, a tlhela a tsika a zanga yakwe yo tshisa, kasi hi nga lovi ke?

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Nahume 1:3

Jehova wa nonoka ku zangara, ngwa hombe ntanwini wakwe, a nga ta tsiketa nanzu. A ndlela ya Jehova yi lomu ka xipupuri ni ka bhubhutsa, a marefu i tsutsungwani wa mikonzo yakwe. Ekso. 34:6; Mitse. 14:18; Neh. 9:17

Mitsengo 14:18

Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.

Va le Roma 2:4

Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9

Va le Efesusi 2:4

Kanilezi Nungungulu loyi a teleko wuxinji, hi kota ya liranzo lakwe la hombe leli a hi ranzileko ha lona, Rom. 10:12

1 Timote 4:8

Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33